ಬೆಂಗಳೂರು: ಕನ್ನಡ ಚಿತ್ರರಂಗದ ‘ಬುದ್ಧಿವಂತ’ ನಿರ್ದೇಶಕ, ರಿಯಲ್ ಸ್ಟಾರ್, ನಟ ಉಪೇಂದ್ರ ಇದೀಗ ವರ್ಷಗಳ ಬಳಿಕ ಮತ್ತೊಮ್ಮೆ ‘ಯುಐ’ ಚಿತ್ರದ ಮುಖೇನ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದು, ನೆಚ್ಚಿನ ಅಭಿಮಾನಿಗಳನ್ನು ಮನರಂಜಿಸಲು ವಿಶೇಷ ಹಾಗೂ ವಿಭಿನ್ನ ರೀತಿಯಲ್ಲಿ ಫಸ್ಟ್ ಲುಕ್ ಮೂಲಕ ಇಂದು ಸಿನಿಪ್ರೇಕ್ಷಕರ ಮುಂದೆ ಹಾಜರಾಗಿದ್ದಾರೆ. ತುಣುಕು ನೋಡಿದ ಉಪ್ಪಿ ಫ್ಯಾನ್ಸ್ ಎಂದಿನಂತೆ ತಲೆಕೆಡಿಸಿಕೊಳ್ಳುವುದನ್ನು ಮಾತ್ರ ಬಿಟ್ಟಿಲ್ಲ.
ಇದನ್ನೂ ಓದಿ: ಜವಳಿ ಕ್ರಾಂತಿಗೆ ‘ಬಾಣಕಾರ ಟೆಕ್ಸ್ಟೈಲ್ಸ್ನ ಗರಿ
‘ಉಪ್ಪಿ 2’ ಚಿತ್ರವನ್ನು ನಿರ್ದೇಶಿಸಿದ ಬಳಿಕ ಇದೀಗ ಮತ್ತೊಮ್ಮೆ ನಿರ್ದೇಶನಕ್ಕೆ ಮರಳಿರುವ ಉಪೇಂದ್ರ, ‘ಯುಐ’ ಸಿನಿಮಾ (UI ) ಮುಖೇನ ಸಿನಿರಸಿಕರಲ್ಲಿ ಮತ್ತು ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಕೆರಳಿಸಿದ್ದಾರೆ. ಈ ಹಿಂದೆಯಷ್ಟೇ ಚಿತ್ರದ ಪೋಸ್ಟರ್ ಬಿಡುಗಡೆಗೊಂಡು ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟುಹಾಕಿತ್ತು. ಅದರಂತೆಯೇ ಈಗ ವಿಭಿನ್ನವಾಗಿ ಚಿತ್ರದ ಫಸ್ಟ್ ಲುಕ್ ತುಣುಕನ್ನು ಚಿತ್ರತಂಡ ರಿಲೀಸ್ ಮಾಡಿದೆ.
