ಮುಂಬೈ: ಸದ್ಯ ಬಾಲಿವುಡ್ ಅಂಗಳದಲ್ಲಿ ಬ್ಯಾಕ್ ಟು ಬ್ಯಾಕ್ ಚಿತ್ರಗಳ ಮೂಲಕ ಸಖತ್ ಸದ್ದು ಮಾಡುತ್ತಿರುವ ಹಾಟ್ ಬೆಡಗಿ, ನಟಿ ತೃಪ್ತಿ ದಿಮ್ರಿ, ಇದೀಗ ತಮ್ಮ ಲುಕ್, ಬೋಲ್ಡ್ ಅಭಿನಯದಿಂದಲೇ ಜನಪ್ರಿಯ ನಟಿಯರ ಸಾಲಿಗೆ ಸೇರ್ಪಡೆಯಾಗಿದ್ದಾರೆ. ರಣಬೀರ್ ಕಪೂರ್ ನಟನೆಯ ಅನಿಮಲ್ ಚಿತ್ರದಲ್ಲಿ ಮಿಂಚಿದ ನಟಿ, ತದನಂತರ ಇತ್ತೀಚೆಗಷ್ಟೇ ತೆರೆಕಂಡ ಬ್ಯಾಡ್ ನ್ಯೂಸ್ ಸಿನಿಮಾ ಮುಖೇನ ಮತ್ತೆ ಮುನ್ನೆಲೆಗೆ ಬಂದಿದ್ದಾರೆ. ಸದ್ಯ ಹಲವು ಆಫರ್ಗಳನ್ನು ಸ್ವೀಕರಿಸುತ್ತಿರುವ ತೃಪ್ತಿ ತಮ್ಮ ಸಂಭಾವನೆಯನ್ನು ದಿಢೀರ್ ಹೆಚ್ಚಿಸಿಕೊಂಡಿದ್ದಾರೆ ಎಂದು ಸಿನಿ ಮೂಲಗಳು ಮಾಹಿತಿ ಹಂಚಿಕೊಂಡಿವೆ.

ಇದನ್ನೂ ಓದಿ: ಶಾಸಕ ಚನ್ನಾರಡ್ಡಿ ತುನ್ನೂರ ಸರ್ಕಾರಿಕರ‍್ಯಕ್ರಮದಲ್ಲಿ ಭಾಗಿ ಬಿಜೆಪಿ ಆಕ್ರೋಶ

ಇತ್ತೀಚಿನ ವರದಿ ಪ್ರಕಾರ, ಬಾಲಿವುಡ್ ಬಾಕ್ಸ್ ಆಫೀಸ್ನಲ್ಲಿ ಭರ್ಜರಿ ಗಳಿಕೆ ಕಂಡ ಅನಿಮಲ್ ಚಿತ್ರ ಅತ್ಯುತ್ತಮ ಯಶಸ್ಸಿಗೆ ಪಾತ್ರವಾಯಿತು. ಈ ಚಿತ್ರದಲ್ಲಿ ಅಭಿನಯಿಸಿದ ತೃಪ್ತಿ, ಉತ್ತಮ ಸಂಭಾವನೆ ಕೂಡ ಪಡೆದುಕೊಂಡರು. ಸದ್ಯ ಸಿನಿ ಉದ್ಯಮದಲ್ಲಿ ಒಳ್ಳೆಯ ಬೆಳವಣಿಗೆ ನೋಡುತ್ತಿದ್ದಂತೆ ಇದೀಗ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಳ್ಳುವ ಬಗ್ಗೆ ನಿರ್ಧಾರ ಮಾಡಿರುವ ತೃಪ್ತಿ ದಿಮ್ರಿ, ಪೇಮೆಂಟ್ ವಿಷಯದಲ್ಲಿ ದೊಡ್ಡ ಬೇಡಿಕೆಯನ್ನೇ ನಿರ್ಮಾಪಕರ ಮುಂದಿಟ್ಟಿದ್ದಾರೆ.

ಈ ಹಿಂದಿನ ಚಿತ್ರಕ್ಕೆ 6 ಕೋಟಿ ರೂ. ಸಂಭಾವನೆ ಪಡೆದಿದ್ದ ತೃಪ್ತಿ, ಇದೀಗ 10 ಕೋಟಿ ರೂ.ಗೆ ಬೇಡಿಕೆ ಇಟ್ಟಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ. ಪೇಮೆಂಟ್ನಲ್ಲಿ ಏಕಾಏಕಿ 4 ಕೋಟಿ ರೂಪಾಯಿ ಹೆಚ್ಚಿಸಿಕೊಂಡಿರುವ ತೃಪ್ತಿ ಇದೀಗ ದುಬಾರಿ ನಟಿಯಾಗಿ ಹೊರಹೊಮ್ಮಿದ್ದಾರೆ ಎಂದರೆ ತಪ್ಪಾಗಲಾರದು. ಸದ್ಯ ಟ್ರೆಂಡಿಂಗ್ನಲ್ಲಿರುವ ನಟಿಯರಲ್ಲಿ ಮುಂಚೂಣಿಯಲ್ಲಿರುವ ಈ ಹಾಟ್ ಬೆಡಗಿ, ಯಾವ ಸ್ಟಾರ್ ನಟರ ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದು ತಿಳಿಯಬೇಕಿದೆ,(ಏಜೆನ್ಸೀಸ್).