ಮುಂಬೈನಲ್ಲಿ ಅಲಿಬಾಗ್, ಅತ್ಯಂತ ದುಬಾರಿ ಪ್ರದೇಶವಾಗಿದೆ. ಸಮುದ್ರಕ್ಕೆ ಸಮೀಪವಿರುವ ಕಾರಣ ಇಲ್ಲಿ ವಾಸಿಸಲು ಅನೇಕ ಸೆಲೆಬ್ರಿಟಿಗಳು ಮತ್ತು ದೊಡ್ಡ ಉದ್ಯಮಿಗಳು ಆಸಕ್ತಿ ಹೊಂದಿದ್ದಾರೆ. ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ 2022ರಲ್ಲಿ ಈ ಅಲಿಬಾಗ್ ಪ್ರದೇಶದಲ್ಲಿ 8 ಎಕರೆ ಜಾಗವನ್ನು ಖರೀದಿಸಿ, ಮನೆ ನಿರ್ಮಿಸಲು ಯೋಚಿಸಿದರು. ಈ 8 ಎಕರೆ ಜಾಗಕ್ಕೆ ವಿರುಷ್ಕಾ ದಂಪತಿ ಬರೋಬ್ಬರಿ 19 ಕೋಟಿ ರೂ. ನೀಡಿದರು. ಈ 8 ಎಕರೆ ಜಾಗದಲ್ಲಿ ಮನೆ, ಉದ್ಯಾನ, ಈಜುಕೊಳ ಹೀಗೆ ನಾನಾ ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ. ಅಲ್ಲದೆ, 13 ಕೋಟಿ ರೂ.ಗಳಲ್ಲಿ ಐಷಾರಾಮಿ ಮನೆಯನ್ನು ನಿರ್ಮಿಸಲಾಗಿದೆ. ಕೊಹ್ಲಿ ಮತ್ತು ಅನುಷ್ಕಾ ಅವರ ಅಭಿರುಚಿಗೆ ತಕ್ಕಂತೆ ಆವಾಸ್ ಕಂಪನಿ ಈ ಮನೆಯನ್ನು ನಿರ್ಮಿಸಿದೆ. ಮನೆ ನಿರ್ಮಾಣ ಆರಂಭವಾದಾಗಿನಿಂದ ಕೊಹ್ಲಿ ಹಲವು ಬಾರಿ ಅಲ್ಲಿಗೆ ಭೇಟಿ ನೀಡಿ ಮನೆ ನಿರ್ಮಾಣ ಹೇಗೆ ನಡೆಯುತ್ತಿದೆ ಎಂಬುದನ್ನು ಸ್ವತಃ ವೀಕ್ಷಿಸಿದ್ದರು.
