ಯಶ್​ ನೀಡಿದ ಮೂರು ಬೆರಳಿನ ಸಿಗ್ನಲ್​ ಏನಿರಬಹುದು?

ರಾಕಿಂಗ್​ ಸ್ಟಾರ್ ಯಶ್​ ಕಳೆದ ಮೂರು ತಿಂಗಳಿಂದ ಲಾಕ್​ಡೌನ್​ನಲ್ಲಿದ್ದಾರೆ. ಸಿನಿಮಾ ಶೂಟಿಂಗ್​ ಬದಿಗಿಟ್ಟು, ಮಡದಿ ಮತ್ತು ಮುದ್ದಾದ ಮಕ್ಕಳೊಂದಿಗೆ ಕ್ವಾಲಿಟಿ ಸಮಯ ಕಳೆಯುತ್ತಿದ್ದಾರೆ. ಆಗೊಮ್ಮೆ ಈಗೊಮ್ಮೆ ಎಂಬಂತೆ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಅಪ್​ಲೋಡ್​ ಮಾಡುತ್ತ ಅಭಿಮಾನಿಗಳ ಜತೆ ಸಂಪರ್ಕದಲ್ಲಿದ್ದಾರೆ. ಆದರೂ, ಯಶ್​ ಕಡೆಯಿಂದ ಸರಣಿ ಪೋಸ್ಟ್​ಗಳನ್ನು ನಿರೀಕ್ಷಿಸುವುದು ತುಂಬ ಕಡಿಮೆ. ಜಾಲತಾಣದಲ್ಲಿ ಏನಾದರೊಂದು ಪೋಸ್ಟ್ ಮಾಡುತ್ತಾರೆಂದರೆ ಅದರ ಹಿಂದೆ ಏನಾದರೊಂದು ಬಲವಾದ ಕಾರಣ ಇದ್ದೇ ಇರುತ್ತದೆ. ಅದೇ ರೀತಿ ಭಾನುವಾರವೂ ಯಶ್​ ಕಡೆಯಿಂದ ಫೋಟೋವೊಂದು ಫೇಸ್​ಬುಕ್​ನಲ್ಲಿ ಅಪ್​ಲೋಡ್​ ಆಗಿದೆ.

ಇದನ್ನೂ ಓದಿ: ಕಂಬ್ಯಾಕ್ ಕಾತರದಲ್ಲಿ ಮಾನ್ಯಾ

ಹೌದು, ಪತ್ನಿ ರಾಧಿಕಾ ಜತೆಗಿರುವ ಫೋಟೋ ಶೇರ್​ ಮಾಡಿಕೊಂಡ ಯಶ್​, ಜಾರಿಯಲ್ಲಿರುವ ಲಾಕ್​ಡೌನ್​ ಪತ್ನಿ ಸ್ನೇಹಿಯಾಗಿದೆ ಎಂದಿದ್ದಾರೆ. ಅಷ್ಟೇ ಅಲ್ಲ ‘ಕರ್ನಾಟಕ ಸರ್ಕಾರ ಲಾಕ್​ಡೌನ್​ಗೆ ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ಆದರೆ, ಯಾಕೆ ಎಂಬುದೇ ತಿಳಿಯುತ್ತಿಲ್ಲ. ರಾತ್ರಿ 8ಕ್ಕೆ ಮನೆಗೆ ಬಾ, ವಾರಾಂತ್ಯಕ್ಕೆ ಮನೆಯಲ್ಲಿಯೇ ಠಿಕಾಣಿ! ಏನೇ ಹೇಳಿ ಇದೊಂದು ರೀತಿ ಪತ್ನಿ ಸ್ನೇಹಿಯಾಗಿದೆ. ಮನೆಯಲ್ಲಿಯೇ ಇರಿ, ಸುರಕ್ಷಿತವಾಗಿರಿ’ ಎಂದಿದ್ದಾರೆ.

ಇದನ್ನೂ ಓದಿ: ಸಿಟಿ ಬಿಟ್ಟು ಹಳ್ಳಿಯತ್ತ ಯುವಕರು; ದರ್ಶನ್​ ಹೇಳಿರೋದೇನು?

ಇನ್ನು ಯಶ್​ ಈ ಫೋಟೋ ಹಾಕುತ್ತಿದ್ದಂತೆ, ಅವರ ಕಮೆಂಟ್​ ಬಾಕ್ಸ್​ನಲ್ಲಿ ಒಂದಷ್ಟು ಹಾಸ್ಯಮಯ ಸಂದೇಶಗಳೂ ಕಾಣಿಸಿವೆ. ಫೋಟೋದಲ್ಲಿ ಮೂರು ಬೆರಳುಗಳನ್ನು ಹಣೆಗಿಟ್ಟುಕೊಂಡಿದ್ದಕ್ಕೆ, ‘ಸರ್​ ನೀವು ನೀಡುತ್ತಿರುವ ಸಿಂಬಾಲ್​ ಹಿಂದಿನ ಮರ್ಮವೇನು?’ ಎಂದು ಕೆಲವರು ಹೇಳಿದರೆ, ಮತ್ತೆ ಕೆಲವರು, ‘ಎನಿ ಗುಡ್​ ನ್ಯೂಸ್​’ ಎಂಬ ಅರ್ಥದಲ್ಲಿ ಕಮೆಂಟ್​ ಮಾಡಿದ್ದಾರೆ. ಒಟ್ಟಿನಲ್ಲಿ ಯಶ್​ ಯಾವುದೇ ಪೋಸ್ಟ್​ ಹಾಕಿದರೂ ಅದಕ್ಕೆ ಒಂದಲ್ಲ ಒಂದು ರೀತಿ ಕಮೆಂಟ್​ಗಳು ಬರುತ್ತಲೇ ಇರುತ್ತವೆ. ಒಂದು ವೇಳೆ ಅದು ನಿಜವೇ ಆಗಿದ್ದರೆ, ಸ್ವತಃ ಯಶ್​ ಅಧಿಕೃತವಾಗಿ ಘೋಷಣೆ ಮಾಡಲಿದ್ದಾರೆ.

https://www.vijayavani.net/family-pack-film-amrutha-iyengar/