ಒಂದೇ ವರ್ಷದಲ್ಲಿ 3ನೇ ವಜಾ ಪ್ರಕ್ರಿಯೆಗೆ ಮೈಕ್ರೋಸಾಫ್ಟ್​ ಸಜ್ಜು! ಕಾರಣ ಬಹಿರಂಗ, ಉದ್ಯೋಗಿಗಳಿಗೆ ಮತ್ತೇ ಸಂಕಷ್ಟ | Microsoft Layoffs

Microsoft Layoffs: ಒಂದೇ ವರ್ಷದಲ್ಲಿ ಮೂರನೇ ಬಾರಿಗೆ ಉದ್ಯೋಗಿಗಳ ವಜಾಗೊಳಿಸುವಿಕೆ ಪ್ರಕ್ರಿಯೆಗೆ ಇದೀಗ ಹೆಸರಾಂತ ಟೆಕ್​ ಸಂಸ್ಥೆ ಮೈಕ್ರೋಸಾಫ್ಟ್ ಸಜ್ಜಾಗಿದೆ. ಈ ಕಟು ನಿರ್ಧಾರದ ಮೂಲಕ ಮತ್ತೊಮ್ಮೆ ತನ್ನ ಉದ್ಯೋಗಿಗಳಿಗೆ ಆಘಾತ ತಂದೊಡ್ಡಿದೆ. ಭಾರಿ ಉದ್ಯೋಗ ಕಡಿತಕ್ಕೆ ಸಿದ್ಧತೆ ನಡೆಸುತ್ತಿರುವ ಮೈಕ್ರೋಸಾಫ್ಟ್, ಬರೋಬ್ಬರಿ ಸಾವಿರಕ್ಕೂ ಅಧಿಕ ನೌಕರರಿಗೆ ಗುಡ್​ಬೈ ಹೇಳಲು ಎದುರುನೋಡುತ್ತಿದೆ. ಸಂಸ್ಥೆಯ ಈ ನಿರ್ಣಯಕ್ಕೆ ಬಲವಾದ ಕಾರಣವೂ ಇದೆ.

ಇದನ್ನೂ ಓದಿ: ಜೀವಬಲಿಗೆ ಕಾಯುತ್ತಿದೆ ಹೊಂಡ! : ಅಮೃತ್ ಯೋಜನೆ ಪೈಪ್‌ಲೈನ್ ಅರ್ಧಂಬರ್ಧ ಕೆಲಸ : ಸವಾರರಿಗೆ ಸಂಕಷ್ಟ

'ಮೈಕ್ರೋ' ಕಾರಣ

ಇದಕ್ಕೆ ಕಾರಣ ಏನೆಂದರೆ ಕಂಪನಿಯು ಇತ್ತೀಚೆಗೆ ಕೃತಕ ಬುದ್ಧಿಮತ್ತೆ (AI) ನಲ್ಲಿ ಹೆಚ್ಚುವರಿ ಹೂಡಿಕೆ ಮಾಡಿದೆ. ಇದು ಸಂಸ್ಥೆಗೆ ಆರ್ಥಿಕ ಒತ್ತಡ ಹೇರಿದೆ. ಈ ಎಲ್ಲಾ ಬೆಳವಣಿಗೆಯನ್ನು ಗಮನದಲ್ಲಿಟ್ಟುಕೊಂಡಿರುವ ಮೈಕ್ರೋಸಾಫ್ಟ್​, ತನ್ನ ಹಲವು ವಿಭಾಗಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಉದ್ಯೋಗಿಗಳಿಗೆ ಎಐ ಸಲುವಾಗಿ ಗೇಟ್​ಪಾಸ್ ಕೊಡಲು ನಿರ್ಧರಿಸಿದೆ. ಈ ಸುತ್ತಿನ ವಜಾಗಳು ಅತೀ ಮುಖ್ಯವಾಗಿ ಸೇಲ್ಸ್​ ತಂಡವನ್ನೇ ಗುರಿಯಾಗಿರಿಸಿಕೊಂಡಿವೆ ಎಂದು ವರದಿಗಳು ತಿಳಿಸಿವೆ. ಪ್ರಸ್ತುತ ಮಾಹಿತಿಯ ಪ್ರಕಾರ, ವಜಾ ಪ್ರಕ್ರಿಯೆ ಇದೇ ಜುಲೈ ತಿಂಗಳಲ್ಲಿ ನಡೆಯಲಿವೆ ಎಂದು ಹೇಳಲಾಗಿದೆ.

