ಕಾಶ್ಮೀರಕ್ಕೆ ಹನಿಮೂನ್‌ಗೆ ಹೋದ ದಂಪತಿ: ಉಗ್ರರ ದಾಳಿಯಲ್ಲಿ ಪತಿ ಸಾವು..pahalgam attack

pahalgam attack: ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ನಡೆದ ಭಯೋತ್ಪಾದಕ ದಾಳಿಯಿಂದ ದೇಶವೇ ಬೆಚ್ಚಿಬಿದ್ದಿದೆ. ದೇಶಾದ್ಯಂತ ವಿವಿಧ ನಗರಗಳಲ್ಲಿರುವ ಅನೇಕ ಕುಟುಂಬಗಳಲ್ಲಿ ದುಃಖ ಆವರಿಸಿದೆ. ಈ ದುರಂತ ನಡೆದ ಸ್ಥಳದಲ್ಲಿ  ಹನಿಮೂನ್‌ಗೆ ಹೋದ ಜೋಡಿಯೊಂದು ಕೂಡಾ ಇತ್ತು ಎನ್ನಲಾಗಿದೆ.

ದಾಳಿಯಲ್ಲಿ ಸಾವನ್ನಪ್ಪಿದವರಲ್ಲಿ ನವವಿವಾಹಿತ ಶುಭಂ ದ್ವಿವೇದಿ ಕೂಡ ಒಬ್ಬರು.  ಶುಭಂ 2025 ಫೆಬ್ರವರಿ 12ರಂದು ವಿವಾಹವಾದರು.   ಹೆಂಡತಿಯೊಂದಿಗೆ ಹನಿಮೂನ್‌ಗೆ ಪಹಲ್ಗಾಮ್‌ಗೆ ಹೋಗಿದ್ದರು. ಪತಿಯನ್ನು ಗುಂಡಿಕ್ಕಿ ಕೊಂದ ತಕ್ಷಣ, ಶುಭಂ ಅವರ ಪತ್ನಿ ತನ್ನ ಚಿಕ್ಕಪ್ಪನಿಗೆ ಕರೆ ಮಾಡಿ, ಉಗ್ರರು ಅಟ್ಯಾಕ್​​ ಮಾಡಿದ್ದಾರೆ. ಜನರ ಹೆಸರುಗಳನ್ನು ಕೇಳಿದ ನಂತರ ಶೂಟ್​​ ಮಾಡಲು  ಪ್ರಾರಂಭವಾಯಿತು. ಪತಿಯನ್ನು ಕೊಂದಿದ್ದಾರೆ ಎಂದು ತಿಳಿಸಿದ್ದಾರೆ.

ಮದುವೆಯಾದ ಎರಡು ತಿಂಗಳೊಳಗೆ ಶುಭಂ ಅವರ ಜೀವನ ದುರಂತವಾಗಿ ಕೊನೆಗೊಂಡಿತು. ಅವನ ಹೆಂಡತಿಯ ಜೀವನದಲ್ಲಿ ಮಧುಚಂದ್ರವು ದುಃಸ್ವಪ್ನವಾಗಿ ಬದಲಾಯಿತು. ಉಗ್ರರ ದಾಳಿಯಲ್ಲಿ ಉತ್ತರ ಪ್ರದೇಶ, ಮಹಾರಾಷ್ಟ್ರ, ಆಂಧ್ರಪ್ರದೇಶ ಮತ್ತು ನೇಪಾಳದ ಪ್ರವಾಸಿಗರು ಭಾಗಿಯಾಗಿದ್ದರು.

ಈ ದಾಳಿಯಲ್ಲಿ ಅನೇಕ ಪ್ರವಾಸಿಗರು ಪ್ರಾಣ ಕಳೆದುಕೊಂಡರು. ಅವರಲ್ಲಿ ಕರ್ನಾಲ್‌ನ ಯುವ ಭಾರತೀಯ ನೌಕಾಪಡೆಯ ಅಧಿಕಾರಿ, ಇತ್ತೀಚೆಗೆ ವಿವಾಹವಾದ ಲೆಫ್ಟಿನೆಂಟ್ ವಿನಯ್ ನರ್ವಾಲ್, ಒಡಿಶಾದ ಲೆಕ್ಕಪತ್ರ ಅಧಿಕಾರಿ ಪ್ರಶಾಂತ್ ಸತ್ಪತಿ ಮತ್ತು ಸೂರತ್‌ನ ಶೈಲೇಶ್ ಕಡಟಿಯಾ ಸೇರಿದ್ದಾರೆ.

https://www.vijayavani.net/navy-officer-married-just-7-days-ago-killed-in-pahalgam-terror-attack