ಹೈದರಾಬಾದ್: ಅರ್ಜುನ್ ರೆಡ್ಡಿ ಸಿನಿಮಾ ಮೂಲಕ ಮನೆಮಾತಾದ ನಟ ವಿಜಯ್ ದೇವರಕೊಂಡ, ಈಗಾಗಲೇ ಸಾಲು ಸಾಲು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಇದೆಲ್ಲದರ ಜತೆಗೆ ಹಲವು ಉದ್ಯಮದಲ್ಲಿಯೂ ಅವರು ತೊಡಗಿಸಿಕೊಂಡಿದ್ದಾರೆ. ಈಗಾಗಲೇ ರೌಡಿ ಹೆಸರಿನ ಬಟ್ಟೆ ಬ್ರ್ಯಾಂಡ್ ಶುರುಮಾಡಿದ್ದಾರೆ. ಇದೀಗ ವಾಹನಗಳ ವ್ಯಾಪಾರಕ್ಕೆ ಅಣಿಯಾಗುತ್ತಿದ್ದಾರೆ.
ಇದನ್ನೂ ಓದಿ: ಐಎಎಸ್ ಅಧಿಕಾರಿ ಶ್ರದ್ಧಾ; ಮೋಹನ್ ಲಾಲ್ ಚಿತ್ರಕ್ಕೆ ನಾಯಕಿ…
ಹೌದು, ಇತ್ತೀಚಿನ ದಿನಗಳಲ್ಲಿ ಇಂಧನದ ವಾಹನಗಳಿಗಿಂತ ಎಲೆಕ್ಟ್ರಿಕ್ ವಾಹನಗಳಿಗೆ ಬೇಡಿಕೆ ಬಂದಿದೆ. ಹಾಗಾಗಿ ವಿಜಯ್ ದೇವರಕೊಂಡ ವಿದ್ಯುತ್ ಚಾಲಿತ ಬೈಕ್ಗಳ ಸ್ಟಾರ್ಟ್ಅಪ್ ಶುರುಮಾಡಲಿದ್ದಾರೆ. ಹೈದರಾಬಾದ್ನಲ್ಲಿ ಇನ್ನೇನು ಶೀಘ್ರದಲ್ಲಿ ಅದಕ್ಕೆ ಚಾಲನೆಯೂ ಸಿಗಲಿದೆ.
ಹಾಗಂತ ಇದು ವ್ಯಾಪಾರದ ಮಳಿಗೆಯಲ್ಲ. ಬದಲಿಗೆ ವಟ್ಸ್ ಮತ್ತು ವೊಲ್ಟ್ಸ್ ಸ್ಟಾರ್ಟ್ಅಪ್ ಕಂಪನಿ ಜತೆ ವಿಜಯ್ ಕೈ ಜೋಡಿಸಿದ್ದಾರೆ. ಕಿಲೋ ಮೀಟರ್ ಆಧಾರದಲ್ಲಿ ನಗರದಲ್ಲಿ ಸುತ್ತಾಡಲು ಈ ಎಲೆಕ್ಟ್ರಿಕ್ ಬೈಕ್ ಗಳು ಸಹಕಾರಿಯಾಗಲಿವೆ.
ಇದನ್ನೂ ಓದಿ: ಗೌತಮ್ ಜತೆಗೆ ಸಪ್ತಪದಿ ತುಳಿದ ಕಾಜಲ್ ಅಗರ್ವಾಲ್ …
ವಿಶೇಷ ಏನೆಂದರೆ, ಇತ್ತಿಚೆಗಷ್ಟೇ ಸುಕುಮಾರ್ ಜತೆಗೆ ವಿಜಯ್ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿಯಾಗಿತ್ತು. ಆ ಚಿತ್ರವನ್ನು ನಿರ್ಮಾಣ ಮಾಡಲಿರುವ ವಿಜಯ್ ಮದ್ದುರಿ ಮತ್ತು ವಂಶಿ ಕರುಮುಂಚಿ ಈ ಸ್ಟಾರ್ಟ್ ಅಪ್ ಶುರುಮಾಡಿದ್ದಾರೆ. ಇದರಲ್ಲಿ ವಿಜಯ್ ದೇವರಕೊಂಡ ಅವರದ್ದು ಪಾಲುದಾರಿಕೆ ಇದೆ. (ಏಜೆನ್ಸೀಸ್)
ಶಾರುಖ್ ಜನ್ಮದಿನಕ್ಕೆ ವಿಶ್ವದಾದ್ಯಂತ ಪಾರ್ಟಿ ಆಯೋಜನೆ ಮಾಡಿದ ಫ್ಯಾನ್ ಕ್ಲಬ್