ಆಕೆ ದುಡ್ಡಿಗಾಗಿ ಇಷ್ಟೆಲ್ಲಾ ಮಾಡ್ತಿದ್ದಾಳೆ: ವನಿತಾ

ತಮಿಳಿನ ಖ್ಯಾತ ನಟ ವಿಜಯಕುಮಾರ್​ ಅವರ ಪುತ್ರಿ ವನಿತಾ ವಿಜಯಕುಮಾರ್​ ಅವರು ಭಾನುವಾರವಷ್ಟೇ ಪೀಟರ್​ ಪಾಲ್​ ಎನ್ನುವವರು ಕ್ರಿಶ್ಚಿಯನ್​ ಸಂಪ್ರದಾಯದ ಪ್ರಕಾರ ಚೆನ್ನೈನಲ್ಲಿ ಮದುವೆಯಾದರು. ಇದು ವನಿತಾ ವಿಜಯಕುಮಾರ್​ ಅವರ ಮೂರನೆಯ ಮದುವೆಯಾಗಿದ್ದು, ಈ ಹಿಂದಿನ ಎರಡು ಮದುವೆಗಳಿಂದ ಅವರಿಗೆ ಇಬ್ಬರು ಪುತ್ರಿಯರಿದ್ದಾರೆ.

ಇದನ್ನೂ ಓದಿ: ಓಟಿಟಿಗೆ ಬರಲು ಬಾಲಿವುಡ್​ ‘ಅಧಿರ’ ಅಲಿಯಾಸ್​ ಸಂಜಯ್​ ದತ್​ ರೆಡಿ …

ವಿಷಯ ಅದಲ್ಲ, ವನಿತಾ ಮತ್ತು ಪೀಟರ್​ ಮದುವೆಯಾದ ಸ್ವಲ್ಪ ಹೊತ್ತಿಗೇ ಚೆನ್ನೈನ ವಡಪಳನಿ ಪೊಲೀಸ್​ ಠಾಣೆಯಲ್ಲಿ ಪೀಟರ್​ ಮತ್ತು ವನಿತಾ ಅವರ ಮೇಲೊಂದು ಪೊಲೀಸ್​ ಕಂಪ್ಲೇಂಟ್​ ಆಗಿದೆ. ಕಂಪ್ಲೇಂಟ್​ ಕೊಟ್ಟಿರುವವರು, ಪೀಟರ್​ ಅವರ ಮೊದಲ ಹೆಂಡತಿ ಎಲಿಜಬೆತ್​ ಹೆಲೆನ್​. ತಮ್ಮನ್ನು ಡೈವೋಸ್​ರ್ ಮಾಡದೆಯೇ ಪೀಟರ್​, ವನಿತಾ ಅವರನ್ನು ಮದುವೆಯಾಗಿದ್ದಾರೆ ಎಂದು ಎಲಿಜಬೆತ್​ ದೂರು ದಾಖಲಿಸಿದ್ದಾರೆ. ಅಷ್ಟೇ ಅಲ್ಲ, ಪೀಟರ್​​ ತಮ್ಮನ್ನು ಏಳು ವರ್ಷಗಳಿಂದ ದೂರ ಮಾಡಿದ್ದಾರೆ ಎಂದು ಸಹ ದೂರಿದ್ದಾರೆ.

ಈ ಕುರಿತು ಮಾತನಾಡಿರುವ ವನಿತಾ, ಎಲಿಜಬೆತ್​ ಇಷ್ಟೆಲ್ಲಾ ಮಾಡುತ್ತಿರುವುದು ದುಡ್ಡಿಗಾಗಿ ಎಂದು ಅವರ ಮೇಲೆ ಆರೋಪ ಹೊರಿಸಿದ್ದಾರೆ. 'ಎಲಿಜಬೆತ್​, ಪೀಟರ್​ ಹತ್ತಿರ ಒಂದು ಕೋಟಿಯ ಡಿಮ್ಯಾಂಡ್​ ಇಟ್ಟಿದ್ದರು. ಆದರೆ, ಪೀಟರ್​ ಹತ್ತಿರವಾಗಲೀ, ನನ್ನ ಬಳಿಯಾಗಲೀ ಅಷ್ಟೊಂದು ಹಣ ಇಲ್ಲವೇ ಇಲ್ಲ. ಹಾಗಾಗಿ ಅವರಿಗೆ ಕೊಡುವುದಕ್ಕೆ ಸಾಧ್ಯವೂ ಇಲ್ಲ. ಎಲ್ಲಕ್ಕಿಂತ ಹೆಚ್ಚಾಗಿ, ಅವರಿಬ್ಬರೂ ದೂರವಾಗಿ ಎಂಟು ವರ್ಷಗಳಾಗಿವೆ. ಇಷ್ಟು ವರ್ಷ ಸುಮ್ಮನಿದ್ದು, ಈಗ ಮದುವೆಯಾದ ಮೇಲೆ ಅವರು ಈ ರೀತಿ ಮಾಡುತ್ತಿರುವುದನ್ನು ನೋಡಿದರೆ, ಅವರ ಉದ್ದೇಶ ನಮ್ಮ ಹತ್ತಿರ ದುಡ್ಡು ಕೀಳುವುದು ಬಿಟ್ಟರೆ ಬೇರೇನೂ ಇಲ್ಲ' ಎಂದು ವನಿತಾ ಹೇಳಿದ್ದಾರೆ.

ಇದನ್ನೂ ಓದಿ: ಯಶ್​ ನೀಡಿದ ಮೂರು ಬೆರಳಿನ ಸಿಗ್ನಲ್​ ಏನಿರಬಹುದು?

ಇನ್ನು, ಈ ವಿಷಯವನ್ನು ನ್ಯಾಯಯುತವಾಗಿ ಹೋರಾಡುವುದಾಗಿ ಹೇಳಿಕೊಂಡಿರುವ ವನಿತಾ, 'ಈಗಷ್ಟೇ ಮದುವೆ ಮುಗಿದಿದೆ. ಸರಳವಾಗಿ ಮದುವೆಯಾಗಬೇಕು ಎಂಬ ಆಸೆ ಇತ್ತು. ಅದರಂತೆ ಸರಳವಾಗಿ ಮದುವೆಯಾಗಿದ್ದೇವೆ. ಇನ್ನು ಈ ತರಹ ಗಲಾಟೆ ಆಗಬಹುದು ಎಂದು ನಾನು ಮತ್ತು ಪೀಟರ್​, ನಿರೀಕ್ಷೆ ಮಾಡಿದ್ದೆವು. ಅದರಂತೆ ಆಗಿದೆ. ಇದನ್ನು ನಾವು ನ್ಯಾಯಯುತವಾಗಿಯೇ ಹೋರಾಡುತ್ತೇವೆ' ಎಂದು ವನಿತಾ ಹೇಳಿಕೊಂಡಿದ್ದಾರೆ.

https://www.vijayavani.net/tapsee-pannu-shocked-to-see-electricity-bill/