ಈ ಟ್ರೈನು ನಿಮ್ಮಪ್ಪಂದ...ಮೊದಲು ನನಗೆ ಜಾಗ ಬಿಡು; ಸೀಟಿಗಾಗಿ ವ್ಯಕ್ತಿಯ ಜತೆ ಮಹಿಳೆ ಕಿತ್ತಾಟ

ಪಟ್ನಾ: ಇತ್ತೀಚಿನ ದಿನಗಳಲ್ಲಿ ಕ್ಷುಲಕ ಕಾರಣಗಳಿಗೆ ಜನರ ನಡುವೆ ಗಲಾಟೆಯಾಗುತ್ತಿದ್ದು, ಆಗಿಂದಾಗೆ ಇದು ಸಖತ್​ ಸೌಂಡ್​ ಮಾಡುತ್ತಿರುತ್ತವೆ. ಇದೀಗ ರೈಲಿನಲ್ಲಿ ಕುಳಿತುಕೊಳ್ಳುವ ವಿಚಾರವಾಗಿ ಮಹಿಳೆಯೊಬ್ಬರು ವ್ಯಕ್ತಿಯೊಬ್ಬನ ಜೊತೆ ಜಗಳವಾಡಿ ಆತನಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿರುವ ಘಟನೆ ಬಿಹಾರದಲ್ಲಿ ನಡೆದಿದೆ.

ಮಹಿಳೆ ವ್ಯಕ್ತಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಹಲವರು ಮಹಿಳೆಯ ವಿರುದ್ಧ ಕಿಡಿಕಾರಿದ್ದಾರೆ. ಅಲ್ಲದೇ ಆಕೆಯ ವಿರುದ್ಧ ಕಠಿಣ ಕ್ರಮ ಜರುಗಿಸುವಂತೆ ಆಗ್ರಹಿಸಿದ್ದಾರೆ.

ಇದನ್ನೂ ಓದಿ: SC-ST ನೌಕರರಿಗೆ ಬಡ್ತಿ ಮೀಸಲಾತಿ ಜಾರಿ ಮಾಡಿ; ಪ್ರಧಾನಿಗೆ ಪತ್ರ ಬರೆದ ಪ್ರಕಾಶ್​ ಅಂಬೇಡ್ಕರ್

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಜನರಿಂದ ತುಂಬಿರುವ ರೈಲಿನಲ್ಲಿ ವ್ಯಕ್ತಿಯೊಬ್ಬರು ಪ್ರಯಾಣಿಸುತ್ತಿದ್ದು, ತಾವು ಸ್ಲೀಪರ್​ ಕೋಚ್​ನಲ್ಲಿ ರಿಸರ್ವ್​ ಮಾಡಿದ ಸೀಟಿನಲ್ಲಿ ಮಲಗಿದ್ದಾರೆ. ಈ ವೇಳೆ ರೈಲು ಹತ್ತುವ ಮಹಿಳೆಯೊಬ್ಬರು ವ್ಯಕ್ತಿಗೆ ಜರುಗುವಂತೆ ಹೇಳುತ್ತಾಳೆ. ಅದಕ್ಕೆ ಆತ ಒಪ್ಪದಿದ್ದಾಗ ನಿನ್ನನ್ನು ನೀನಿ ಏನೆಂದುಕೊಂಡಿದ್ದೀಯಾ ಈ ಟ್ರೈನ್​ ಏನು ನಿಮ್ಮ ಅಪ್ಪನ ಮನೆ ಆಸ್ತೀನಾ ಎಂದು ಮಹಿಳೆ ಜಗಳ ಶುರು ಮಡುತ್ತಾಳೆ. ವ್ಯಕ್ತಿ ಉತ್ತರಕ್ಕೆ ಮತ್ತಷ್ಟು ಸಿಟ್ಟಿಗೆದ್ದ ಮಹಿಳೆ ಆತನನ್ನು ಅವಾಚ್ಯ ಶಬ್ದಗಳಿಂದ ನಿಂದಿಸಿ ನಿನ್ನ ಟಿಕೆಟ್​ ತೋರಿಸು ಎಂದು ಪ್ರಶ್ನಿಸುತ್ಥಾಳೆ. ಬಳಿಕ ವಿಡಿಯೋ ಮಾಡುತ್ತಿದ್ದ ವ್ಯಕ್ತಿಯ ಮೇಲೆ ಹಲ್ಲೆ ಮಾಡುತ್ತಾಳೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಮಹಿಳೆಯ ನಡೆಗೆ ಹಲವರು ಕಿಡಿಕಾರಿದ್ದಾರೆ. ಈ ರೀತಿಯ ನಿಂದನೀತಯ ಭಾಷೆ ಸ್ವೀಕಾರ್ಹಾವಲ್ಲ. ಇದನ್ನು ನೋಡುತ್ತಿರುವ ಜನ ಗಲಾಟೆಯನ್ನು ನಿಲ್ಲಿಸದೆ ಫೋನಿನಲ್ಲಿ ರೆಕಾರ್ಡ್​ ಮಾಡುತ್ತಿರುವುದು ತಪ್ಪು ಎಂದು ಕಮೆಂಟ್​ ಮಾಡಿದ್ದಾರೆ. ಒಟ್ಟಿನಲ್ಲಿ ಸೀಟಿಗಾಗಿ ಇವರಿಬ್ಬರ ಕಿತ್ತಾಟ ರೈಲಿನಲ್ಲಿದ್ದವರಿಗೆ ಭರ್ತಿ ಮನರಂಜನೆ ನೀಡಿದೆ.

https://www.vijayavani.net/kl-rahul-likely-to-leave-lsg-move-back-to-rcb-ahead-of-ipl-2025-report

https://www.vijayavani.net/shreyanka-patil-ruled-out-of-asia-cup-with-fractured-finger