ವಿ. ಸೋಮಣ್ಣ ಇಂದು ಮತ್ತೆ ನಾಳೆ 2 ದಿವಸಗಳ ಕಾಲ ಈ ಭೇಟಿ ಹಮ್ಮಿಕೊಂಡಿದ್ದು, ಅಮೃತಸರ್ ಜಿಲ್ಲೆಯಲ್ಲಿನ ನೇರ ಪೀಡಿತ ಪ್ರದೇಶಕ್ಕೆ ಭೇಟಿ ನೀಡುವ ನಿಮಿತ್ತ ಇಂದು ದೆಹಲಿಯಿಂದ ಪಂಜಾಬಿನ ಅಮೃತಸರ್ ಜಿಲ್ಲೆಗೆ ತೆರಳಿದ್ದಾರೆ. ಇಂದಿನ ಭೇಟಿಯ ಸಂದರ್ಭದಲ್ಲಿ ಪಾಕಿಸ್ತಾನ ಮತ್ತು ಭಾರತದ ಗಡಿಯಾದ ಪಂಜಾಬ್ ರಾಜ್ಯದ ಅಮೃತಸರ್ ಜಿಲ್ಲೆಯಲ್ಲಿನ ಕಕ್ಕಾಡ, ಲೊದಿಗುಜ್ಜಾರ್, ಮಾಂಜ್, ಸೈದಾಪುರ ಹಳ್ಳಿಗಳಿಗೆ ಭೇಟಿ ನೀಡಿ ನೆರೆಯಿಂದ ಉಂಟಾದ ಹಾನಿಯ ಬಗ್ಗೆ ಪರಿಶೀಲಿಸಿದರು. ಇದೇ ವೇಳೆ ಸಂತ್ರಸ್ತ ಪ್ರದೇಶದ ಗ್ರಾಮಸ್ತರೊಂದಿಗೆ ಚರ್ಚಿಸಿ ಅವರ ಕುಂದುಕೊರತೆ ಹಾಗೂ ನಷ್ಟವುಂಟಾದ ಬಗ್ಗೆ ವಿವರ ಪಡೆದಕೊಂಡರು. ನೆರೆ ಪೀಡಿತ ಪ್ರದೇಶಗಳಲ್ಲಿನ ಸಂತ್ರಸ್ತರಿಗೆ ಶೀಘ್ರ ಪರಿಹಾರ ನೀಡುವಂತೆ ಸ್ಥಳದಲ್ಲಿದ್ದ ಹಾಜರಿದ್ದ ಅಧಿಕಾರಿಗಳಿಗೆ ಸೂಚನೆ ನೀಡಿ, ಈ ಬಗ್ಗೆ ಸೂಕ್ತ ಕ್ರಮ ಜರುಗಿಸುವಂತೆ ಪಂಜಾಬ್ ರಾಜ್ಯಸರ್ಕಾರವನ್ನು ಒತ್ತಾಯಿಸಿದ್ದಾರೆ. ಕೇಂದ್ರ ಸರ್ಕಾರ ಈಗಾಗಲೇ ಪಂಜಾಬ್ ರಾಜ್ಯಸರ್ಕಾರಕ್ಕೆ ಎನ್.ಡಿ.ಆರ್.ಏಫ್ನಿಂದ ಸಾಕಷ್ಟು ಹಣವನ್ನು ನೀಡಿದ್ದು, ಈ ಸಂದರ್ಭದಲ್ಲಿ ಸದುಪಯೋಗ ಪಡಿಸಿ ಸಂತ್ರಸ್ತರಿಗೆ ನೇರವಾಗುವಂತೆ ಪಂಜಾಬ್ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.
