ಕನ್ನಡದಲ್ಲಿ ಗೆರಟೆ ಚಹಾ, ತಮಿಳಿನಲ್ಲಿ, ಮಲಯಾಳಂನಲ್ಲಿ ಚಿರಟ ಚಾಯ (chiratta chaya, chiratta tea, Coconut Shell Tea,) ಟ್ರೆಂಡಿಂಗ್ನಲ್ಲಿದೆ. ಟಿಕ್ ಟಾಕ್ ಮೂಲಕ ಟ್ರೆಂಡಿಂಗ್ ಆಗಿರುವ ಗೆರಟೆ ಚಹಾ ಈಗ ಯೂಟ್ಯೂಬ್ನಲ್ಲಿ ಟ್ಯುಟೋರಿಯಲ್ ರೂಪದಲ್ಲಿ ಕಾಣಿಸಿಕೊಂಡಿದೆ. ಒಬ್ಬರು ಮಾಡಿದ್ದನ್ನು ಮತ್ತೊಬ್ಬರು ಮಗದೊಬ್ಬರು ಹೀಗೆ ಹಲವರು ಟ್ರೆಂಡಿಂಗ್ ಗೆರಟೆ ಚಹಾ ಮಾಡಿ ರುಚಿ ನೋಡತೊಡಗಿದ್ದಾರೆ. ಇದೇ ರೀತಿ, ತೆಂಗಿನಕಾಯಿ ಗೆರಟೆ ಅನೇಕರಿಗೆ ಬೇರೆ ಬೇರೆ ಪ್ರೇರಣೆಗಳನ್ನು ನೀಡಿದ್ದು, ಕೆಲವರು ಗೆರಟೆಯಲ್ಲಿ ಮೊಸರು ಮಾಡಿ ಅದನ್ನು ಬೇರೆ ಬೇರೆ ಖಾದ್ಯಗಳನ್ನು ಮಾಡುತ್ತಾರೆ. ಇಲ್ಲಿ ವಿದ್ಯಾ ಕೃಪಾ ಅವರು ಗೆರಟೆಯಲ್ಲಿ ಮೊಸರು ಮಾಡಿ ಅದನ್ನು ಉಪಯೋಗಿಸಿ ಬೂದುಗುಂಬಳ ಮೊಸರುಬಜ್ಜಿ ಮಾಡುವುದು ಹೇಗೆಂಬ ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ.
