ಮುಂಬೈ: ಬಾಲಿವುಡ್ ಅಂಗಳದಲ್ಲಿ ತಮ್ಮ ನಿರ್ದೇಶನ ಮತ್ತು ಕಥೆ ಹೇಳುವ ಶೈಲಿಗೆ ಹೆಸರುವಾಸಿಯಾದ ‘ದಿ ಕಾಶ್ಮೀರ್ ಫೈಲ್ಸ್’ ಖ್ಯಾತಿಯ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಇದೀಗ ಅವರ ಬಹುನಿರೀಕ್ಷಿತ ಪ್ರಾಜೆಕ್ಟ್ ‘ದಿ ವ್ಯಾಕ್ಸಿನ್ ವಾರ್’ ಚಿತ್ರದ ಟ್ರೇಲರ್ ಅನಾವರಣಗೊಳಿಸುವ ಮುಖೇನ ಭಾರತೀಯ ಚಿತ್ರರಂಗದಲ್ಲಿ ಹೊಸ ಅಲೆಯನ್ನೇ ಸೃಷ್ಟಿಸಿದ್ದಾರೆ.
ಇದನ್ನೂ ಓದಿ: ದೇವರಕಾಡಿನಲ್ಲಿ ವಿದ್ಯುತ್ ಸಬ್ ಸ್ಟೇಷನ್ ಯೋಜನೆ: ಕೊರವೇ ತೀವ್ರ ವಿರೋಧ
ಮಂಗಳವಾರ ‘ದಿ ವ್ಯಾಕ್ಸಿನ್ ವಾರ್’ ಚಿತ್ರದ ಟ್ರೇಲರ್ ಬಿಡುಗಡೆಗೊಳಿಸಿದ ಚಿತ್ರತಂಡಕ್ಕೆ ವ್ಯಾಪಕ ಮೆಚ್ಚುಗೆ ಜತೆಗೆ ಭಾರೀ ಪ್ರಶ್ನೆಗಳು ಹರಿದುಬಂದಿದ್ದು, ಸಿನಿಮಾದ ರಿಯಲ್ ಕಥೆ, ಪಾತ್ರಗಳ ಕುರಿತಂತೆ ಸಾಕಷ್ಟು ಅಭಿಪ್ರಾಯಗಳು ಕೂಡ ವ್ಯಕ್ತಗೊಂಡಿವೆ. ಇತ್ತೀಚೆಗಷ್ಟೇ ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ ನಾನಾ ಪಾಟೇಕರ್ ಪಾತ್ರದ ಆಯ್ಕೆ ಹೇಗೆ? ಎಂಬ ಪ್ರಶ್ನೆಗೆ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಕೊಟ್ಟ ಉತ್ತರ ಹೀಗಿದೆ.
ಸಿನಿಮಾದಲ್ಲಿ ಐಸಿಎಂಆರ್ ಮಾಜಿ ಡೈರೆಕ್ಟರ್ ಜನರಲ್ ಬಲರಾಮ್ ಭಾರ್ಗವ್ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ನಟ ನಾನಾ ಪಾಟೇಕರ್ ರೋಲ್ ಬಗ್ಗೆ ಅಸಲಿ ಮಾಹಿತಿ ಹಂಚಿಕೊಂಡ ನಿರ್ದೇಶಕ, “ತಮ್ಮ ಪಾತ್ರಕ್ಕೆ ಹೃದಯದಿಂದ ಕೆಲಸ ಮಾಡುವ ವ್ಯಕ್ತಿಯನ್ನು ಆಯ್ಕೆ ಮಾಡಲು ನೋಡುತ್ತಿದ್ದೆವು, ಆಗ ನನಗೆ ಆಳವಾಗಿ ಕುಳಿತ್ತಿದ್ದು ಪಾಟೇಕರ್. ತಮ್ಮ ಇಡೀ ವೃತ್ತಿಯಲ್ಲಿ ನೆಗೆಟಿವ್ ರೋಲ್ ಮಾಡದ ಏಕೈಕ ನಟ ಅವರು, ಹೀಗಾಗಿ ಅವರನ್ನು ನಮ್ಮ ಚಿತ್ರದ ಪಾತ್ರಕ್ಕಾಗಿ ನೇರವಾಗಿ ಕೇಳಿದೆ. ಅದಕ್ಕೆ ನಾನಾ ಒಪ್ಪಿಗೆ ಕೂಡ ಸೂಚಿಸಿದರು” ಎಂದು ಹೇಳಿದರು.
ಇದನ್ನೂ ಓದಿ: ರೀಲ್ಸ್ ಜೋಡಿಯ ಬ್ರೇಕಪ್ ಕಹಾನಿ! ವರುಣ್-ವರ್ಷಾ ಮಧ್ಯೆ ಮತ್ತೊಬ್ಬಳ ಎಂಟ್ರಿ, ಗುಟ್ಟು ಬಿಚ್ಚಿಟ್ಟ ಕಾವೇರಿ
ಸದ್ಯ ಟ್ರೇಲರ್ ಬಿಡುಗಡೆಗೊಳಿಸುವ ಮುಖೇನ ಸಿನಿಪ್ರೇಕ್ಷಕರ ಗಮನ ಸೆಳೆದ ‘ದಿ ವ್ಯಾಕ್ಸಿನ್ ವಾರ್’ ಚಿತ್ರವು, ಇದೇ ಸೆಪ್ಟಂಬರ್ 28 ರಂದು ಜಾಗತಿಕವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಲು ಸಜ್ಜಾಗಿದೆ,(ಏಜೆನ್ಸೀಸ್).
VIDEO | ಆಯುಷ್ಮಾನ್ ಭವ ಉದ್ಘಾಟನೆ; ಮಹತ್ವದ ಮಾಹಿತಿ ನೀಡಿದ ಕೇಂದ್ರ ಆರೋಗ್ಯ ಸಚಿವ