VIDEO| ಭಾರತದ ಪ್ರಧಾನಿ ಇಚ್ಛಿಸಿದಲ್ಲಿ ಪಾಕ್​ ಕ್ರಿಕೆಟ್ ಮಂಡಳಿ ಕುಸಿಯಬಹುದು ಎಂದ ರಮೀಜ್ ರಾಜ

ಇಸ್ಲಾಮಾಬಾದ್​: ನಾಳೆ ಭಾರತದ ಪ್ರಧಾನ ಮಂತ್ರಿ, ಪಾಕಿಸ್ತಾನ ಕ್ರಿಕೆಟ್​ಗೆ ಫಂಡ್​ ಮಾಡಬಾರದು ಎಂದು ಯೋಚಿಸಿದಲ್ಲಿ, ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​(ಪಿಸಿಬಿ) ಕುಸಿದುಬೀಳಬಹುದು ಎಂದು ಪಿಸಿಬಿ ಚೇರ್​ಮನ್​ ರಮೀಜ್​ ರಾಜ ಹೇಳಿದ್ದಾರೆ.

"ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​ನ ಶೇಕಡ 50ರಷ್ಟು ಫಂಡಿಂಗ್​ ಐಸಿಸಿಯಿಂದ ಬರುತ್ತದೆ. ಐಸಿಸಿಯನ್ನು ಶೇಕಡ 90 ರಷ್ಟು ಫಂಡ್ ಮಾಡುವುದು ಭಾರತದ ಮಾರುಕಟ್ಟೆ. ಆದ್ದರಿಂದ ಪಾಕ್​ ಕ್ರಿಕೆಟ್​ನ ಅಸ್ತಿತ್ವ ಭಾರತದ ಬಿಸಿನೆಸ್​ ಹೌಸ್​ಗಳ ಕೈಯಲ್ಲಿದೆ. ನಾಳೆ ಭಾರತದ ಪ್ರಧಾನಿ ಪಿಸಿಬಿಗೆ ಫಂಡ್​ ಮಾಡಬಾರದು ಎಂದು ಯೋಚಿಸಿದಲ್ಲಿ, ನಮ್ಮ ಕ್ರಿಕೆಟ್ ಬೋರ್ಡ್​ ಕುಸಿದುಬೀಳುತ್ತದೆ. ಇದು ಭಯ ಹುಟ್ಟಿಸುವ ವಿಚಾರವಾಗಿದೆ" ಎಂದು ರಾಜಾ ಹೇಳಿದ್ದಾರೆ.

ಪಾಕಿಸ್ತಾನದಲ್ಲಿ ನಡೆಯುತ್ತಿರುವ ಕ್ರಿಕೆಟ್​ ಸಂಬಂಧದ ಉನ್ನತ ಮಟ್ಟದ ಸಭೆಯೊಂದರಲ್ಲಿ ರಾಜ ಈ ಮಾತುಗಳನ್ನು ಆಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಐಸಿಸಿ ಮೇಲಿನ ಅವಲಂಬನೆಯನ್ನು ಪಿಸಿಬಿ ಕಡಿಮೆ ಮಾಡಿಕೊಳ್ಳಬೇಕು ಎಂದು ಹೇಳಿರುವ ಅವರು, ಜೊತೆಯಲ್ಲೇ ಪಾಕ್​ ಕ್ರಿಕೆಟ್​ಗೆ ದೇಶೀಯವಾಗಿ ಪೂರಕ ಅರ್ಥವ್ಯವಸ್ಥೆ ಕಲ್ಪಿಸುವುದು ಬಹಳ ಮುಖ್ಯ ಎಂದಿದ್ದಾರೆ ಎಂದು ವರದಿ ತಿಳಿಸಿದೆ. (ಏಜೆನ್ಸೀಸ್)

https://www.vijayavani.net/congress-will-tear-up-to-two-pieces-eshwarappa/

https://www.vijayavani.net/enquiry-commission-to-probe-lakhimpur-kheri-incident/