ರೈತನ ಕೈಗೆ ಕೋಳ ಹಾಕಿ ಆಸ್ಪತ್ರೆಗೆ ಕರೆದೊಯ್ದ ಪೊಲೀಸರ ವಿಡಿಯೋ ವೈರಲ್; ವ್ಯಾಪಕ ಆಕ್ರೋಶ!​ | Handcuffs

ತೆಲಂಗಾಣ: ನ್ಯಾಯಾಂಗ ಬಂಧನಲ್ಲಿರುವ ರೈತನ ಕೈಗೆ ಕಬ್ಬಿಣದ ಚೈನ್​(ಕೋಳ) ಹಾಕಿ(Handcuffs) ಆಸ್ಪತ್ರೆಗೆ ಕರೆದೊಯ್ಯುತ್ತಿರುವ ಪೊಲೀಸರ ವಿಡಿಯೋ ಇದೀಗ ವೈರಲ್​ ಆಗಿದ್ದು, ರಾಜ್ಯಾದ್ಯಂತ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ.

ಇಲ್ಲಿನ ಸಂಗಾರೆಡ್ಡಿ ಜೈಲಿನಲ್ಲಿ ನ್ಯಾಯಾಂಗ ಬಂಧನದಲ್ಲಿರುವ ವೀರಯ್ಯ ನಾಯಕ್ ಎಂಬ ರೈತನಿಗೆ ಎದೆನೋವು ಕಾಣಿಸಿಕೊಂಡಿದೆ. ಈ ಹಿನ್ನೆಲೆ ವೈದ್ಯಕೀಯ ಚಿಕಿತ್ಸೆಗಾಗಿ ಕೈಕೋಳದಲ್ಲಿ ಸಿಕಂದರಾಬಾದ್‌ನ ಗಾಂಧಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ.

ಕಳೆದ ತಿಂಗಳು ಲಗಚರ್ಲದಲ್ಲಿ ಜಿಲ್ಲಾಧಿಕಾರಿ ಮತ್ತು ಇತರ ಅಧಿಕಾರಿಗಳ ಮೇಲೆ ನಡೆದ ದಾಳಿಯಲ್ಲಿ ನಾಯಕ್ ಭಾಗಿಯಾಗಿದ್ದರು ಎಂಬ ಆರೋಪದ ಮೇಲೆ ಇತನ್ನು ಬಂಧನ ಮಾಡಲಾಗಿತ್ತು.

ಇದನ್ನೂ ಓದಿ: ಡಮಾಸ್ಕಸ್​ ಕರಾಳತೆ ಬಿಚ್ಚಿಟ್ಟ ಭಾರತೀಯ ಪ್ರಜೆ! ಸಿರಿಯಾದ ಭೀಕರ ದೃಶ್ಯ ನೆನೆದು ಭಾವುಕ

ಕೈಕೋಳ ಹಾಕಿ ರೈತನನ್ನು ಕರೆದುಕೊಂಡು ಹೋಗುತ್ತಿರುವ ವಿಡಿಯೋ ಮತ್ತು ಕೆಲ ಪೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಇದೀಗ ವೈರಲ್​ ಆಗಿದ್ದು ಇದಕ್ಕೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. '' ರೈತನು ಕೊಲೆ ಕೇಸ್​ನಲ್ಲಿ ಬಂಧನವಾಗಿಲ್ಲ. ಗಲಾಟೆ ಪ್ರಕರಣದಲ್ಲಿ ಬಂಧಿಯಾಗಿದ್ದಾನೆ ಅಷ್ಟೇ. ಚಿಕಿತ್ಸೆಗೆ ಈ ತರ ಅವರನ್ನು ಕರೆದುಕೊಂಡುವುದು ಎಷ್ಟು ಸರಿ ಎಂದು ರಾಜ್ಯದ ಜನರು ಗರಂ ಆಗಿದ್ದಾರೆ''.

ಆಕ್ರೋಶ ತೀವ್ರವಾಗುತ್ತಿದ್ದಂತೆ, ತೆಲಂಗಾಣ ಸಿಎಂ ರೇವಂತ್​ ರೆಡ್ಡಿ ಘಟಗೆ ಸಬಂಧಪಟ್ಟಂತೆ ಪ್ರತಿಕ್ರಿಯಿಸಿದ್ದಾರೆ. ಈ ಕುರಿತು ಮಾತನಾಡಿರುವ ಅವರು, ತೆಲಂಗಾಣ ರಾಜ್ಯ ಪೊಲೀಸರ ವಿರುದ್ಧ ಬೇಸರ ವ್ಯಕ್ತಪಡಿಸಿದ್ದಾರೆ. ಈ ಪ್ರಕರಣದಲ್ಲಿ ಕೈಕೋಳ ಬಳಸುವ ಅಗತ್ಯವೇನಿದೆ ಎಂದು ಪ್ರಶ್ನಿಸಿರುವ ಸಿಎಂ,ಈ ಬಗ್ಗೆ ಸಮಗ್ರ ತನಿಖೆಗೆ ಆಗ್ರಹಿಸಿದ್ದಾರೆ,(ಏಜೆನ್ಸೀಸ್​).

https://www.vijayavani.net/list-of-the-worlds-top-100-dishes-released-4-indian-dishes-including-hyderabadi-biryani-make-it-to-the-list

https://vijayavani.net/salman-took-care-of-her-when-she-was-sick-rashmika-mandanna-sings-praises-of-the-bollywood-sultan