ಬೆಂಗಳೂರು: ತಮ್ಮ ನಿರ್ದೇಶನದ ಸಿನಿಮಾಗಳ ವಿಚಾರದಲ್ಲಿ ಯಾವಾಗಲೂ ಡಿಫರೆಂಟ್ ಆಗಿರುವ ರಿಯಲ್ ಸ್ಟಾರ್ ಉಪೇಂದ್ರ, ಇದೀಗ ಅವರ ನಿರ್ದೇಶನದ ‘ಯುಐ’ ಸಿನಿಮಾದಲ್ಲೂ ಅದನ್ನು ಮುಂದುವರಿಸಿದ್ದಾರೆ. ನಿನ್ನೆಯಷ್ಟೇ ಚಿತ್ರದ ಫಸ್ಟ್ಲುಕ್ ಬಗ್ಗೆ ಅಪ್ಡೇಟ್ ಕೊಡುತ್ತೇವೆ ಎಂದ ಈ ಚಿತ್ರತಂಡ ಕೊನೆಗೆ ಅದರಲ್ಲೂ ಡಿಫರೆಂಟ್ ಎನಿಸಿಕೊಂಡಿದೆ.
ಚಿತ್ರದ ಫಸ್ಟ್ಲುಕ್ ಅಪ್ಡೇಟ್ ಕುರಿತ ಘೋಷಣೆಯನ್ನು ಕೆಲವರು ಫಸ್ಟ್ಲುಕ್ ಬಿಡುಗಡೆ ಆಗುತ್ತದೆ ಎಂದೇ ಭಾವಿಸಿದ್ದು, ಕೊನೆಗೆ ಫಸ್ಟ್ಲುಕ್ ಬಗ್ಗೆ ಅಪ್ಡೇಟ್ ಅಷ್ಟೇ ಬಿಡುಗಡೆ ಆಗಿತ್ತು. ಅದನ್ನೂ ಚಿತ್ರತಂಡ ವಿಭಿನ್ನವಾಗಿ ಒಂದು ವಿಡಿಯೋ ಮೂಲಕ ತಿಳಿಸಿತ್ತು.
ಚಿತ್ರದ ನಿರ್ಮಾಪಕರಾದ ನವೀನ್ ಮತ್ತು ಕೆ.ಪಿ.ಶ್ರೀಕಾಂತ್, ಯುಐ ಚಿತ್ರದ ಕುರಿತು ಏನಾದರೂ ಒಂದು ಅಪ್ಡೇಟ್ ಕೊಡಬೇಕು ಎಂದು ನಿರ್ದೇಶಕ ಉಪೇಂದ್ರ ಬಳಿ ಕೇಳುವಂಥ ಸನ್ನಿವೇಶದ ಮೂಲಕ ಈ ಅಪ್ಡೇಟ್ ನೀಡಲಾಗಿತ್ತು.
ನಮ್ಮ ಚಿತ್ರ ಯಾವ ರೇಂಜಿಗಿದೆ ಎನ್ನುವುದನ್ನು ಒಂದು ನಿಮಿಷದ ತುಣುಕಿನಲ್ಲಿ ತಿಳಿಸಬೇಕು ಎಂಬ ನಿರ್ಮಾಪಕರ ಕೋರಿಕೆಗೆ, ಒಂದೇ ನಿಮಿಷದಲ್ಲಿ ತೋರಿಸುವುದಾದರೆ ನಾನು 2 ಗಂಟೆ ಸಿನಿಮಾ ಯಾಕೆ ಮಾಡಬೇಕಿತ್ತು ಎಂದು ಉಪೇಂದ್ರ ಉತ್ತರಿಸಿದ್ದರು.
