ವಿದ್ಯುತ್​ ಸ್ಪರ್ಶಿಸಿ ಒಂದೇ ಕುಟುಂಬದ ಇಬ್ಬರು ಸಾವು: ಓರ್ವನ ಸ್ಥಿತಿ ಗಂಭೀರ! | Power Supply

power supply: ದೆಹಲಿಯ ಬೇಗಂಪುರ ಪ್ರದೇಶದಲ್ಲಿ ವಿದ್ಯುತ್​ ಸ್ಪರ್ಶಿಸಿ ಒಂದೇ ಕುಟುಂಬದ ಇಬ್ಬರು ಮೃತಪಟ್ಟಿದ್ದು, ಒಬ್ಬರ ಸ್ಥಿತಿ ಗಂಭೀರವಾಗಿದೆ ಎಂದು (ಜುಲೈ 31) ಗುರುವಾರ ದೆಹಲಿ ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: https://www.vijayavani.net/are-you-taking-vitamin-d-if-so-dont-make-this-mistake

ವಿವೇಕ್​ (26), ಸಹೋದರಿ ಅಂಜು(28) ಮೃತರು. ಅವರ ತಂದೆ ಕಾಳಿಚರಣ್​(65) ಅವರ ಸ್ಥಿತಿ ಗಂಭೀರವಾಗಿದೆ. ಕೂಡಲೇ ಹತ್ತಿರ ಇರುವ ಆಸ್ಪತ್ರೆಗೆ ದಾಖಲಿಸಿದರೂ ವಿವೇಕ್​ ಹಾಗೂ ಅಂಜು ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದರು. ಇನ್ನು ಕಾಳಿಚರಣ್​ ಸ್ಥಿತಿ ಗಂಭೀರವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರ ಮಾಹಿತಿ ಪ್ರಕಾರ, 50 ಚದರ ಗಜ ಹೊಂದಿದ ಮನೆಯಲ್ಲಿ ಅಸುರಕ್ಷಿತ ವ್ಯವಸ್ಥೆ ಇದ್ದು, ಕಬ್ಬಿಣದ ಮೆಟ್ಟಿಲುಗಳ ಸುತ್ತಲೂ ವೈರಿಂಗ್ ತೆರೆದುಕೊಂಡಿದ್ದರಿಂದ ಅವಘಡ ಸಂಭವಿಸಿದೆ. ವಿವೇಕ್​ ಮಹಡಿ ಹತ್ತಿರ ಇರುವ ಸ್ನಾನಗೃಹದ ಬಳಿ ಹೋಗುತ್ತಿರುವಾಗ ವಿದ್ಯುತ್​ ಸ್ಪರ್ಶಿಸಿದ್ದು, ಅದನ್ನು ತಪ್ಪಿಸಲು ಆತನ ತಂದೆ ಕಾಳಿಚರಣ್​ ಮುಂದಾಗಿದ್ದು, ಅವರಿಗೂ ವಿದ್ಯುತ್​ ತಗುಲಿದೆ. ಇವರಿಬ್ಬರಿಗೂ ಸಹಾಯ ಮಾಡುವ ಯತ್ನದಲ್ಲಿ ಅಂಜು ಕೂಡ ವಿದ್ಯುತ್​ ತಗುಲಿದೆ.

ಇದನ್ನೂ ಓದಿ:ಕೋಟದಲ್ಲಿ ಹಸಿರು ಜೀವ ಅಭಿಯಾನ

ವಿವೇಕ್ ತಂದೆಯೊಂದಿಗೆ ವೆಲ್ಡಿಂಗ್ ಕೆಲಸ ಮಾಡುತ್ತಿದ್ದರು. ಇನ್ನು ಅಂಜು ಗೃಹಿಣಿಯಾಗಿದ್ದು, 3 ತಿಂಗಳ ಮುಂಚೆಯಷ್ಟೇ ವಿವಾಹವಾಗಿದ್ದರು ಎಂದು ತಿಳಿದುಬಂದಿದೆ. ಕಟ್ಟಡದ ವಿದ್ಯುತ್​ ವ್ಯವಸ್ಥೆಯಲ್ಲಿನ ದೋಷವನ್ನು ಪರಿಶೀಲನೆ ನಡೆಸಲು ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/5-gut-friendly-indian-foods-that-arent-just-curd-rice