ನವದೆಹಲಿ: ಟ್ರಾಫಿಕ್‌ನಿಂದ ಉಂಟಾಗುವ ವಾಯುಮಾಲಿನ್ಯವು ಮೆದುಳಿನ ಕಾರ್ಯವನ್ನು ದುರ್ಬಲಗೊಳಿಸುತ್ತದೆ ಎಂದು ಅಧ್ಯಯನವೊಂದರಿಂದ ತಿಳಿದು ಬಂದಿದೆ. ಈ ಅಧ್ಯಯನದಲ್ಲಿ ವಾಯುಮಾಲಿನ್ಯ ನಿಮ್ಮ ಮೆದುಳಿನ ಕಾರ್ಯನಿರ್ವಹಣೆಯ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಕುರಿತು ಹೇಳಲಾಗಿದೆ.
ಇರ್ವಿನ್‌ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ಸಂಶೋಧಕರ ಅಧ್ಯಯನದ ಪ್ರಕಾರ, ಸಂಚಾರ-ಸಂಬಂಧಿತ ವಾಯು ಮಾಲಿನ್ಯವು ನೆನಪಿನ ಶಕ್ತಿಯನ್ನು ಕ್ಷಿಣಿಸುತ್ತದೆ. ವಾಯುಮಾಲಿನ್ಯದಿಂದ ಜ್ಞಾಪಕ ಶಕ್ತಿ ಮೇಲೆ ಪರಿಣಾಮ ಬೀರುತ್ತದೆ ಎಂದು ಈ ಸಂಶೋಧನೆಯಲ್ಲಿ ತಿಳಿಸಲಾಗಿದೆ.
ವಾಯು ಮಾಲಿನ್ಯದಿಂದ ಮರೆಗುಳಿತನ ಕಾಯಿಲೆ ಬರುತ್ತದೆ. ಏಕೆಂದರೆ ನಮ್ಮನ್ನು ಸುತ್ತುವರಿದ ಗಾಳಿಯಲ್ಲಿ ವಿಷಕಾರಿ ಕಣಗಳು ಹರಡುವಿಕೆಯು ಜಾಗತಿಕವಾಗಿ ಹೆಚ್ಚುತ್ತಿದೆ. ಮರೆಗುಳಿತನ ಕಾಯಿಲೆಯು ವಯಸ್ಸಾದವರಲ್ಲಿ ಸಾಮಾನ್ಯವಾಗಿದೆ. ಆದರೆ ಇಂದಿನ ದಿನಗಳಲ್ಲಿ ಮರೆಗುಳಿತನ ಎಲ್ಲಾ ವಯಸ್ಕರಲ್ಲಿಯೂ ಕಾಣಿಸಿಕೊಳ್ಳುತ್ತದೆ. ಆದರೆ ಈ ಖಾಯಿಲೆಗೆ ನಿಖರವಾದ ಮೂಲವು ಅಸ್ಪಷ್ಟವಾಗಿಯೇ ಉಳಿದಿತ್ತು. ಆನುವಂಶಿಕ ಪ್ರವೃತ್ತಿಗಳು ಈ ರೋಗದ ಪ್ರಗತಿಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತವೆ. ಪರಿಸರದ ವಿಷಕಾರಿಗಳು, ವಾಯುಮಾಲಿನ್ಯವು ಮರೆಗುಳಿತನ ಕಾಯಿಲೆಯ ಆಕ್ರಮಣಕ್ಕೆ ಕಾರಣವಾಗಬಹುದು ಎಂದು ಈ ಸಂಶೋಧನೆಯಿಂದ ತಿಳಿದು ಬಂದಿದೆ.
ಇದನ್ನೂ ಓದಿ: ಮೊದಲ ಬಾರಿಗೆ ಮಗಳ ಮುಖ ತೋರಿಸಿದ ಧ್ರುವ ಸರ್ಜಾ
ಸಂಶೋಧಕರ ತಂಡವು ಮೂರು ಮತ್ತು 9 ತಿಂಗಳ ಇಲಿಗಳನ್ನು ಬಳಸಿಕೊಂಡು 12 ವಾರಗಳವರೆಗೆ ಒಳ್ಳೆಯ ಗಾಳಿ ಮತ್ತು ಕೆಟ್ಟಗಾಳಿಯಲ್ಲಿಟ್ಟು ಪರೀಕ್ಷೆ ಮಾಡಲಾಯಿತ್ತು. ಸಂಶೋಧಕರು ಮೆದುಳಿನ ಕಾರ್ಯಗಳು ಮತ್ತು ಮರೆವು ಕಾರ್ಯಕ್ಕೆ ಸಂಬಂಧಿಸಿದ ಪರೀಕ್ಷೆಯನ್ನು ನಡೆಸಿದ್ದಾರೆ. ಈ ವಿಷಗಾಳಿಯಿಂದ ಮೆದುಳಿನ ನರಗಳು ದೌರ್ಬಲ್ಯಗೊಳ್ಳುತ್ತಿರುವುದನ್ನು ಕಂಡುಕೊಂಡರು. ನರಗಳು ದೌರ್ಬಲ್ಯವಾಗುತ್ತಾ ಹೋದಂತೆ ನಮ್ಮ ಮರೆವು ಹೆಚ್ಚಾಗುತ್ತದೆ.
ವಾಯುಮಾಲಿನ್ಯವು ಮರೆಗುಳಿತನ ಕಾಯಿಲೆಗೆ ಕಾರಣವಾದ ಪರಿಸರ ಅಪಾಯಕಾರಿ ಅಂಶಗಳಲ್ಲಿ ಒಂದಾಗಿದೆ. ಗಂಭೀರವಾದ ಈ ಆರೋಗ್ಯ ಪರಿಸ್ಥಿತಿಗಳ ಅಪಾಯವನ್ನು ಕಡಿಮೆ ಮಾಡಲು ಪರಿಸರವನ್ನು ಸ್ವಚ್ಚವಾಗಿಟ್ಟುಕೊಳ್ಳಬೇಕು. ಈ ಸಾಕ್ಷ್ಯವು ಆತಂಕಕಾರಿಯಾಗಿದೆ. ಪರಿಣಾಮಕಾರಿಯಾದ ನಿಯಮಾವಳಿಗಳನ್ನು ಅಳವಡಿಸಿಕೊಳ್ಳಲು ನಾವು ಕ್ರಮ ಕೈಗೊಳ್ಳಬೇಕು. ಜೀವನಶೈಲಿಯ ಬದಲಾವಣೆಗಳ ಬಗ್ಗೆ ಜಾಗೃತಿ ಮೂಡಿಸುವುದು ಮತ್ತು ನಮ್ಮ ಗಾಳಿಯ ಗುಣಮಟ್ಟವನ್ನು ಸುಧಾರಿಸಲು ಒಟ್ಟಾಗಿ ಕೆಲಸ ಮಾಡುವುದು ಕಡ್ಡಾಯವಾಗಿದೆ.
ಟ್ರಾಫಿಕ್ ಕಿರಿಕಿರಿ, ಹೆಲ್ಮೆಟ್ ಇಲ್ಲದೆ ಅಪರಿಚಿತ ವ್ಯಕ್ತಿಯ ಬೈಕ್ನಲ್ಲಿ ಪ್ರಯಾಣಿಸಿದ ಅಮಿತಾಭ್ ಬಚ್ಚನ್