ಕಾಲು ನೋವು, ಕಿಬ್ಬೊಟ್ಟೆಯ ನೋವು ನಿಯಂತ್ರಿಸಲು ಈ ಯೋಗಾಸನ ಸಹಕಾರಿ!

ಕಿಬ್ಬೊಟ್ಟೆಯ ನೋವು ಮತ್ತು ಕಾಲು ನೋವಿನ ನಿಯಂತ್ರಣಕ್ಕೆ ಸಹಕಾರಿಯಾದ ಆಸನವೆಂದರೆ, ಸುಪ್ತ ವೀರಾಸನ. ಈ ಆಸನವು ಸೊಂಟದ ಬಾಗುವಿಕೆಗಳು, ತೊಡೆಗಳು ಮತ್ತು ಪಾದಗಳನ್ನು ಮತ್ತಷ್ಟು ವಿಸ್ತರಿಸುತ್ತದೆ. ಉಸಿರಾಟದ ಸಮಸ್ಯೆಯಿಂದ ಹಿಡಿದು ಸಂಧಿವಾತದವರೆಗೆ ಹಲವಾರು ದೈಹಿಕ ಕಾಯಿಲೆಗಳನ್ನು ಸರಿಪಡಿಸಲು ಈ ಭಂಗಿ ಉಪಯುಕ್ತವಾಗಿರುತ್ತದೆ.

ಪ್ರಯೋಜನಗಳು: ಸುಪ್ತ ವೀರಾಸನ ಅಭ್ಯಾಸ ಮಾಡುವುದರಿಂದ ಕಾಲಿನ ನರಗಳ ಸೆಳೆತ ಮತ್ತು ಇತರ ದೋಷಗಳು ನಿವಾರಣೆಯಾಗುತ್ತವೆ. ಬೆನ್ನು ನೋವು ಮತ್ತು ಕಿಬ್ಬೊಟ್ಟೆಯ ನೋವು ನಿವಾರಣೆಯಾಗಲು ಈ ಆಸನ ಸಹಕಾರಿಯಾಗುತ್ತದೆ. ಬೆನ್ನಿನ ಹುರಿಯ ನರಗಳು ಚೈತನ್ಯವನ್ನು ಪಡೆಯುತ್ತವೆ. ಎದೆ, ಹೃದಯ, ಶ್ವಾಸಕೋಶದ ಭಾಗಗಳು ಹುರುಪುಗೊಳ್ಳುತ್ತದೆ. ಸೊಂಟದ ಭಾಗ ಬಲಗೊಳ್ಳುತ್ತದೆ.

ಇದನ್ನೂ ಓದಿ: ಭಾರತದ ದೋಣಿಗಳ ಮೇಲೆ ಕಲ್ಲು ತೂರಿದ ಶ್ರೀಲಂಕಾ ನೌಕಾಪಡೆ ಸಿಬ್ಬಂದಿ!

ಜೀರ್ಣಕ್ರಿಯೆಯನ್ನು ಬಹಳವಾಗಿ ಸುಧಾರಿಸುತ್ತದೆ. ನಿದ್ರೆಯ ಸಮಸ್ಯೆಯನ್ನು ನಿವಾರಿಸುತ್ತದೆ. ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವ ಜನರಿಗೆ ಇದು ಸಹಾಯ ಮಾಡುತ್ತದೆ. ಮುಟ್ಟಿನ ನೋವು ನಿಯಂತ್ರಣವಾಗುತ್ತದೆ. ಉಬ್ಬಿರುವ ರಕ್ತನಾಳಗಳ ಪರಿಸ್ಥಿತಿಯನ್ನು ಗುಣಪಡಿಸಲು ಈ ಆಸನ ಸಹಕಾರಿಯಾಗುತ್ತದೆ. ಅಸ್ಥಿರಜ್ಜುಗಳು ಮತ್ತು ಮೊಣಕಾಲಿನ ಅನೇಕ ಸಣ್ಣ ಸ್ನಾಯುಗಳನ್ನು ಸಡಿಲಗೊಳಿಸುತ್ತದೆ.

ಅಭ್ಯಾಸ ಕ್ರಮ: ಜಮಖಾನದ ಮೇಲೆ ವಜ್ರಾಸನದ ಭಂಗಿಯಲ್ಲಿ ಕುಳಿತುಕೊಳ್ಳಬೇಕು. ಕಾಲುಗಳನ್ನು ವಿಸ್ತರಿಸಿ, ಉಸಿರನ್ನು ಬಿಡುತ್ತಾ, ನಿಧಾನವಾಗಿ ಕೈಗಳ ಸಹಾಯದಿಂದ ಬೆನ್ನು ಮತ್ತು ತಲೆಯನ್ನು ಹಿಂದಕ್ಕೆ ಬಾಗಿಸಿ ನೆಲಕ್ಕೆ ಮಲಗಬೇಕು. ಆಮೇಲೆ ಎರಡೂ ಕೈಗಳನ್ನು ತಲೆಯ ಹಿಂದಕ್ಕೆ ನೇರವಾಗಿ ಚಾಚಬೇಕು. ಈ ಸ್ಥಿತಿಯಲ್ಲಿ ಸ್ವಲ್ಪ ಹೊತ್ತು ಸಹಜ ಉಸಿರಾಟದಲ್ಲಿ ನೆಲೆಸಿ, ಆಮೇಲೆ ನಿಧಾನವಾಗಿ ಎದ್ದು ಕುಳಿತುಕೊಳ್ಳಬೇಕು. ನಂತರ ಕಾಲುಗಳನ್ನು ಚಾಚಿ ಸ್ವಲ್ಪ ಹೊತ್ತು ವಿಶ್ರಮಿಸಬೇಕು.

ಈ ಆಸನದ ಅಭ್ಯಾಸ ಮಾಡುವಾಗ ದಪ್ಪವಾದ ಜಮಖಾನ ಹಾಗೂ ತಲೆದಿಂಬನ್ನು ಉಪಯೋಗಿಸಬಹುದು. ಮಂಡಿ ನೋವಿನ ಸಮಸ್ಯೆ ಅಥವಾ ತೀವ್ರ ಸೊಂಟ ನೋವು ಇದ್ದವರಿಗೆ ಈ ಆಸನ ಸೂಕ್ತವಲ್ಲ.

https://www.vijayavani.net/this-yogasana-strengthens-neck-and-backbone/

https://www.vijayavani.net/sisters-too-can-protect-say-dance-duo-mukti-shakti/

https://www.vijayavani.net/video-afghanistans-former-mp-in-tears-says-it-is-zero-now/