ಇದನ್ನೂ ಓದಿ: Kaveri Dispute | HD Kumaraswamy Slams Congress | ಕಾವೇರಿ ವಿಚಾರದಲ್ಲಿ ಅಸಮಾಧಾನ; ಎಚ್ಡಿಕೆ ಹೇಳಿದ್ದೇನು? | MANDYA
‘ಯುಐ’ ಚಿತ್ರವನ್ನು ಕೆ.ಪಿ. ಶ್ರೀಕಾಂತ್ ಮತ್ತು ಜಿ. ಮನೋಹರನ್ ನಿರ್ಮಾಣ ಮಾಡಿದ್ದು, ಇಂದು ಬೆಳಗ್ಗೆ 10 ಗಂಟೆಗೆ ಉಪೇಂದ್ರ ತಮ್ಮ ಸಾಮಾಜಿಕ ಜಾಲತಾಣದ ಅಧಿಕೃತ ಖಾತೆಯಲ್ಲಿ ಚಿತ್ರದ ಫಸ್ಟ್ ಲುಕ್ ವಿಡಿಯೋ ಹಂಚಿಕೊಂಡರು. ತುಣುಕು ನೋಡಿದ ಬಳಿಕ ಡಿಫರೇಂಟ್ ಡೈರೆಕ್ಟರ್ ಮತ್ತೊಮ್ಮೆ ನಮ್ಮ ತಲೆಗೆ ಹುಳ ಬಿಟ್ಟಿದ್ದಾರೆ ಎಂದು ಪ್ರೇಕ್ಷಕರು ಕಮೆಂಟ್ ಮೂಲಕ ಅಭಿಪ್ರಾಯಿಸಿದ್ದಾರೆ. ಇದು ಪ್ರಮೋಷನಲ್ ವಿಡಿಯೋ ಎಂದು ಹೇಳಲಾಗಿದ್ದು, ನಿರ್ಮಾಪಕರೊಂದಿಗೆ ಮಾತುಕತೆ ನಡೆಸುವ ಉಪ್ಪಿ, ಚಿತ್ರದ ಫಸ್ಟ್ ಲುಕ್ ಅಥವಾ ಟೀಸರ್ ರಿಲೀಸ್ ಮಾಡಬೇಕಾ? ಎಂದು ನಿರ್ಮಾಪಕರಿಗೆ ಕೇಳಿದ್ದಾರೆ.
U I ಮೊದಲ ನೋಟಗಳು…..
Unveiling The BTS Of #Uithemovie : The Update Of First Looksss are Here! 🌟▶️ https://t.co/tgheBOySA8#UppiDirects @nimmaupendra @LahariFilm #GManoharan @enterrtainers @kp_sreekanth #naveenmanoharan @AJANEESHB @shivakumarart @Reeshmananaiah @LahariMusic
— Upendra (@nimmaupendra) August 28, 2023
ತದನಂತರ ಚಿತ್ರದ ಬಗ್ಗೆ ಮಾಹಿತಿ ನೀಡಲಿಲ್ಲ ಎಂದರೆ ಪ್ರಚಾರ ಆಗೋದು ಹೇಗೆ ಸರ್ ಎಂದು ಕೇಳಿದ ನಿರ್ಮಾಪಕರಿಗೆ, “ನಿಜವಾಗಲೂ ಪಬ್ಲಿಸಿಟಿ ಮಾಡಬೇಕಾ? ಫಸ್ಟ್ ಲುಕ್ ಅಥವಾ ಟೀಸರ್ ಬಿಡುಗಡೆಗೊಳಿಸುವ ಅವಶ್ಯಕತೆ ಇದೆಯೇ? ಒಂದು ನಿಮಿಷದಲ್ಲಿ ನಮ್ಮ ಚಿತ್ರ ಯಾವ ರೇಂಜಿಗಿದೆ ಅಂತ ತೋರಿಸುವುದಕ್ಕೆ ನಾನ್ಯಾಕೆ 2 ಗಂಟೆ ಸಿನಿಮಾ ಮಾಡ್ಬೇಕಿತ್ತು! ಸುಳ್ಳಿಗೆ ಹೈಪ್ ತರಬೇಕು, ಸತ್ಯಕ್ಕೆ ತಾನಾಗೇ ಹೈಪ್ ಸಿಗುತ್ತದೆ” ಎಂದು ಹೇಳುವ ಮೂಲಕ ಸಿನಿಪ್ರಿಯರಿಗೆ ಮತ್ತೊಮ್ಮೆ ಟ್ವಿಸ್ಟ್ ನೀಡಿದ್ದಾರೆ.
ದಳಪತಿ ವಿಜಯ್ ನಟನೆಯ ‘ಲಿಯೋ’ ಆಡಿಯೋ ಲಾಂಚ್ಗೆ ಬರಲಿದ್ದಾರೆ ಈ ಸ್ಟಾರ್ ನಟರು?