18ರ ನಂಟು ಖುಷಿಯ ಗಂಟು! 3-6-2025 ದಿನಾಂಕದಲ್ಲೇ ಅಡಗಿದೆ ಕೊಹ್ಲಿ ಜಯದ ಗುಟ್ಟು! ಹೇಗೆ ಅಂತೀರಾ? ಇಲ್ಲಿದೆ ಉತ್ತರ | Virat

Virat Kohli: ಕ್ವಾಲಿಫೈಯರ್​-2 ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ತಂಡವನ್ನು ಮಣಿಸಿ ಇದೀಗ ಫೈನಲ್​ಗೆ ಪಂಜಾಬ್ ಕಿಂಗ್ಸ್ ಎಂಟ್ರಿ ಕೊಟ್ಟಿದೆ. ಐಪಿಎಲ್​ 18ನೇ ಆವೃತ್ತಿಯ ಕಡೆಯ ಪಂದ್ಯದಲ್ಲಿ ಚೊಚ್ಚಲ ಟ್ರೋಫಿಗಾಗಿ ಹೋರಾಡಲಿರುವ ಆರ್​ಸಿಬಿ ಮತ್ತು ಪಂಜಾಬ್​ ನಡುವೆ ಯಾವ ತಂಡ ದಾಖಲೆಯ ಗೆಲುವು ಸಾಧಿಸಿ, 18ನೇ ಆವೃತ್ತಿಯ ಚೊಚ್ಚಲ ಟ್ರೋಫಿ ಎತ್ತಿಹಿಡಿಯಲಿದೆ ಎಂಬುದೇ ಸದ್ಯ ಕ್ರಿಕೆಟ್​ ಅಭಿಮಾನಿಗಳಲ್ಲಿ ಕಾಡುತ್ತಿರುವ ರೋಚಕ ಹಾಗೂ ಕೌತುಕದ ಪ್ರಶ್ನೆ.

ಇದನ್ನೂ ಓದಿ: ಭಾರತೀಯರೆಲ್ಲ ಏಕೆ ಹೀಗೆ? ಜಾಲತಾಣದಲ್ಲಿ ಭಾರೀ ಚರ್ಚೆ ಹುಟ್ಟು ಹಾಕಿದೆ ವಿದೇಶಿ ಯುವಕನ ಈ ಮಾತು…Indians

ಐಪಿಎಲ್​ ಟೂರ್ನಿ ಆರಂಭಗೊಂಡ ಮೊದಲ ದಿನದಿಂದಲೂ ಸತತವಾಗಿ ಅದ್ಭುತ ಆಲ್​ರೌಂಡ್ ಪ್ರದರ್ಶನ ಕೊಟ್ಟು, ಇದೀಗ ಫೈನಲ್​ ಹಂತ ತಲುಪಿರುವ ಶ್ರೇಯಸ್​ ಅಯ್ಯರ್​ ನೇತೃತ್ವದ ಪಂಜಾಬ್ ಕಿಂಗ್ಸ್ ಮತ್ತು ರಜತ್ ಪಟೀದಾರ್​ ನಾಯಕತ್ವದ ಆರ್​ಸಿಬಿ ತಂಡಗಳು ಚೊಚ್ಚಲ ಕಪ್​ಗಾಗಿ ಸೆಣಸಲು ಸಜ್ಜಾಗಿವೆ. ಇದು ಆಟಗಾರರಿಗಿಂತ ಅಭಿಮಾನಿಗಳಲ್ಲಿ ರೋಮಾಂಚಕ ಕ್ಷಣವನ್ನಾಗಿ ಮಾಡಿದೆ. ಅದರಲ್ಲೂ ಆರ್​ಸಿಬಿ ಫ್ರಾಂಚೈಸಿಯ ಕಟ್ಟ ಅಭಿಮಾನಿ ಬಳಗಕ್ಕೆ ಇದು ಭಾವುಕ ಕ್ಷಣ ಎಂದರೆ ಖಂಡಿತ ತಪ್ಪಾಗಲಾರದು.

