ಅಮೆರಿಕಕ್ಕೂ ರಫ್ತಾಗಿದೆ ಜಾತಿ ವ್ಯವಸ್ಥೆಯ ಕರಾಳ ಮುಖ; ದಲಿತನ ವಿರುದ್ಧದ ದೌರ್ಜನ್ಯಕ್ಕೆ ಕಂಪನಿ ವಿರುದ್ಧ ಪ್ರಕರಣ ದಾಖಲು

ನವದೆಹಲಿ: ಶ್ರೇಣಿಕೃತ ಜಾತಿ ವ್ಯವಸ್ಥೆಯ ಕರಾಳತೆ ವಿದೇಶಗಳಿಗೂ ಕಾಲಿಡಬಹುದು ಎಂದು ನೂರು ವರ್ಷಗಳಷ್ಟು ಹಿಂದೆಯೇ ಡಾ.ಬಿ.ಆರ್​. ಅಂಬೇಡ್ಕರ್​ ಮುಂಗಡಿದ್ದರು. ಅದೀಗ ವಾಸ್ತವವಾಗಿ ಬದಲಾಗಿದೆ.

ಮೇಲ್ವರ್ಗದ ಜಾತಿಯ ಸಿಬ್ಬಂದಿಯಿಂದ ದಲಿತನೊಬ್ಬ ಕಿರುಕುಳಕ್ಕೊಳಗಾದ ಪ್ರಕರಣದಲ್ಲಿ ಅಮೆರಿಕದ ಡಿಪಾರ್ಟ್​ಮೆಂಟ್​ ಆಫ್​ ಫೇರ್​ ಎಂಪ್ಲಾಯ್​ಮೆಂಟ್​ ಆ್ಯಂಡ್​ ಹೌಸಿಂಗ್​ ( ಸಮಾನ ಉದ್ಯೋಗಾವಕಾಶ ಹಾಗೂ ವಸತಿ ಇಲಾಖೆ) ಸಾಫ್ಟವೇರ್​ ದೈತ್ಯ ಸಿಸ್ಕೋ ಕಂಪನಿ ವಿರುದ್ಧ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದೆ.

ಇದನ್ನೂ ಓದಿ; ಫೇರ್​ ಆ್ಯಂಡ್​ ಲವ್ಲೀ ಹೆಸರು ಬದಲಾಯಿಸಿದ ಹಿಂದುಸ್ತಾನ್​ ಯುನಿಲೀವರ್​ 

ಕೆಳ ಜಾತಿಗೆ ಸೇರಿದವನೆಂಬ ಕಾರಣಕ್ಕೆ ಭಾರತೀಯ ಮೂಲದ ಅಮೆರಿಕನ್​ ಮೇಲೆ ದೌರ್ಜನ್ಯ ಎಸಗಲು ಇಬ್ಬರು ಮ್ಯಾನೇಜರ್​ಗಳಿಗೆ ಅವಕಾಶ ನೀಡಿದ ಆರೋಪವನ್ನು ಕಂಪನಿ ವಿರುದ್ಧ ಮಾಡಲಾಗಿದೆ.

ತಾರತಮ್ಯ, ದೌರ್ಜನ್ಯ ಹಾಗೂ ಪ್ರತೀಕಾರದ ಮನೋಭಾವವನ್ನು ಆತನ ವಿರುದ್ಧ ತೋರಲಾಗಿದೆ ಎಂದು ಸ್ಯಾನ್​ಜೋಸ್​ ನ್ಯಾಯಾಲಯದಲ್ಲಿ ಸಲ್ಲಿಸಲಾಗಿರುವ ಸಿಸ್ಕೋ ವಿರುದ್ಧದ ಅರ್ಜಿಯಲ್ಲಿ ಹೇಳಲಾಗಿದೆ.

ಇದನ್ನೂ ಓದಿ; 100 ಕೆಲಸಗಾರರನ್ನು ಇಟ್ಟುಕೊಂಡು 226 ಕೋಟಿ ರೂ. ಗಳಿಸಿತ್ತು ಚೀನಾ ಕಂಪನಿ

ಕೆಳ ಜಾತಿಗೆ ಸೇರಿದವನೆಂಬ ಕಾರಣಕ್ಕೆ ಜಾತಿ ವ್ಯವಸ್ಥೆಯನ್ನು ಒಪ್ಪಿಕೊಳ್ಳಬೇಕು, ಕಡಿಮೆ ಸಂಬಳ, ಸೀಮಿತ ಅವಕಾಶ ಹಾಗೂ ಇತರ ಕೀಳರಿಮೆಯ ಷರತ್ತಗಳನ್ನು ಒಪ್ಪಿಕೊಳ್ಳುವಂತೆ ಮಾಡಲಾಗಿತ್ತು ಎಂದು ಹೇಳಿದೆ.

ಈ ಪ್ರಕರಣ ನೀರಿನಲ್ಲಿ ತೇಲುತ್ತಿರುವ ಮಂಜುಗಡ್ಡೆ ಪರ್ವತದ ತುದಿಯಿದ್ದಂತೆ ಎಂದು ಅಮೆರಿಕದ ಅಂಬೇಡ್ಕರ್​ ಇಂಟರ್​ನ್ಯಾಷನಲ್​ ಸೆಂಟರ್​ ಸಂಸ್ಥೆ ಹೇಳಿದೆ. ಮೇಲ್ಜಾತಿಯ ಜನರಿಗೆ ಹೋಲಿಸಿದಲ್ಲಿ ದಲಿತರ ಸಂಖ್ಯೆ ಅಮೆರಿಕದಲ್ಲಿ ಭಾರಿ ಕಡಿಮೆ ಪ್ರಮಾಣದಲ್ಲಿದೆ. ಹೀಗಾಗಿ ಇಂಥ ಪ್ರಕರಣಗಳ ನಿಯಂತ್ರಣ ಸಾಧ್ಯವಾಗುತ್ತಿಲ್ಲ ಎಂದು ತಿಳಿಸಿದೆ.

https://www.vijayavani.net/coronavirus-pandemic-will-end-naturally-oxford-expert-explains/