'ನಾನೇ ಫಸ್ಟ್ ಟೆರರಿಸ್ಟ್' ಹೀಗಂತ ಸರ್ಕಾರ ಸ್ವತಃ ಘೋಷಿಸಬೇಕು- ಎಂಥ ವಿಚಿತ್ರ ಬೇಡಿಕೆ ಈತನದ್ದು!

ಲುಟ್​ಸ್ಕ್: ಪ್ರಜೆಗಳಲ್ಲಿ ಸರ್ಕಾರ ಭಾರಿ ಪ್ರಮಾಣದ ಭಯವನ್ನು ಹುಟ್ಟಿಸುತ್ತಿದೆ. ಹೀಗಾಗಿ ಸರ್ಕಾರ ಸ್ವತಃ ಹೀಗೆ ಘೋಷಿಸಿಕೊಳ್ಳಬೇಕು-"ಇಂದು ಮತ್ತು ಎಂದಿಗೂ ನಾನೇ ಫಸ್ಟ್ ಟೆರರಿಸ್ಟ್​ ". ಇಂತಹ ವಿಚಿತ್ರ ಬೇಡಿಕೆಯನ್ನು ಮುಂದಿಟ್ಟ ವ್ಯಕ್ತಿಯೊಬ್ಬ ಮಾಡಿದ್ದೇನು ನೋಡಿ!

ಉಕ್ರೇನ್​ನ ಪಶ್ಚಿಮಭಾಗದ ಲುಟ್​ಸ್ಕ್​ ಎಂಬ ಪಟ್ಟಣದಲ್ಲಿ ನಡೆದಿರುವ ಘಟನೆ ಇದು. ತಾನೇ ದೊಡ್ಡ ಭಯೋತ್ಪಾದಕ ಎಂದು ಸರ್ಕಾರವೇ ಸ್ವತಃ ಘೋಷಿಸಬೇಕು ಎಂಬ ವಿಚಿತ್ರ ಬೇಡಿಕೆ ಮುಂದಿಟ್ಟ ವ್ಯಕ್ತಿ ಶಸ್ತ್ರಾಸ್ತ್ರಗಳೊಂದಿಗೆ ದೀರ್ಘ ದೂರ ಸಂಚರಿಸುವ ಬಸ್ಸೊಂದನ್ನು ಏರಿದ್ದ. ಸ್ವಲ್ಪ ದೂರ ಹೋಗುತ್ತಲೇ ಬಸ್ಸನ್ನು ತನ್ನ ವಶಕ್ಕೆ ತೆಗೆದುಕೊಂಡು ಬೇಡಿಕೆ ಈಡೇರಿಸುವಂತೆ ಒತ್ತಡ ಹೇರತೊಡಗಿದ್ದ.

