ಬೆಂಗಳೂರು: ಮಾಜಿ ರಾಷ್ಟ್ರಪತಿ ಡಾ.ಸರ್ವಪಲ್ಲಿ ರಾಧಾಕೃಷ್ಣ ಅವರ ಜನ್ಮದಿನದ ಪ್ರಯುಕ್ತ ಸೆಪ್ಟೆಂಬರ್ 5 ರಂದು ದೇಶದಾದ್ಯಂತ ‘ಶಿಕ್ಷಕರ ದಿನಾಚರಣೆ’ ಎಂದು ಆಚರಿಸಲಾಗುತ್ತಿದೆ. ಗುರು-ಶಿಷ್ಯರ ಸಂಬಂಧ ನೆನೆಪಿಸಿಕೊಳ್ಳುವುದು ಕೂಡ ಈ ದಿನದ ವಿಶೇಷ. ಅದು ಯಾವುದೇ ಕ್ಷೇತ್ರವೇ ಇರಬಹುದು ಗುರು-ಶಿಷ್ಯರ ಸಂಬಂಧ ಇದ್ದೇ ಇರುತ್ತದೆ. ಹೀಗೆ ಕ್ರೀಡಾ ಕ್ಷೇತ್ರದಲ್ಲೂ ಗುರುವಿಲ್ಲದೆ ಗುರಿ ತಲುಪುವುದು ಕಷ್ಟಸಾಧ್ಯ. ಕ್ರೀಡಾ ಕ್ಷೇತ್ರದಲ್ಲಿ ಸ್ಟಾರ್ ಗಿರಿ ಪಟ್ಟ ಗಳಿಸಿದ್ದರೂ ಗುರುವಿನ ಕಾಣಿಕೆ ಮಾತ್ರ ಮರೆತಿಲ್ಲ ನಮ್ಮ ಕ್ರೀಡಾಪಟುಗಳು. ಕ್ರಿಕೆಟಿಗರಾದ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ, ದಿಗ್ಗಜ ಸಚಿನ್ ತೆಂಡುಲ್ಕರ್, ಮಯಾಂಕ್ ಅಗರ್ವಾಲ್, ರೋಹಿತ್ ಶರ್ಮ, ಹಾಕಿ ತಂಡದ ಆಟಗಾರರು ತಮ್ಮ ಗುರುಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಸ್ಮರಿಸಿದ್ದಾರೆ.
