ನವದೆಹಲಿ: ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋವೊಂದು ನೆಟ್ಟಿಗರ ತಲೆಗೆ ಹುಳಬಿಟ್ಟಿದೆ. ಇಂದು ಬೆಳಗ್ಗೆಯಷ್ಟೇ ಭಾರತೀಯ ಅರಣ್ಯಾಧಿಕಾರಿ ಪರ್ವೀನ್ ಕಾಸ್ವಾನ್, ಟ್ವಿಟರ್ನಲ್ಲಿ ವಿಡಿಯೋ ಶೇರ್ ಮಾಡಿಕೊಂಡಿದ್ದು, ವಿಡಿಯೋದಲ್ಲಿರುವ ಜೀವಿ ಯಾವುದೆಂಬುದು ನಟ್ಟಿಗರಿಗೆ ಯಕ್ಷ ಪ್ರಶ್ನೆಯಾಗಿದೆ.
ವಿಡಿಯೋದಲ್ಲಿ ಏನಿದೆ?: ವಿಚಿತ್ರವಾಗಿ ಕಾಣುವ ಜೀವಿಯೊಂದು ನಿಧಾನವಾಗಿ ಮರವನ್ನು ಏರುವ ದೃಶ್ಯವನ್ನು ಕಾಣಬಹುದಾಗಿದೆ. ಆದರೆ, ವಿಡಿಯೋ ನೋಡಿದವರು ಒಮ್ಮೆ ತಲೆಗೆ ಕೈಹಾಕಿ ಕೆರೆದುಕೊಂಡು, ಇದ್ಯಾವ ಜೀವಿಯಪ್ಪಾ ಎನ್ನುವಂತಿದೆ.
ವಿಡಿಯೋ ಕುರಿತು ಬರೆದುಕೊಂಡಿರುವ ಪರ್ವೀನ್ ಕಾಸ್ವಾನ್, ಪ್ರಕೃತಿಯ ಪ್ರತಿಯೊಂದು ವಿವರವು ನಿಖರತೆಯಿಂದ ಕೂಡಿದೆ. ಆದರೆ, ಆ ವಿವರವನ್ನು ಅನೇಕ ಬಾರಿ ನಾವು ಗಮನಿಸುವುದಿಲ್ಲ ಎಂದು ಬರೆದುಕೊಂಡಿದ್ದಾರೆ. ಹಾಗೆಯೇ ಈ ವಿಡಿಯೋವನ್ನು ಮರಿಯಾ ಛಾಕೊನ್ ಎಂಬುವರು ಸೆರೆಹಿಡಿದಿದ್ದಾರೆ. ನನ್ನನ್ನು ನಂಬಿ ನೀವು ಈವರೆಗೂ ಇಂತಹ ಜೀವಿಯನ್ನು ನೋಡಿಲ್ಲ ಎಂದು ಹೇಳಿದ್ದಾರೆ.
44 ಸೆಕೆಂಡಿನ ವಿಡಿಯೋವನ್ನು ಕೇವಲ 3 ಗಂಟೆಯ ಅವಧಿಯಲ್ಲೇ 6 ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಣೆ ಮಾಡಿದ್ದಾರೆ. ವಿಡಿಯೋ ನೋಡಿದವರು ತುಂಬಾ ಕುತೂಹಲದಿಂದ ಕಾಮೆಂಟ್ ಮಾಡಿದ್ದು, ಈ ಜೀವಿಯನ್ನು ಏನೆಂದು ಕರೆಯುತ್ತಾರೆ ಎಂದು ಪ್ರಶ್ನಿಸಿದ್ದಾರೆ.
ಕಡ್ಡಿ ಮತ್ತು ಎಲೆ ಕೀಟದೊಂದಿಗೆ ಈ ಕೀಟವನ್ನು ಹೋಲಿಸಿ ನೋಡಿದರೆ, ಅದರ ಚಲನೆಯ ಬಗ್ಗೆ ಯಾವುದೇ ಐಡಿಯಾ ಹೊಳೆಯುತ್ತಿಲ್ಲ ಎಂದು ನೆಟ್ಟಿಗರೊಬ್ಬರು ಕೇಳಿದರೆ, ಇಂತಹ ಜೀವಿಯನ್ನೇ ನೋಡಿಲ್ಲ ಎಂದು ಮತ್ತೊಬ್ಬರು ಹೇಳಿದ್ದಾರೆ. (ಏಜೆನ್ಸೀಸ್)
#Nature has filled every detail with precisel. Details which many a times we don't observe. Video by Maria Chacon. Believe me you have never seen such creature till now. #AmazingNature pic.twitter.com/jy0h9za8o0
— Parveen Kaswan, IFS (@ParveenKaswan) March 16, 2020
VIDEO| ಟಿಕ್ಟಾಕ್ ವಿಡಿಯೋ ಮೂಲಕ ಸಂಚಲನ ಸೃಷ್ಟಿಸಿರುವ ಅಜ್ಜಿ-ಮೊಮ್ಮಗನ ಭಾವನಾತ್ಮಕ ಕತೆ ಇದು…!