ಅಭ್ಯಾಸ ಕ್ರಮ: ಪ್ರಥಮವಾಗಿ ತಾಡಾಸನದಲ್ಲಿ ನಿಲ್ಲಬೇಕು. ಆಮೇಲೆ 3-4 ಅಡಿಗಳಷ್ಟು ಅಂತರ ಇರುವಂತೆ ಕಾಲುಗಳನ್ನು ವಿಸ್ತರಿಸಿ. ಕೈಗಳು ಭುಜಗಳ ಮಟ್ಟಕ್ಕೆ ನೇರವಾಗಿರಬೇಕು. ನಂತರ ಬಲಗಾಲನ್ನು ಬಲಬದಿಗೆ 90 ಡಿಗ್ರಿಗಳಷ್ಟು ತಿರುಗಿಸಿ, ಎಡಗಾಲು ಸ್ವಲ್ಪ ಒಳಗಡೆ ಸರಿಸಬೇಕು. ಶಿರಸ್ಸನ್ನು ಬಲಬದಿಗೆ ತಿರುಗಿಸಿ ಬಲಗೈ ಬೆರಳುಗಳನ್ನು ನೋಡುತ್ತಿರಬೇಕು. ಉಸಿರನ್ನು ಬಿಡುತ್ತಾ ನಿಧಾನವಾಗಿ, ಬಲಮಂಡಿಯನ್ನು ಬಾಗಿಸಿ, ಎಡಗಾಲನ್ನು ನೇರವಾಗಿಸಬೇಕು. ಕಣ್ಣುಗಳಿಂದ ಬಲಗೈಯ ಬೆರಳುಗಳನ್ನು ನೋಡುತ್ತಾ ಹಾಯಾಗಿರಿ. ಈ ಸ್ಥಿತಿಯಲ್ಲಿ ಸುಮಾರು 20 ರಿಂದ 30 ಸೆಕೆಂಡುಗಳ ಕಾಲ ಸಹಜ ಉಸಿರಾಟ ನಡೆಸುವುದು. ಉಸಿರನ್ನು ತೆಗೆದುಕೊಳ್ಳುತ್ತಾ ಮೇಲೆ ಬರಬೇಕು. ಇನ್ನೊಂದು ಬದಿಯಲ್ಲಿ ಇದೇ ರೀತಿ ಅಭ್ಯಾಸ ಮಾಡಬೇಕು. ಈ ರೀತಿ ಎರಡು ಅಥವಾ ಮೂರು ಬಾರಿ ಅಭ್ಯಾಸ ನಡೆಸಿ, ಆಮೇಲೆ ವಿಶ್ರಾಂತಿ ಪಡೆಯಬೇಕು.