ಸೇಲ್ಸ್ ಟೀಮ್​ ಟಾರ್ಗೆಟ್​!

ಈ ಹಂತದ ವಜಾಗಳು ಮಾರಾಟ ತಂಡಗಳ ಮೇಲೆ ಪರಿಣಾಮ ಬೀರಲಿವೆ. ಆದರೆ, ಇತರ ಇಲಾಖೆಗಳಲ್ಲಿಯೂ ಕಡಿತಗಳಿರುತ್ತವೆ ಎನ್ನಲಾಗಿದೆ. ಉದ್ಯಮ ಸ್ಪರ್ಧೆಯನ್ನು ನಿಭಾಯಿಸಲು, ಕಂಪನಿಯು ಉತ್ಪನ್ನಗಳು ಮತ್ತು ಸೇವೆಗಳಲ್ಲಿ ಕೃತಕ ಬುದ್ಧಿಮತ್ತೆ (AI) ಸೇವೆಗಳನ್ನು ಹೆಚ್ಚು ಬಳಸಲು ನಿರ್ಧರಿಸಿದೆ. ಈ ಹಿನ್ನಲೆ ಮೈಕ್ರೋಸಾಫ್ಟ್ ಇತ್ತೀಚೆಗೆ ಕೃತಕ ಬುದ್ಧಿಮತ್ತೆ ಹೂಡಿಕೆಗಳ ಮೇಲೆ ಕೇಂದ್ರೀಕರಿಸಿದೆ. ಮೈಕ್ರೋಸಾಫ್ಟ್ ಪ್ರಸ್ತುತ ಹಣಕಾಸು ವರ್ಷಕ್ಕೆ 80 ಬಿಲಿಯನ್ ಡಾಲರ್ ಬಂಡವಾಳ ವೆಚ್ಚವನ್ನು ಯೋಜಿಸಿದೆ. ಇದರಲ್ಲಿ ಅರ್ಧಕ್ಕಿಂತ ಹೆಚ್ಚಿನದನ್ನು ಎಐ ಮೂಲಸೌಕರ್ಯವನ್ನು ಬೆಂಬಲಿಸಲು ಡೇಟಾ ಕೇಂದ್ರಗಳನ್ನು ನಿರ್ಮಿಸಲು ವ್ಯಯಿಸಲಿದೆ.

ಇದನ್ನೂ ಓದಿ: ಏನಿದು ವಾರ್ಷಿಕ ಫಾಸ್ಟ್​ಟ್ಯಾಗ್ ಪಾಸ್​? ಯಾವ ವಾಹಗಳಿಗೆ ಇದು ಅನ್ವಯ? ಇಲ್ಲಿದೆ ಸಂಪೂರ್ಣ ವಿವರ | FASTag

10,000 ಉದ್ಯೋಗಿಗಳಿಗೆ ಗೇಟ್​ಪಾಸ್​

ಈ ವರ್ಷ ಮೈಕ್ರೋಸಾಫ್ಟ್‌ನ ವಜಾಗೊಳಿಸುವಿಕೆಗಳು ಹೆಚ್ಚಾಗಿ ಉತ್ಪಾದನೆ ಮತ್ತು ಇಂಜಿನಿಯರಿಂಗ್‌ನಲ್ಲಿವೆ. ಕಂಪನಿಯು ಈಗಾಗಲೇ ಸುಮಾರು 6,000 ಉದ್ಯೋಗಗಳನ್ನು ಕಡಿತಗೊಳಿಸಿದೆ. ಆದರೆ, ಈ ಬಾರಿ ಸೇಲ್ಸ್​ ಮತ್ತು ಮಾರ್ಕೆಟಿಂಗ್‌ನಂತಹ ಗ್ರಾಹಕ-ಮುಖಿ ವಿಭಾಗಗಳ ಮೇಲೆ ಕೇಂದ್ರೀಕರಿಸಿದೆ. ಇದೇ ಮೈಕ್ರೋಸಾಫ್ಟ್ 2023ರಿಂದ ಸುಮಾರು 10,000 ಉದ್ಯೋಗಿಗಳನ್ನು ಇಲ್ಲಿಯವರೆಗೆ ಹೊರಗಟ್ಟಿದೆ ಎಂದು ವರದಿಗಳು ಉಲ್ಲೇಖಿಸಿವೆ,(ಏಜೆನ್ಸೀಸ್).

https://www.vijayavani.net/fastag-annual-pass-complete-details-are-here