ನವದೆಹಲಿ: ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ನಾನಿನ್ನು ಸಂಪೂರ್ಣ ಸಸ್ಯಾಹಾರಿ ಎಂದು 2019ರಲ್ಲಿ ಪ್ರಕಟಿಸಿದ್ದರು. ಆದರೆ ಇತ್ತೀಚೆಗೆ ಇನ್‌ಸ್ಟಾಗ್ರಾಂನಲ್ಲಿ ಅಭಿಮಾನಿಗಳ ಜತೆಗಿನ ಪ್ರಶ್ನೋತ್ತರ ಕಾರ್ಯಕ್ರಮದಲ್ಲಿ ಕೊಹ್ಲಿ, ತಮ್ಮ ಡಯೆಟ್ ಬಗ್ಗೆ ವಿವರಿಸುತ್ತ ಪ್ರತಿದಿನವೂ ಕೆಲ ಮೊಟ್ಟೆಗಳನ್ನು ತಿನ್ನುತ್ತೇನೆ ಎಂದಿದ್ದರು. ಇದರ ಬೆನ್ನಲ್ಲೇ ಸಾಮಾಜಿಕ ಜಾಲತಾಣದಲ್ಲಿ ಅವರ ಅಭಿಮಾನಿಗಳು, ಕೋಳಿ ಮೊಟ್ಟೆ ತಿನ್ನುವವರು ಸಸ್ಯಾಹಾರಿಗಳಾಗಲು ಹೇಗೆ ಸಾಧ್ಯ ಎಂದು ಅಚ್ಚರಿಯೊಂದಿಗೆ ಕೊಹ್ಲಿ ಕಾಲೆಳೆದಿದ್ದಾರೆ.
ಸಸ್ಯಾಹಾರಿಯಾಗಿರುವುದು ನಾನು ಜೀವನದಲ್ಲಿ ತೆಗೆದುಕೊಂಡ ಅತ್ಯುತ್ತಮ ನಿರ್ಧಾರ. ನಾನು ಬಹಳ ಹಿಂದೆಯೇ ಯಾಕೆ ಈ ನಿರ್ಧಾರ ತೆಗೆದುಕೊಳ್ಳಲಿಲ್ಲ ಎಂದು ಅನಿಸುತ್ತಿದೆ ಎಂಬುದಾಗಿ ಕೊಹ್ಲಿ ಈ ಹಿಂದೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. ಆದರೆ ಈಗ ಮೊಟ್ಟೆ ತಿನ್ನುವುದಾಗಿ ಕೊಹ್ಲಿ ಹೇಳಿಕೊಂಡಿದ್ದು, ಈಗ ಅವರು ಸಸ್ಯಾಹಾರಿಯಾಗಿ ಉಳಿದಿಲ್ಲವೇ ಎಂದು ನೆಟ್ಟಿಗರು ಪ್ರಶ್ನೆಗಳನ್ನು ಎತ್ತಿದ್ದಾರೆ.
ಇದನ್ನೂ ಓದಿ: ಸೋಷಿಯಲ್ ಮೀಡಿಯಾದಲ್ಲಿ ಪುತ್ರಿಯ ಮುಖ ತೋರಿಸದ ಬಗ್ಗೆ ವಿರುಷ್ಕಾ ಸ್ಪಷ್ಟನೆ
ಕೊಹ್ಲಿ ತಮ್ಮ ಡಯೆಟ್ ಬಗ್ಗೆ ವಿವರಿಸುತ್ತ, ‘ಸಾಕಷ್ಟು ತರಕಾರಿಗಳು, ಕೆಲ ಮೊಟ್ಟೆ, 2 ಕಪ್ ಕಾಫಿ, ದಾಲ್, ಕ್ವಿನಾವೊ, ಸಾಕಷ್ಟು ಸ್ಪಿನಿಚ್ ಸೊಪ್ಪು ತಿನ್ನುತ್ತೇನೆ. ಹಾಗೆಯೇ ದೋಸೆಗಳನ್ನು ಇಷ್ಟಪಡುತ್ತೇನೆ. ಆದರೆ ಎಲ್ಲವನ್ನೂ ಸಾಕಷ್ಟು ನಿಯಂತ್ರಣದಲ್ಲಿ ತಿನ್ನುತ್ತೇನೆ’ ಎಂದು ಹೇಳಿದ್ದಾರೆ. ಶಾಕಾಹಾರಿಯ ಡಯೆಟ್‌ನಲ್ಲಿ ಮೊಟ್ಟೆ ಹೇಗೆ ಸೇರಿಕೊಂಡಿತು ಎಂದು ಸಾಕಷ್ಟು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಪ್ರಶ್ನಿಸಿದ್ದಾರೆ. ಕೊಹ್ಲಿ ಇದೀಗ ಮತ್ತೆ ಮಾಂಸಾಹಾರಿಯಾಗಿರಬಹುದು ಎಂದೂ ಕೆಲವರು ವಾದಿಸಿದ್ದಾರೆ.
Wait
How does Kohli call himself a vegan when he eats eggs, drinks coffee????? pic.twitter.com/rm7l6B0k7Y— Pedrismo 🇵🇸 (@spanishdotcom) May 29, 2021
ಉತ್ತಮ ಫಿಟ್ನೆಸ್ ಸಲುವಾಗಿ ಸಸ್ಯಾಹಾರಿಯಾಗಿರುವುದಾಗಿಯೂ ಕೊಹ್ಲಿ ಈ ಹಿಂದೆ ಹೇಳಿಕೊಂಡಿದ್ದರು. ಇದೀಗ ಅದೇ ಫಿಟ್ನೆಸ್‌ಗಾಗಿ ಅವರು ಮೊಟ್ಟೆಯನ್ನೂ ತಿನ್ನುತ್ತಿದ್ದಾರೆ. ಆದರೆ ಈ ವೇಳೆ ಶಾಕಾಹಾರವೇ, ಅಲ್ಲವೇ ಎಂಬ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ ಎಂದೂ ವಾದಿಸಲಾಗುತ್ತಿದೆ.
Kohli is not vegan anymore? Good to know. pic.twitter.com/1M56LOVXmU
— Memory of the world (@TopAngleViews) May 29, 2021
I thought virat kohli is a vegan but he mentioned eggs in his diet🤔
— Bharat (@bharat_148) May 29, 2021
Virat Kohli claims he is a vegan but in his latest AMA, he said his diet includes eggs. That's bothering me.
— Jagruti (@JagrutiPotphode) May 30, 2021
vegan kohli just confirms that eggs not come under non-veg, more power to you king 💪
— . (@sanket7262) May 29, 2021
ಐಪಿಎಲ್‌ಗೆ ಅಡಚಣೆ ನಿವಾರಿಸಲು ಪ್ರಯತ್ನ, ವಿಂಡೀಸ್‌ಗೆ ಬಿಸಿಸಿಐ ವಿಶೇಷ ಮನವಿ
ಯುಎಇಯಲ್ಲಿ ಐಪಿಎಲ್ ಖಚಿತಗೊಂಡ ಬೆನ್ನಲ್ಲೇ ಟ್ರೋಲ್ ಆದ ಸುರೇಶ್ ರೈನಾ..
ಹೊಸ ಬೈಕ್ನಲ್ಲಿ ಪೋಸ್ ನೀಡಲು ಹೋಗಿ ನೆಟ್ಟಿಗರಿಂದ ಕಾಲೆಳೆಸಿಕೊಂಡ ವೇಗದ ಬೌಲರ್ ನವದೀಪ್ ಸೈನಿ..