ಇದನ್ನೂ ಓದಿ: ಅಪಾರ್ಟ್ಮೆಂಟ್ನ 12ನೇ ಮಹಡಿಯಿಂದ ಹಾರಿ ಪ್ರಾಣ ಕಳ್ಕೊಂಡ್ಲು 10ನೇ ತರಗತಿ ವಿದ್ಯಾರ್ಥಿನಿ
ಅದಾಗ್ಯೂ ಬಿಡದ ನಿರ್ಮಾಪಕರು ಸಿನಿಮಾ ಬಿಡುಗಡೆ ಮೊದಲು ಒಂದು ಹೈಪ್ ಮಾಡಬೇಕು ಎಂದಾಗಲೂ ನಿರಾಕರಿಸಿದ ಉಪೇಂದ್ರ, ಹೈಪ್ ಮಾಡೋದಾ, ಅದೇ ಹೈಪ್ ಆಗೋದಾ? ಎಂದಿದ್ದರು. ಅಲ್ಲದೆ, ಸುಳ್ಳಿಗೆ ಹೈಪ್ ತರಬೇಕು, ಸತ್ಯಕ್ಕೆ ತಾನಾಗ್ ತಾನೇ ಹೈಫ್ ಸಿಗುತ್ತೆ, ಡೋಂಟ್ ವರಿ ಎಂದಿದ್ದರು.
ಹೀಗೊಂದು ರೀತಿಯಲ್ಲಿ ಬಿಡುಗಡೆಯಾಗಿ ಅಭಿಮಾನಿಗಳಲ್ಲಿ ಕೌತುಕವನ್ನು ಸೃಷ್ಟಿಸಿದ್ದ ‘ಯುಐ’ ಸಿನಿಮಾದ ಫಸ್ಟ್ಲುಕ್ ಅಪ್ಡೇಟ್ ವಿಡಿಯೋ, ಬಿಡುಗಡೆ ಆದ ತಕ್ಷಣ ಟ್ರೆಂಡಿಂಗ್ ಆಗಿದ್ದಲ್ಲದೆ, ಬಿಡುಗಡೆ ಆಗಿ 24 ಗಂಟೆಗಳಾದರೂ ಟಾಪ್ 2 ಟ್ರೆಂಡಿಂಗ್ನಲ್ಲಿತ್ತು. ಇದೀಗ ಟಾಪ್-3 ಟ್ರೆಂಡಿಂಗ್ನಲ್ಲಿದೆ. ಹಾಗಾದರೆ ಉಪೇಂದ್ರ ಹೇಳಿದ್ದರಲ್ಲಿ ಸತ್ಯ ಇತ್ತಾ, ಸತ್ಯಕ್ಕೆ ತಂತಾನೇ ಹೈಪ್ ಸಿಗ್ತಾ? ಎಂಬ ಪ್ರಶ್ನೆಯನ್ನು ಟ್ರೆಂಡ್ ಆಗಿರುವ ಈ ಫಸ್ಟ್ಲುಕ್ ಅಪ್ಡೇಟ್ ವಿಡಿಯೋ ಮೂಡಿಸಿದೆ.
U I ಮೊದಲ ನೋಟಗಳು…..
Unveiling The BTS Of #Uithemovie : The Update Of First Looksss are Here! 🌟▶️ https://t.co/tgheBOySA8#UppiDirects @nimmaupendra @LahariFilm #GManoharan @enterrtainers @kp_sreekanth #naveenmanoharan @AJANEESHB @shivakumarart @Reeshmananaiah @LahariMusic
— Upendra (@nimmaupendra) August 28, 2023
Photo Gallery | ನಿಲುಕಿದ ನಕ್ಷತ್ರ: ರಾಜಧಾನಿಯಲ್ಲಿ ರಜಿನಿಕಾಂತ್ ಮುಕ್ತ ಸಂಚಾರ, ಅಭಿಮಾನಿಗಳಲ್ಲಿ ಸಂಚಲನ!
ಜನ್ಮದಿನ ಆಚರಿಸಿಕೊಳ್ಳುವವರಿಗೆ ವಂಡರ್ಲಾದಲ್ಲಿ ಉಚಿತ ಟಿಕೆಟ್; ಇಲ್ಲಿದೆ ವಿವರ..