ಹೊಸ ಬೈಕ್​ನಲ್ಲಿ ಪೋಸ್​ ನೀಡಲು ಹೋಗಿ ನೆಟ್ಟಿಗರಿಂದ ಕಾಲೆಳೆಸಿಕೊಂಡ ವೇಗದ ಬೌಲರ್ ನವದೀಪ್​ ಸೈನಿ..

ಬೆಂಗಳೂರು: ಭಾರತ ತಂಡ ಹಾಗೂ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ವೇಗ ಬೌಲರ್​ ನವದೀಪ್​ ಸೈನಿ, ಕಳೆದ ಆಸ್ಟ್ರೆಲಿಯಾ ಪ್ರವಾಸದಲ್ಲಿ ಮೂರು ಮಾದರಿಯಲ್ಲೂ ರಾಷ್ಟ್ರೀಯ ತಂಡಕ್ಕೆ ಪದಾರ್ಪಣೆ ಮಾಡುವ ಮೂಲಕ ಗಮನಸೆಳೆದಿದ್ದರು. ತಮ್ಮ ನೂತನ ಬೈಕ್​ ಹಾರ್ಲೆ ಡೇವಿಡ್​ಸನ್​ ಬೈಕ್​ ಅನ್ನು ಶರ್ಟ್​ಲೆಸ್​ನಲ್ಲಿ ಓಡಿಸುವ ವಿಡಿಯೋವೊಂದನ್ನು ಇನ್​ಸ್ಟಾಗ್ರಾಂನಲ್ಲಿ ಪ್ರಕಟಿಸಿದ್ದರು. ಬೈಕ್ ​ನನ್ನ ಜತೆಯಾಗಿದೆ, ಭಯವನ್ನು ಅಸ್ವಾದಿಸಬೇಕು ಎಂದು ಬರೆದುಕೊಂಡಿದ್ದರು.

ಇದನ್ನೂ ಓದಿ: ಯುಎಇಯಲ್ಲಿ ಐಪಿಎಲ್​ ಖಚಿತಗೊಂಡ ಬೆನ್ನಲ್ಲೇ ಟ್ರೋಲ್​ ಆದ ಸುರೇಶ್ ರೈನಾ..,

ಸೈನಿ ವಿಡಿಯೋ ಕುರಿತು ಪ್ರತಿಕ್ರಿಯಿಸಿರುವ ನೆಟ್ಟಿಗರು ನೀವು ಬೌಲಿಂಗ್​ನಲ್ಲಿ ಎಕಾನಮಿ ರೇಟ್​ ಕಾಯ್ದುಕೊಂಡಿರುವಂತೆ ನಿಮ್ಮ ಬೈಕ್​ನಲ್ಲೂ ಎಕಾನಮಿ ಇದೆ ಎಂದಿದ್ದಾರೆ. ನೀವೊಬ್ಬ ಎಕಾನಮಿ ಬೌಲರ್​ ಎಂದು ಕೇಳಿಪಟ್ಟಿದೆ, ನಿಜವೇ ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ. 14ನೇ ಆವೃತ್ತಿಯಲ್ಲಿ ಆರ್​ಸಿಬಿ ತಂಡದ ಹನ್ನೊಂದರ ಬಳಗದಲ್ಲಿ ಸ್ಥಾನ ಪಡೆಯಲು ಪರದಾಡುತ್ತಿದ್ದಾರೆ. ಮುಂದಿನ ಸೆಪ್ಟೆಂಬರ್​-ಅಕ್ಟೋಬರ್​ನಲ್ಲಿ ಟೂರ್ನಿ ಮುಂದುವರಿಯಲಿದೆ.