ಸಿಯೋನಿ: ಅವರಿಬ್ಬರೂ ಸಹೋದರಿಯರು. ಅದರಲ್ಲೊಬ್ಬಳು ಅಪ್ರಾಪ್ತೆ. ಅಂದರೆ 16ರ ಬಾಲೆ. ಮತ್ತೊಬ್ಬಳು 18ರ ಯುವತಿ. ಇಬ್ಬರೂ ತಮ್ಮ ತಮ್ಮ ಪ್ರಿಯತಮರೊಂದಿಗೆ ಪ್ರಣಯದ ಉತ್ತುಂಗದಲ್ಲಿದ್ದರು.
ಹಾಗೊಂದು ದಿನ ಅವರಲ್ಲೊಬ್ಬ ಪ್ರೇಮಿ, ಪ್ರೇಮದ ಗುಂಗಲ್ಲಿ ತನ್ನ ಪ್ರಿಯತಮೆಗೆ ಕಳುಹಿಸುವ ಸಂದೇಶವನ್ನು ಅಚಾನಕ್ ಆಗಿ ಆಕೆಯ ತಂದೆಗೆ ಕಳುಹಿಸಿಬಿಟ್ಟಿದ್ದಾನೆ… ಆ ಸಂದೇಶವನ್ನು ಮನೆಯ ಸದಸ್ಯರೆಲ್ಲರೂ ನೋಡಿದ್ದಾರೆ. ಇದೊಂದು ಯಡವಟ್ಟು ಆ ಇಬ್ಬರೂ ಹುಡುಗಿಯರಿಗೆ ಮಾರಣಾಂತಿಕವಾಗಿದೆ.
ಇದನ್ನು ಓದಿ: ಎಣ್ಣೆ ಮತ್ತಿನಲ್ಲಿದ್ದವರು ವೃದ್ಧನನ್ನು ನೂರೈವತ್ತು ಬಾರಿ ಚಚ್ಚಿ ಕೊಂದರು. ಆ ಕ್ರೌರ್ಯ ಕೇಳಿದರೆ ನೀವೂ ಮೂರ್ಛೆ ಹೋಗುತ್ತೀರಿ…
ತಮ್ಮ ಪ್ರಣಯದ ಗುಟ್ಟು ರಟ್ಟಾಯಿತೆಂದು ನೊಂದ ಇಬ್ಬರು ಸಹೋದರಿಯರು ಬಾವಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಮಧ್ಯಪ್ರದೇಶದ ಸಿಯೋನಿ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.
ತಮ್ಮ ಕುಟುಂಬದವರಿಗೆ ತಮ್ಮ ಪ್ರೇಮದ ವಿಷಯ ತಿಳಿದಿದೆ ಎಂದು ಭಯಗೊಂಡ ಅವರು ಸೋಮವಾರ ಸಂಜೆ ಮನೆ ತೊರೆದಿದ್ದರು ಎಂದು ಅಧಿಕಾರಿ ಹೇಳಿದರು.
ಇದನ್ನೂ ಓದಿ : ಸೂಪರ್ಸ್ಟಾರ್ ಮಹೇಶ್ ಬಾಬು ಜನ್ಮದಿನದಂದು ರಾಜಮೌಳಿ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ರಾ?
ಅವರಿಬ್ಬರಿಗಾಗಿ ಶೋಧ ಕಾರ್ಯ ನಂತರ, ಮರುದಿನ ಗ್ರಾಮದ ಹೊರಗಿನ ಬಾವಿಯಲ್ಲಿ ಅವರ ಶವಗಳು ಪತ್ತೆಯಾಗಿವೆ. ಇಬ್ಬರ ಶವಗಳು ಕೊಂಡ್ರಾ ಗ್ರಾಮದ ಬಾವಿಯಲ್ಲಿ ತೇಲುತ್ತಿರುವಂತೆ ಕಂಡುಬಂದಿದ್ದವೆಂದು ಪೊಲೀಸರು ತಿಳಿಸಿದ್ದಾರೆ. ಪರಾರಿಯಾಗಿರುವ ಆ ಇಬ್ಬರೂ ಹುಡುಗಿಯರ ಪ್ರಿಯತಮರನ್ನು ಹುಡುಕಲಾಗುತ್ತಿದೆ ಎಂದು ಅಧಿಕಾರಿ ತಿಳಿಸಿದ್ದು, ಈ ನಿಟ್ಟಿನಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ಎಚ್ಚರ! ನಿಮ್ಮ ಮೇಲೆ ಕಣ್ಣಿಟ್ಟಿದೆ ಫೇಸ್‌ಬುಕ್‌- 7 ದಶಲಕ್ಷ ಪೋಸ್ಟ್‌ ಡಿಲೀಟ್‌