ಇದನ್ನೂ ಓದಿ: ಮೊದಲ ಬ್ಯಾಚ್​ನ 5 ರಫೆಲ್​ ಜೆಟ್​ಗಳು ಜುಲೈ ಅಂತ್ಯಕ್ಕೆ ಸೇನೆ ಸೇರ್ಪಡೆ

ಪೊಲೀಸ್ ಮಾಹಿತಿ ಪ್ರಕಾರ, ಬಸ್ಸನ್ನು ತನ್ನ ನಿಯಂತ್ರಣಕ್ಕೆ ತೆಗೆದುಕೊಂಡ ಬಳಿಕ ಆ ವ್ಯಕ್ತಿ ಮಾಡಿದ ಮೊದಲ ಕೆಲಸ ಪೊಲೀಸ್ ಕಂಟ್ರೋಲ್​ ರೂಮ್​ಗೆ ಕರೆ ಮಾಡಿದ್ದು. - "ನನ್ನ ಹೆಸರು ಮಕ್ಸಿಮ್ ಪ್ಲೋಖೊಯ್​. ನಾನೊಂದು ಬಸ್ಸನ್ನು ಹೈಜಾಕ್ ಮಾಡಿದ್ದೇನೆ. ಪ್ರಯಾಣಿಕರು, ಬಸ್ಸಿನ ಸಿಬ್ಬಂದಿ ನನ್ನ ಒತ್ತೆಯಾಳುಗಳಾಗಿದ್ದಾರೆ. ಸರ್ಕಾರ ಮತ್ತು ನೀವೆಲ್ಲರೂ ಮಾಡಬೇಕಾದ್ದಿಷ್ಟೆ- ನಿಮ್ಮ ನಿಮ್ಮ ಸೋಷಿಯಲ್ ಮೀಡಿಯಾ ಪ್ಲಾಟ್​ಫಾರಂನಲ್ಲಿ ನಾವು ಭಯೋತ್ಪಾದಕರು ಎಂದು ಬರೆದುಕೊಳ್ಳಿ. ಸರ್ಕಾರವೇ ಯಾವಾಗಲೂ ಟೆರರಿಸ್ಟ್ ಆಗಿದ್ದು, ಅದುವೇ ಫಸ್ಟ್ ಟೆರರಿಸ್ಟ್​ ಅದನ್ನೂ ಘೋಷಿಸಬೇಕು" ಎಂದು ಹೇಳಿಕೊಂಡಿದ್ದ.

ಇದನ್ನೂ ಓದಿ: ಒಂದಿಷ್ಟು ಶುಲ್ಕ ಪಾವತಿಸಿದ್ರೆ 2 ಕೋಟಿ ನಿಮ್ದಾಗುತ್ತೆ, ಯಾಕೆ ಕಳ್ಕೋತೀರಿ? ಎಂದು ಹೇಳ್ತಾನೇ ವಂಚಿಸಿದ್ರು ನೋಡಿ..!

ಆತ ಒತ್ತೆ ಇರಿಸಿಕೊಂಡಿದ್ದ ಬಸ್​ ಬಳಿಗೆ ಪೊಲೀಸರು ತಮ್ಮ ನಿಗಾ ಡ್ರೋನ್ ಅನ್ನು ರವಾನಿಸಿದ್ದರು. ಅಲ್ಲಿನ ಸ್ಥಿತಿಗತಿ ತಿಳಿದುಕೊಳ್ಳುವ ಉದ್ದೇಶ ಅವರದ್ದಾಗಿತ್ತು. ಆದರೆ, ಆತ ಬಸ್ಸಿನೊಳಗಿಂದ ಕಿಟಕಿಯ ಮೂಲಕ ಡ್ರೋನ್ ಮೇಲೆ ಸ್ಪೋಟಕಗಳನ್ನು ಎಸೆದಿದ್ದ. ಹಲವು ಸುತ್ತಿನ ಗುಂಡಿನ ದಾಳಿ ಕೂಡ ನಡೆಸಿದ್ದ ಎಂದು ಉಕ್ರೇನ್​ನ ಅಧ್ಯಕ್ಷ ವೊಲೊಡಿಮಿರ್​ ಝೆಲೆನ್​ಸ್ಕಿ ಹೇಳಿದ್ದಾರೆ.

ಇದನ್ನೂ ಓದಿ: ವಾರ್ಡ್​ಬಾಯ್​ಗೆ ಕೊಡಲು 30 ರೂ. ಇಲ್ಲದ್ದಕ್ಕೆ ಸ್ಟ್ರೆಚರ್​ ದೂಡಿದ 6ರ ಬಾಲಕ

ಬಳಿಕ ಪೊಲೀಸರು ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದು, ಆತನನ್ನು ಬಂಧಿಸಿದ್ದಲ್ಲದೆ, ಬಸ್ಸಿನಲ್ಲಿದ್ದ 13 ಜನರನ್ನು ಯಾವುದೇ ಪ್ರಾಣಾಪಾಯ, ಗಾಯಗಳಿಲ್ಲದೇ ಬಚಾವ್ ಮಾಡಿದ್ದಾರೆ. ಈ ಪೈಕಿ ಒಬ್ಬ ಗರ್ಭಿಣಿ ಸೇರಿ ಮೂವರನ್ನು ಆತ ಮೊದಲೇ ಬಿಡುಗಡೆ ಮಾಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/im-gonna-sign-out-of-this-before-i-forget-ki-mera-stand-kya-hai/