ಈ ದೇಶದಲ್ಲಿದ್ದಾರೆ ಅತೀ ಹೆಚ್ಚಿನ ಫೇಸ್​ಬುಕ್​ ಬಳಕೆದಾರರು! ಇಲ್ಲಿದೆ ಗಮನಿಸಿ ಟಾಪ್ 15 ರಾಷ್ಟ್ರಗಳ ಪಟ್ಟಿ

ಬೆಂಗಳೂರು: ಇಂದಿನ ಪೀಳಿಗೆ ಸಂಪೂರ್ಣವಾಗಿ ಸಾಮಾಜಿಕ ಜಾಲತಾಣದ ಮೇಲೆ ಅವಲಂಬಿತರಾಗಿದ್ದು, ಅದರಲ್ಲೂ ಪ್ರತ್ಯೇಕವಾಗಿ ಯುವಜನತೆ ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚು ಸಕ್ರಿಯರಾಗಿದ್ದಾರೆ. ನಮಗೆಲ್ಲಾ ತಿಳಿದಿರುವಂತೆ ಇಂದು ಬಹುತೇಕ ಕೆಲಸಗಳು ಆನ್​ಲೈನ್​ನಲ್ಲೇ ನಡೆಯುತ್ತಿರುವ ಕಾರಣ, ಕಾಲ ಕ್ರಮೇಣ ಎಲ್ಲರೂ ಅಂತರ್ಜಾಲವನ್ನು ಅಧಿಕ ಸಂಖ್ಯೆಯಲ್ಲಿ ಉಪಯೋಗಿಸುತ್ತಿದ್ದಾರೆ.

ಇದನ್ನೂ ಓದಿ: ಭಾರತ ತಂಡ ಗೆದ್ದರೂ ಜಂಟಿ ಚಾಂಪಿಯನ್​! ಸ್ಯಾಫ್​ ಮಹಿಳಾ ಫುಟ್​ಬಾಲ್ ಟೂರ್ನಿಯ ಫೈನಲ್​ನಲ್ಲಿ ವಿಚಿತ್ರ ತೀರ್ಪು!

ಮುಖ್ಯವಾಗಿ ಇಂದಿನ ಯುವಜನತೆ ತಮ್ಮ ಬಹುಪಾಲು ಸಮಯವನ್ನು ಸಾಮಾಜಿಕ ಜಾಲತಾಣವಾದ ವ್ಯಾಟ್ಸ್​​ಆ್ಯಪ್​, ಫೇಸ್​ಬುಕ್, ಟ್ವಿಟರ್, ಇನ್​ಸ್ಟಾಗ್ರಾಂ, ಸ್ನಾಪ್ ಚಾಟ್​ ಹೀಗೆ ಹಲವಾರು ಆ್ಯಪ್​ಗಳಲ್ಲಿ ಕಳೆಯುತ್ತಾರೆ. ಇದೆಲ್ಲದರ ಪೈಕಿ ಜನರು ಫೇಸ್​ಬುಕ್ ಮತ್ತು ಇನ್​ಸ್ಟಾಗ್ರಾಮ್​ನಲ್ಲಿ ತಮ್ಮ ಫೋಟೋ, ಕೆಲಸಗಳು ಸೇರಿದಂತೆ ಇತರೆ ವಿಷಯಗಳನ್ನು ಪೋಸ್ಟ್​ ಮಾಡಿಕೊಳ್ಳುತ್ತಾರೆ. ಈ ಮೂಲಕ ಇಂತಹ ಆ್ಯಪ್​ಗಳಲ್ಲಿ ಅಧಿಕ ಸಮಯವನ್ನು ವ್ಯಯಿಸುತ್ತಾರೆ.

ಈ ಎಲ್ಲಾ ಆ್ಯಪ್​ಗಳಿಗೂ ಮುನ್ನ ಬಂದ ಫೇಸ್​ಬುಕ್​ ಇಂದಿಗೂ ಕೂಡ ಅತೀ ಹೆಚ್ಚಿನ ಸಂಖ್ಯೆಯ ಬಳಕೆದಾರರನ್ನು ಹೊಂದಿದೆ. ಹಾಗಾದ್ರೆ, ಯಾವ ದೇಶದಲ್ಲಿ ಅಧಿಕವಾಗಿ ಫೇಸ್​ಬುಕ್​ನ​ ಬಳಸಲಾಗುತ್ತಿದೆ? ಯಾವ ರಾಷ್ಟ್ರ ಅಗ್ರಸ್ಥಾನದಲ್ಲಿದೆ? ಎಂಬುದರ ಮಾಹಿತಿಯನ್ನು "ಗ್ಲೋಬಲ್ ಇಂಡೆಕ್ಸ್"​ ಟಾಪ್ 15 ಪಟ್ಟಿ ಮೂಲಕ ಪ್ರಕಟಿಸಿದೆ.

ಇದನ್ನೂ ಓದಿ:  VIDEO | ಬಿಎಂಟಿಸಿ ಬಸ್‌ನಲ್ಲಿ ಪ್ರಯಾಣಿಕರ ಕಿತ್ತಾಟ! ಚಪ್ಪಲಿ ಹಿಡಿದು ಬಡಿದಾಡಿಕೊಂಡ ಮಹಿಳೆಯರು

ಹೆಚ್ಚು ಬಳಕೆದಾರರನ್ನು ಹೊಂದಿರುವ ಟಾಪ್ 15 ದೇಶಗಳಿವು (2023):

1. ಭಾರತ - 314 ಮಿಲಿಯನ್

2. ಯುನೈಟೆಡ್ ಸ್ಟೇಟ್ಸ್ - 175 ಮಿಲಿಯನ್

3. ಇಂಡೋನೇಷ್ಯಾ - 120 ಮಿಲಿಯನ್

4. ಬ್ರೆಜಿಲ್ - 109 ಮಿಲಿಯನ್

5. ಮೆಕ್ಸಿಕೋ - 83.75 ಮಿಲಿಯನ್

6. ಫಿಲಿಪೈನ್ಸ್ - 80.3 ಮಿಲಿಯನ್

7. ವಿಯೆಟ್ನಾಂ - 66.2 ಮಿಲಿಯನ್

8. ಥೈಲ್ಯಾಂಡ್ - 48.1 ಮಿಲಿಯನ್

9. ಬಾಂಗ್ಲಾದೇಶ - 43.25 ಮಿಲಿಯನ್

10. ಈಜಿಪ್ಟ್ - 42 ಮಿಲಿಯನ್

11. ಪಾಕಿಸ್ತಾನ - 37.3 ಮಿಲಿಯನ್

12. ಯುನೈಟೆಡ್ ಕಿಂಗ್‌ಡಮ್ - 34.4 ಮಿಲಿಯನ್

13. ಕೊಲಂಬಿಯಾ - 33.5 ಮಿಲಿಯನ್

14. ಟರ್ಕಿ - 32.8 ಮಿಲಿಯನ್

15. ಫ್ರಾನ್ಸ್ - 30.4 ಮಿಲಿಯನ್

https://www.vijayavani.net/two-women-passengers-fight-using-chappal