ಬೆಂಗಳೂರು: ಇತ್ತೀಚೆಗಷ್ಟೇ ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಯುಐ ಚಿತ್ರದ ವಾರ್ನರ್ ರಿಲೀಸ್ ಮಾಡಿದ ನಿರ್ದೇಶಕ ಹಾಗೂ ನಟ ಉಪೇಂದ್ರ, ಯುಐ (UI) ಸಿನಿಮಾದ ಬಗ್ಗೆ ಅಭಿಮಾನಿಗಳಲ್ಲಿದ್ದ ಗೊಂದಲ ಮತ್ತು ಕುತೂಹಲವನ್ನು ಸದ್ಯ ಮತ್ತಷ್ಟು ಹೆಚ್ಚಿಸಿದ್ದಾರೆ. ಟ್ರೇಲರ್ಗೂ ಮುನ್ನವೇ ಚಿತ್ರಕ್ಕೆ ಸಂಬಂಧಿಸಿದಂತೆ ಸಾಕಷ್ಟು ಪ್ರಶ್ನೆಗಳನ್ನು ಮುಂದಿಟ್ಟಿದ್ದ ಫ್ಯಾನ್ಸ್ಗೆ ವಾರ್ನರ್ ಮೂಲಕ ನೀವೇ ಆ ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳಿ ಎಂದು ತಮ್ಮ ಶೈಲಿಯಲ್ಲೇ ಉಪ್ಪೇಂದ್ರ ಉತ್ತರಿಸಿದ್ದಾರೆ. ಇದು ಕೆಲವರಿಗೆ ಖುಷಿ ನೀಡಿದರೆ, ಇನ್ನೂ ಕೆಲವರಲ್ಲಿ ಗೊಂದಲವನ್ನು ಹೆಚ್ಚು ಮಾಡಿದೆ. ಇದೆಲ್ಲದರ ಮಧ್ಯೆ ಸಿನಿಮಾ ಹೊರತುಪಡಿಸಿ ಹೊಸ ಚರ್ಚೆಯೊಂದು ಅಭಿಮಾನಿಗಳಲ್ಲಿ ಕಾಡಲಾರಂಭಿಸಿದ್ದು, ಇತ್ತೀಚೆಗೆ ನಡೆದಿರುವ ಅಷ್ಟು ಕಾರ್ಯಕ್ರಮಗಳಲ್ಲಿಯೂ ಉಪ್ಪಿ ಏಕೆ ಕಪ್ಪು ಬಣ್ಣದ ಅಂಗಿಯನ್ನೇ ಧರಿಸಿದ್ದಾರೆ? ಇದರ ಹಿಂದಿರುವ ಕಾರಣವೇನು? ಎಂಬ ಕೌತುಕವನ್ನು ಹೊರಹಾಕಿದ್ದಾರೆ.
