'ಫೀನಿಕ್ಸ್' ಆಗಿ ಚಿತ್ರರಂಗಕ್ಕೆ ಸೂರ್ಯ ಸೇತುಪತಿ ಎಂಟ್ರಿ!

​ತಮಿಳುನಾಡು: ಕಾಲಿವುಡ್​ನ ಸ್ಟಾರ್​ ಹೀರೋ, ಬಹುಭಾಷಾ ನಟ ವಿಜಯ್ ಸೇತುಪತಿ ಅವರ ಪುತ್ರ ಸೂರ್ಯ ಸೇತುಪತಿ ಇದೀಗ ಚಿತ್ರರಂಗಕ್ಕೆ ನಟನಾಗಿ ಪಾದಾರ್ಪಣೆ ಮಾಡಲು ಸಜ್ಜಾಗಿದ್ದು, 'ಫೀನಿಕ್ಸ್' ಮೂಲಕ ಭರ್ಜರಿಯಾಗಿ ಎಂಟ್ರಿ ಕೊಡಲು ಸಕಲ ತಯಾರಿಗಳೊಂದಿಗೆ ಸಿದ್ಧರಾಗುತ್ತಿದ್ದಾರೆ.

ಇದನ್ನೂ ಓದಿ: ಅಪ್ಪ ರೂಮ್​ನಲ್ಲಿದ್ದಾರೆ ಇನ್ನೊಂದು ತಿಂಗಳಲ್ಲಿ ನಗ್ತಾರೆ… ರೋಹಿತ್​ ಪುತ್ರಿಯ ವಿಡಿಯೋ ವೈರಲ್​

ಬ್ಲಾಕ್​ಬಸ್ಟರ್​ ಚಿತ್ರಗಳಲ್ಲಿ ವಿಭಿನ್ನ ಹಾಗೂ ವಿಶೇಷ ಪಾತ್ರಗಳನ್ನು ನಿರ್ವಹಿಸಿರುವ ವಿಜಯ್​ ಸೇತುಪತಿ, ಅಪಾರ ಸಿನಿಪ್ರಿಯರನ್ನು ಮನರಂಜಿಸಿ ಅವರಿಂದ ಅತ್ಯುತ್ತಮ ನಟ ಎಂಬ ಪಟ್ಟವನ್ನು ಗಳಿಸಿದ್ದು, ಇದೀಗ ತಮ್ಮ ಪುತ್ರನನ್ನು ನಾಯಕ ನಟನಾಗಿ ಚಿತ್ರರಂಗಕ್ಕೆ ಕರೆತರುವ ಮೂಲಕ ತಮ್ಮ ಪ್ರೀತಿಯ ಅಭಿಮಾನಿಗಳಿಗೆ ಪರಿಚಯಿಸಲು ಮುಂದಾಗಿದ್ದಾರೆ.

ಸದ್ಯ ಈ ಸಂಗತಿ ಅರಿತ ವಿಜಯ್​ ಸೇತುಪತಿ ಅಭಿಮಾನಿಗಳು ಸೋಷಿಯಲ್​ ಮೀಡಿಯಾದಲ್ಲಿ ಭಾರೀ ಸಂತಸವನ್ನು ವ್ಯಕ್ತಪಡಿಸಿದ್ದು, ವಿಜಯ್​ ಪುತ್ರನಿಗೆ ಅಭಿನಂದನೆ ತಿಳಿಸಿ ಶುಭಹಾರೈಸಿದ್ದಾರೆ. ಇಂದು ಚೆನ್ನೈನ ಐಕಾನಿಕ್ ಎವಿಎಂ ಸ್ಟುಡಿಯೋದಲ್ಲಿ ಚಿತ್ರದ ಔಪಚಾರಿಕ ಪೂಜೆ ಸಮಾರಂಭ ನಡೆಸಿದ ಚಿತ್ರತಂಡ, ಸೂರ್ಯ ಮುಖ್ಯ ಪಾತ್ರದಲ್ಲಿ ನಟಿಸಲಿರುವ ಸಿನಿಮಾದ ಹೆಸರು 'ಫೀನಿಕ್ಸ್' ಎಂಬುದನ್ನು ಅಧಿಕೃತವಾಗಿ ಘೋಷಿಸಿತು.

ಇದನ್ನೂ ಓದಿ: ರಾಜ್ಯದಲ್ಲಿ ಜಾತಿ ಸಂಘರ್ಷಕ್ಕೆ ಸಿಎಂ ಸಿದ್ದರಾಮಯ್ಯನವ್ರೇ ಕಾರಣ!

'ಇಂಡಿಯನ್ 2', 'ಜವಾನ್', 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್', 'ಬಿಗಿಲ್' ಸೇರಿದಂತೆ ಮುಂತಾದ ಚಿತ್ರಗಳಲ್ಲಿನ ಅದ್ಬುತ ಆ್ಯಕ್ಷನ್ ಸೀಕ್ವೆನ್ಸ್‌ಗಳನ್ನು ಕೊರಿಯೋಗ್ರಾಫ್​ ಮಾಡಿದ್ದ ಹಿರಿಯ ಸ್ಟಂಟ್ ಕೊರಿಯೋಗ್ರಾಫರ್ ಅನ್ಲ್ ಅರಸು ಈ ಸಿನಿಮಾವನ್ನು ನಿರ್ದೇಶಿಸಲಿದ್ದು, ಇದು ಅವರ ಚೊಚ್ಚಲ ನಿರ್ದೇಶನವಾಗಲಿದೆ.

ಮಾಸ್-ಆಕ್ಷನ್ ಎಂಟರ್‌ಟೈನರ್ ಎಂದು ಹೇಳಲಾದ 'ಫೀನಿಕ್ಸ್' ಚಿತ್ರಕ್ಕೆ ಸ್ಯಾಮ್ ಸಿಎಸ್ ಸಂಗೀತ ಸಂಯೋಜಿಸಿದ್ದಾರೆ. ರಾಜಲಕ್ಷ್ಮಿ ಅರಶಕುಮಾರ್ ಬ್ರೇವ್ ಮ್ಯಾನ್ ಪಿಕ್ಚರ್ಸ್ ಬ್ಯಾನರ್‌ನಡಿ ಚಿತ್ರ ನಿರ್ಮಾಣವಾಗುತ್ತಿದೆ,(ಏಜೆನ್ಸೀಸ್).

https://www.vijayavani.net/bbks10-prathap-sparks-over-snehith