ಮೊದಲು ಬ್ಯಾಟರಾಯನಪುರ ಕ್ಷೇತ್ರ ವ್ಯಾಪ್ತಿಯ ವೆಂಕಟೇಶಪುರ, ಸೂಯೋರ್ದಯ ಬಡಾವಣೆ ಹಾಗೂ ಥಣಿಸಂದ್ರದ ಶಬರಿ ನಗರದಲ್ಲಿ ನಮೂನೆ ಪರಿಶೀಲಿಸಿ ಅಧಿಕಾರಿಗಳು ಕೈಗೊಂಡ ಕ್ರಮದ ಕುರಿತು ಅರ್ಜಿದಾರರ ಬಳಿ ಚರ್ಚಿಸಿ ಪರಿಷ್ಕರಣೆ ಬಗ್ಗೆ ಖಾತರಿಪಡಿಸಿಕೊಂಡ ತುಷಾರ್ ಗಿರಿನಾಥ್, ವೆಂಕಟೇಶಪುರದಲ್ಲಿ ಮೃತಪಟ್ಟಿರುವ ಹಾಗೂ ಎರಡು ಕಡೆ ಹೆಸರಿರುವ ನಮೂನೆ ಪರಿಶೀಲಿಸಿ ಮತದಾರರ ಪಟ್ಟಿಯಲ್ಲಿ ಹೆಸರು ತೆಗೆದಿರುವ ಬಗ್ಗೆ ಅಧಿಕಾರಿಗಳ ಬಳಿ ಮಾಹಿತಿ ಪಡೆದರು.ಸೂಯೋರ್ದಯ ಬಡಾವಣೆಯಲ್ಲಿ ಎರಡು ಕಡೆ ಹೆಸರು ಇರುವ ಹಾಗೂ ಶಬರಿ ನಗರದಲ್ಲಿ ಬೇರೆಡೆ ಸ್ಥಳಾಂತರವಾಗಿರುವ ನಮೂನೆ, ಪರಿಶೀಲಿಸಿದರು. ಚುನಾವಣಾ ವಿಭಾಗದ ಸಹಾಯಕ ಆಯುಕ್ತ ಶರಣಪ್ಪ, ಮತದಾರ ನೋಂದಣಾಧಿಕಾರಿಗಳು, ಬೂತ್ ಮಟ್ಟದ ಮೇಲ್ವಿಚಾರಕರು, ಅಧಿಕಾರಿಗಳು ಸೇರಿ ಮತ್ತಿತರರಿದ್ದರು.
