ಪತ್ತೇದಾರಿಯಾದ ವಿಜಯ್​ ದೇವರಕೊಂಡ; ವಿ12 ಚಿತ್ರದ ಪೋಸ್ಟರ್​ ಬಿಡುಗಡೆ

ಹೈದರಾಬಾದ್​: 'ಲೈಗರ್​' ಚಿತ್ರದ ಬಗ್ಗೆ ಬಹಳ ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದರು ವಿಜಯ್​ ದೇವರಕೊಂಡ. ಆ ಚಿತ್ರವು ತನ್ನನ್ನು ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಮಿಂಚಿಸಬಹುದು ಎಂದು ಅವರು ನಿರೀಕ್ಷಿಸಿದ್ದರು. ಆದರೆ, ಆ ಚಿತ್ರವು ಅವರ ಜೀವನದ ಅತ್ಯಂತ ದೊಡ್ಡ ಫ್ಲಾಪ್​ ಆಯಿತು. 'ಲೈಗರ್​' ನಂತರ ಅವರ ಮುಂದಿನ ನಡೆ ಏನಾಗಿರಬಹುದು ಎಂಬ ಕುತೂಹಲ ಎಲ್ಲರಿಗೂ ಇತ್ತು. ಅದಕ್ಕೀಗ ತೆರೆ ಬಿದ್ದಿದೆ.

ಇದನ್ನೂ ಓದಿ: ಕ್ಯಾನ್ಸರ್​ ಇರುವ ವಿಷಯ ಕೇಳಿದಾಗ ಸಂಜಯ್​ ದತ್​ ಮೊದಲ ರಿಯಾಕ್ಷನ್ ಏನಾಗಿತ್ತಂತೆ ಗೊತ್ತಾ?

ವಿಜಯ್​ ದೇವರಕೊಂಡ ನಾಯಕನಾಗಿ ಅಭಿನಯಿಸುತ್ತಿರುವ 12ನೇ ಚಿತ್ರವನ್ನು 'ಜೆರ್ಸಿ' ನಿರ್ದೇಶಿಸಿದ್ದ ಗೌತಮ್​ ತಿನ್ನನೂರಿ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರವನ್ನು ಸಿತಾರಾ ಎಂಟರ್​ಟೈನ್​ಮೆಂಟ್ಸ್​ ಮತ್ತು ಫಾರ್ಚೂನ್​ ಫೋರ್​ ಸಿನಿಮಾಸ್​ ಜಂಟಿಯಾಗಿ ನಿರ್ಮಿಸುತ್ತಿವೆ. ಸದ್ಯಕ್ಕೆ ಈ ಚಿತ್ರಕ್ಕಿನ್ನೂ ಹೆಸರಿಟ್ಟಿಲ್ಲ. ಇದು ವಿಜಯ್​ ಅಭಿನಯದ 12ನೇ ಚಿತ್ರವಾಗಿರುವುದರಿಂದ ಚಿತ್ರಕ್ಕೆ ವಿ12 ಎಂದು ಕರೆಯಲಾಗುತ್ತಿದೆ.

ಈ ಚಿತ್ರದ ಕಥೆ ಏನು ಎಂದು ಚಿತ್ರತಂಡದವರು ಬಿಟ್ಟುಕೊಟ್ಟಿಲ್ಲ. ಇದೊಂದು ಪೀರಿಯಡ್​ ಚಿತ್ರವಾಗಿದ್ದು, ವಿಜಯ್​ ದೇವರಕೊಂಡ ಇದರಲ್ಲಿ ಒಬ್ಬ ಸ್ಪೈ ಆಗಿ ಕಾಣಿಸಿಕೊಳ್ಳುತ್ತಿದ್ದಾರಂತೆ. ಈ ಪೋಸ್ಟರ್​ನಲ್ಲಿ ನಾಯಕನ ಮುಖವನ್ನು ಬಟ್ಟೆಯೊಂದರಿಂದ ಮುಚ್ಚಲಾಗಿದೆ. ‘I don’t know where I belong, to tell you whom I betrayed’ ಎಂದು ಬರೆಯಲಾಗಿದ್ದು, ಕೆಳಗೆ ಅನಾಮಧೇಯ ಪತ್ತೇದಾರಿ ಎಂದು ಬರೆಯಲಾಗಿದೆ.

ಇದನ್ನೂ ಓದಿ: ಜಗತ್ತಿನ ಅತೀ ಎತ್ತರದ ಕಟ್ಟಡ ಬುರ್ಜ್​ ಖಲೀಫಾ ಮೇಲೆ ‘ಪಠಾಣ್​’ ಟ್ರೈಲರ್​

'ವಿi12' ಚಿತ್ರವಲ್ಲದೆ, 'ಖುಷಿ' ಎಂಬ ಇನ್ನೊಂದು ಚಿತ್ರದಲ್ಲೂ ವಿಜಯ್​ ದೇವರಕೊಂಡ ನಟಿಸುತ್ತಿದ್ದು, ಅವರಿಗೆ ನಾಯಕಿಯಾಗಿ ಸಮಂತಾ ನಟಿಸುತ್ತಿದ್ದಾರೆ.

https://www.vijayavani.net/rashmika-mandanna-reveals-why-she-opted-for-her-irreplaceable-tattoo-nobody-else-can-be-you/