'ಕಿಂಗ್' ಕೊಹ್ಲಿ

ಐಪಿಎಲ್ ಇತಿಹಾಸದಲ್ಲಿ ಹಲವು ದಾಖಲೆಗಳನ್ನು ಬರೆದಿರುವ ವಿರಾಟ್​ ಕೊಹ್ಲಿ, ತಮ್ಮ ಹೆಸರಿಗೆ ಐತಿಹಾಸಿಕ ದಾಖಲೆಗಳನ್ನೇ ಸೇರಿಸಿಕೊಂಡಿದ್ದಾರೆ. 2008ರಿಂದ ಒಂದೇ ಫ್ರಾಂಚೈಸಿಗೆ ಆಡಿರುವ ಏಕೈಕ ಆಟಗಾರ ಕೊಹ್ಲಿ ಮಾತ್ರ ಎಂಬುದು ಅಭಿಮಾನಿಗಳ ಉತ್ಸಾಹ, ಅಭಿಮಾನಕ್ಕೆ ಹಿಡಿದ ಕನ್ನಡಿ. ದಾಖಲೆಗಳ ಸರದಾರನಾಗಿ ಮಿಂಚಿರುವ ಕಿಂಗ್​ ಕೊಹ್ಲಿ, ಈ ವರ್ಷವು ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿ, ಅತ್ಯಧಿಕ ರನ್​ಗಳನ್ನು ಕಲೆಹಾಕಿದ್ದಾರೆ. 18ನೇ ವರ್ಷ, 18ನೇ ಐಪಿಎಲ್​ ಲೀಗ್, ಜೆರ್ಸಿ ನಂ.18, ಈ ವರ್ಷ ಆರ್​ಸಿಬಿ ಪರ ಚೊಚ್ಚಲ ಕಪ್​ ಎತ್ತಿಹಿಡಿಯಬೇಕು ಎಂಬುದೇ ಸದ್ಯ ಫ್ಯಾನ್ಸ್​ಗಳ ಪ್ರಾರ್ಥನೆ, ಆಶಯ, ಮಹಾದಾಸೆ.

ಇದನ್ನೂ ಓದಿ: Rajguru Dr. Dwarkanatha Guruji | ಗ್ರಹಗಳ ಸ್ಥಾನಪಲ್ಲಟದಿಂದ ವಿವಿಧ ರಾಶಿಯವರ ಮೇಲೆ ಏನು ಪರಿಣಾಮ?

03-06-2025 ದಿನಾಂಕದಲ್ಲಿ ಗೆಲುವಿನ ಗುಟ್ಟು

ಜೆರ್ಸಿ ನಂ.18 ಎಂದರೆ ಅಭಿಮಾನದ ಹೊಳೆ ಹರಿಸುವ ಆರ್​ಸಿಬಿ ಹಾಗೂ ವಿರಾಟ್​ ಕೊಹ್ಲಿ ಫ್ಯಾನ್ಸ್​, 18ನೇ ಆವೃತ್ತಿಯ ಚೊಚ್ಚಲ ಕಪ್​ಗೆ ಮುತ್ತಿಡಬೇಕು ಎಂದು ದೇವರ ಮೊರೆ ಹೋಗಿದ್ದಾರೆ. ಈ ಮಧ್ಯೆ ಜೂನ್​.03ರಂದು ನಡೆಯಲಿರುವ ಫೈನಲ್​ ಪಂದ್ಯಕ್ಕೂ, ವಿರಾಟ್​ ಕೊಹ್ಲಿ ಜೆರ್ಸಿ ನಂ.18ಕ್ಕೂ ಒಂದು ಬಲವಾದ ಗಂಟು-ನಂಟು ಇದೆ. ಹೇಗೆ ಅಂತೀರಾ? ಹೀಗಿದೆ ನೋಡಿ ಆ ಲೆಕ್ಕಾಚಾರ.

03-06-2025: 3+6+2+0+2+5= 18!

ಇದೇನಾದರೂ ನಿಜವಾದರೆ ಕೊಹ್ಲಿಗೆ 18ರ ನಂಬರ್​ ಲಕ್ಕಿ ಅನ್ನೋದು ಸಾಬೀತಾಗಲಿದೆ. ಅಭಿಮಾನಿಗಳ ಆಶಯ ಕೂಡ ಸತ್ಯವಾಗಲಿದೆ. ಒಟ್ಟಿನಲ್ಲಿ ಫೈನಲ್​ ಆರ್​ಸಿಬಿ ಗೆದ್ದು, ಚೊಚ್ಚಲ ಟ್ರೋಫಿ ಕೊಹ್ಲಿ ಕೈಸೇರಲಿ ಎಂಬುದೇ ಫ್ಯಾನ್ಸ್​ ಮನದಾಸೆ.

https://www.vijayavani.net/salman-khan-tweet-for-preity-zinta-goes-viral