ಕಳದ ನಾಲ್ಕು ತಿಂಗಳುಗಳಿಂದ ಚಿತ್ರಮಂದಿರಗಳು ಬಂದ್ ಆಗಿವೆ. ಮೊದಲೆರೆಡು ತಿಂಗಳಲ್ಲಂತೂ ಯಾವ ಚಾನಲ್ ಹಾಕಿದರೂ ಸಿನಿಮಾಗಳೇ ಪ್ರದರ್ಶನವಾಗುತ್ತಿದ್ದವು. ದೊಡ್ಡ ದೊಡ್ಡ ಸ್ಟಾರ್ಗಳ ಜನಪ್ರಿಯ ಚಿತ್ರಗಳೆಲ್ಲಾ ಒಂದು ರೌಂಡ್ ಪ್ರಸಾರವಾದವು.
ಇದನ್ನೂ ಓದಿ: ‘ಪಾನಿ’ ನಿಲ್ಲೋಕೆ ಕಾರಣ ಯಾರು ಗೊತ್ತಾ? ಆದಿತ್ಯ ಚೋಪ್ರಾ ಹೇಳ್ತಾರೆ ಕೇಳಿ …
ಈ ಪೈಕಿ ದೊಡ್ಡ ದೊಡ್ಡ ಸ್ಟಾರ್ಗಳ ಚಿತ್ರಗಳು, ಹಳೆಯ ಕ್ಲಾಸಿಕ್ ಚಿತ್ರಗಳು, ಪ್ರಶಸ್ತಿ ವಿಜೇತ ಚಿತ್ರಗಳು … ಹೀಗೆ ಎಲ್ಲಾ ತರಹದ ಚಿತ್ರಗಳು ಸಹ ಪ್ರಸಾರವಾಗಿವೆ. ಈ ಪೈಕಿ ಯಾವ ಸ್ಟಾರ್ ಚಿತ್ರವನ್ನು ಅತೀ ಹೆಚ್ಚು ಜನನ್ನು ನೋಡಿದ್ದಾರೆ ಎಂಬ ಪ್ರಶ್ನೆ ಸಹಜವೇ. ಟಿವಿಯಲ್ಲಿ ಪ್ರಸಾರವಾದ ಚಿತ್ರಗಳ ಪೈಕಿ ಅತೀ ಹೆಚ್ಚು ವೀಕ್ಷಣೆಗೊಳಗಾದ ಚಿತ್ರ ಯಾರದ್ದು ಎಂದರೆ ಅದು ವಿಜಯ್ ಅವರದ್ದು ಎಂದು ಸಮೀಕ್ಷೆಯೊಂದು ಹೇಳಿದೆ.
ಲಾಕ್ಡೌನ್ ಸಂದರ್ಭದಲ್ಲಿ ಎಲ್ಲಾ ಚಾನಲ್ಗಳಲ್ಲೂ ಅತೀ ಹೆಚ್ಚು ನೋಡಲ್ಪಟ್ಟ ಚಿತ್ರ ಎಂದರೆ ವಿಜಯ್ ಅವರದಂತೆ. ಇದು ಬರೀ ತಮಿಳು ಚಿತ್ರಗಳಿಗೆ ಮಾತ್ರ ಸೀಮಿತವಲ್ಲ. ಇಡೀ ಭಾರತೀಯ ಸಿನಿಮಾದಲ್ಲಿ ಈ ಸಮಯದಲ್ಲಿ ಅತೀ ಹೆಚ್ಚು ವೀಕ್ಷಣೆಗೊಳಗಾದ ಸಿನಿಮಾ ಎಂದರೆ, ಅದು ವಿಜಯ್ ಅವರದ್ದು ಎಂದು ಹೇಳಲಾಗುತ್ತಿದೆ. 117.9 ಮಿಲಿಯನ್ ಇಂಪ್ರೆಶನ್ (ಪೂರ್ತಿ ಸಿನಿಮಾ ವೀಕ್ಷಣೆ)ಗಳು ಅವರ ಚಿತ್ರಗಳಿಗೆ ಸಿಕ್ಕಿವೆ.
ಇದನ್ನೂ ಓದಿ: ಸುಶಾಂತ್ ಸಿಂಗ್ ಆತ್ಮಹತ್ಯೆ ತನಿಖೆಗೆ ರೋಚಕ ತಿರುವು; ನಟನ ಖಾತೆಯಲ್ಲಿದ್ದ ಹಣ ಖರ್ಚು ಮಾಡುತ್ತಿದ್ದುದು ಯಾರು?
ಇನ್ನು ಎರಡನೆಯ ಸ್ಥಾನದಲ್ಲಿ ರಾಘವ ಲಾರೆನ್ಸ್ ಇದ್ದಾರೆ. ರಾಘವ ಅವರ ಚಿತ್ರಕ್ಕೆ 76.2 ಇಂಪ್ರೆಶನ್ಗಳು ಸಿಕ್ಕಿದ್ದು, ಅವರು ಸಂಖ್ಯೆಯಲ್ಲಿ ರಜನಿಕಾಂತ್ ಅವರನ್ನು ಹಿಂದಿಕ್ಕಿದೆ. ರಜನಿಕಾಂತ್ ಅವರ ಚಿತ್ರಗಳು 65.8 ಮಿಲಿಯನ್ ವೀಕ್ಷಣೆಗೆ ಒಳಪಟ್ಟಿದ್ದು, ಬಾಲಿವುಡ್ ನಟ ಅಕ್ಷಯ್ ಕುಮಾರ್ 58.8 ಮಿಲಿಯನ್ ಇಂಪ್ರೆಶನ್ಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಇನ್ನು ತೆಲುಗಿನ ಪ್ರಭಾಸ್, 56.9 ಮಿಲಿಯನ್ ವೀಕ್ಷಣೆಯೊಂದಿಗೆ ಐದನೇ ಸ್ಥಾನದಲ್ಲಿದ್ದಾರೆ.
ಅರ್ಜುನ್ ಸರ್ಜಾ ಪುತ್ರಿ ಐಶ್ವರ್ಯಾಗೆ ಕರೊನಾ ಸೋಂಕು