ನೀನೇ ಸಾಕಿದ ಗಿಣಿ ನಿನ್ನ ಹದ್ದಾಗಿ ಕುಕ್ಕಿತಲ್ಲೋ..; ಆರ್​ಟಿಐ ಕಾರ್ಯಕರ್ತನನ್ನೇ ಇಕ್ಕಟ್ಟಿಗೆ ಸಿಲುಕಿಸಿದ ಮಹಿಳಾ ಅಧಿಕಾರಿ!?

ಬೆಂಗಳೂರು: 'ನೀನೇ ಸಾಕಿದ ಗಿಣಿ ನಿನ್ನ ಹದ್ದಾಗಿ ಕುಕ್ಕಿತಲ್ಲೋ..' ಎಂಬ ಗೀತೆ 'ಮಾನಸ ಸರೋವರ' ಸಿನಿಮಾದಲ್ಲಿದೆ. ಅದೇ ಗೀತೆಯ ಸಾಲಿಗೆ ಒಪ್ಪುವಂಥ ಸನ್ನಿವೇಶವೊಂದು ಇಲ್ಲಿದೆ. ಆದರೆ ಇದು 'ಮಾನಸ ಸರೋವರ'ವಲ್ಲ, 'ಭ್ರಷ್ಟಾಚಾರದ ಸಾಗರ'.

ಭ್ರಷ್ಟಾಚಾರದ ಸಾಗರದಲ್ಲಿ ಒಬ್ಬರಿಗೊಬ್ಬರು ಮಾತನಾಡಿಕೊಂಡೇ ನಡೆಸುತ್ತಿದ್ದ ಅವ್ಯವಹಾರ ಇದೀಗ ಪ್ರಕರಣ ನಡೆದ ನಾಲ್ಕು ದಿನಗಳ ಬಳಿಕ ಬಯಲಿಗೆ ಬಂದಿದೆ. ಅಂದು ಮಹಿಳಾ ಅಧಿಕಾರಿ ಪಾಲಿಗೆ ವಿಲನ್ ಎಂಬಂತಾಗಿದ್ದ ಆರ್​ಟಿಐ ಕಾರ್ಯಕರ್ತ ಬಳಿಕ ಬಂಧನಕ್ಕೀಡಾಗಿದ್ದ. ಆದರೆ ಅದಾಗಿ ನಾಲ್ಕೇ ದಿನಗಳಲ್ಲಿ ಪ್ರಕರಣಕ್ಕೆ ಮಹತ್ವದ ತಿರುವು ಸಿಕ್ಕಿ ಅಸಲಿಯತ್ತು ಬಯಲಾಗಿದೆ. ಈಗ ಆಕೆಯೂ ವಿಲನ್​ ಎಂಬ ಅನುಮಾನ ಮೂಡಿದ್ದು, ಆ ಮಹಿಳಾ ಅಧಿಕಾರಿಯೇ ಈ ಕಾರ್ಯಕರ್ತನನ್ನು ಬಲಿಪಶು ಮಾಡಿದಳೇ ಎಂಬ ಶಂಕೆ ಉಂಟಾಗಿದೆ.

ಇದನ್ನೂ ಓದಿ: ರಾಜ್ಯದಲ್ಲಿ ಒಂದರ ಹಿಂದೊಂದರಂತೆ ಹೃದಯಾಘಾತ!; ಹಾಕಿ ಆಡ್ತ ಆಡ್ತ ಇಹಲೋಕ ತ್ಯಜಿಸಿದ ತರುಣ..

ಬೆಂಗಳೂರಿನ ಕತ್ರಿಗುಪ್ಪೆ ವಾರ್ಡ್ ನಂ.163ರ ವಾರ್ಡ್ ಅಸಿಸ್ಟೆಂಟ್ ಇಂಜಿನಿಯರ್ ಶ್ವೇತಾ ಅವರ ಕಚೇರಿಗೆ ಡಿ. 18ರಂದು ತೆರಳಿದ್ದ ಆರ್​​ಟಿಐ ಕಾರ್ಯಕರ್ತ ಕೃಷ್ಣಮೂರ್ತಿ, ಅಲ್ಲಿ ಆಕೆಯನ್ನು ನಿಂದಿಸಿದ್ದಲ್ಲದೆ, ನೀನು ಸರ್ಕಾರದ ಯಾವ ಡಿಪಾರ್ಟ್​ಮೆಂಟ್​ಗೆ ಹೋದ್ರೂ ಬಿಡಲ್ಲ, ನಿನ್ನನ್ನು ಹೇಗೆ ಕೆಲಸದಿಂದ ತೆಗೆಯಬೇಕು ಎಂದು ಗೊತ್ತಿದೆ ಎಂದು ಬೆದರಿಸಿದ್ದ.

ಅಲ್ಲದೆ ಮಹಿಳಾ ಅಧಿಕಾರಿ ಹೋದಲ್ಲೆಲ್ಲ ಹಿಂಬಾಲಿಸಿ ಕಿರುಕುಳ ನೀಡಿದ್ದ. ಇದರಿಂದ ಬೇಸತ್ತ ಶ್ವೇತ ಚನ್ನಮ್ಮನಕೆರೆ ಅಚ್ಚುಕಟ್ಟು ಪೊಲೀಸರಿಗೆ ದೂರು ನೀಡಿದ್ದರು. ಆ ದೂರಿನ ಮೇರೆಗೆ ಪೊಲೀಸರು ಕೃಷ್ಣಮೂರ್ತಿಯನ್ನು ಡಿ.20ರಂದು ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದರು.

ಇದನ್ನೂ ಓದಿ: ಗಂಡ-ಹೆಂಡತಿ ಜಗಳದ ದುರ್ಲಾಭ ಪಡೆಯಲು ಯತ್ನಿಸಿದ ಪೊಲೀಸ್​; ಇನ್​ಸ್ಪೆಕ್ಟರ್​-ಎಎಸ್​ಐ ವಿರುದ್ಧ ದಾಖಲಾಯಿತು ಎಫ್​​ಐಆರ್​

ಇದನ್ನೂ ಓದಿ: ನಿನ್ನೆ ‘ಮೀಟ್​ ಮಾಡಣ ಇಲ್ಲ ಡೇಟ್ ಮಾಡಣ’, ಇಂದು ‘ನೋಡುತ.. ಸುಮ್ಮನೇ..’; ಮತ್ತೆ ಟಾಪ್​ಗೆ ಹೋದ ರಚಿತಾ ರಾಮ್​

ಸಿಪಿ ಲೇಔಟ್​​ನಲ್ಲಿರೋ ಸೈಟ್ ನಂಬರ್ 65 ವಿಚಾರವಾಗಿ ಆರ್​ಟಿಐ ಅರ್ಜಿ ಸಲ್ಲಿಸಲು ಹೇಳಿದ ಶ್ವೇತಾ, ಕೊನೆಗೆ ಪ್ರಕರಣ ತನ್ನ ಬುಡಕ್ಕೆ ಬರುತ್ತಿದೆ ಎಂಬುದು ಗೊತ್ತಾಗುತ್ತಿದ್ದಂತೆ ಕೃಷ್ಣಮೂರ್ತಿಯನ್ನು ಬಲಿಪಶು ಮಾಡಲು ಯತ್ನಿಸಿರಬಹುದು ಎಂಬುದಕ್ಕೆ ಈ ಆಡಿಯೋ ಸಂದೇಹ ಮೂಡಿಸಿದೆ.

https://www.vijayavani.net/rti-activist-arrested-for-threatening-woman-officer/

https://www.vijayavani.net/this-is-the-specific-symptom-of-omicron/