ಐಫೋನ್​ ಕಾರ್ಖಾನೆ ಮೇಲಿನ ದಾಳಿಯಲ್ಲಿ ಸಾವಿರಾರು ಐಫೋನ್​ ಕಳವು! ಕಂಪನಿಗೆ ಉಂಟಾದ ನಷ್ಟವೆಷ್ಟು ಗೊತ್ತಾ?

ಕೋಲಾರ: ಜಿಲ್ಲೆಯ ನರಸಾಪುರ ಬಳಿಯಿರುವ ಐಫೋನ್​ ಸಾಧನಗಳನ್ನು ಜೋಡಿಸುವ ವಿಸ್ಟ್ರಾನ್​ ಕಾರ್ಖಾನೆಯ ಮೇಲೆ ವೇತನ ವಿಚಾರದಲ್ಲಿ ಕಾರ್ಮಿಕರು ದಾಳಿ ನಡೆಸಿರುವ ವಿಚಾರ ಗೊತ್ತೇ ಇದೆ. ಆದರೆ ಈ ಒಂದೇ ಒಂದು ದಾಳಿಯಿಂದಾಗಿ ಐಫೋನ್​ ಸಂಸ್ಥೆ ಕೋಟ್ಯಂತರ ರೂಪಾಯಿ ನಷ್ಟ ಅನುಭವಿಸಿದೆ.

ಇದನ್ನೂ ಓದಿ: ಶೂದ್ರರಿಗೆ ಅರ್ಥವೇ ಆಗುವುದಿಲ್ಲ, ಅದಕ್ಕೇ ಅವರು ಸಿಟ್ಟಾಗುತ್ತಾರೆ! ಬಿಜೆಪಿ ಸಂಸದೆ ಪ್ರಜ್ಞಾ ಠಾಕೂರ್ ಹೇಳಿಕೆ

ದಾಳಿ ನಡೆಸಿದ ನೌಕರರು ಸುಮಾರು 21 ಸಾವಿರ ಐಫೋನ್​ಗಳನ್ನು ಧ್ವಂಸ ಮಾಡಿದ್ದಾರೆ. ಜತೆಯಲ್ಲಿ ದುಬಾರಿ ಬೆಲೆಯ ಸಾವಿರಾರು ಐಫೋನ್​ಗಳನ್ನು ಕದ್ದಿದ್ದಾರೆ. ಕಚೇರಿಯ ಗಾಜು ಸೇರಿ ಅನೇಕ ವಸ್ತುಗಳನ್ನು ಪುಡಿ ಪುಡಿ ಮಾಡಲಾಗಿದೆ. ದಾಳಿಯಿಂದಾಗಿ ಸುಮಾರು 437 ಕೋಟಿ ರೂಪಾಯಿ ನಷ್ಟವಾಗಿದೆ ಎಂದು ವಿಸ್ಟ್ರಾನ್​ ಕಂಪನಿ ತಿಳಿಸಿದೆ. ಈ ವಿಚಾರವಾಗಿ ಪೊಲೀಸರು ಮತ್ತು ಕಾರ್ಮಿಕ ಇಲಾಖೆಗೆ ದೂರು ನೀಡಲಾಗಿದೆ.

ಇದನ್ನೂ ಓದಿ: ರೈತ ಹೋರಾಟದಲ್ಲಿ ಪಿಜ್ಜಾ! ರೈತರು ವಿಷ ಕುಡಿದರೆ ತಲೆ ಕೆಡಿಸಿಕೊಳ್ಳಲ್ಲ, ಪಿಜ್ಜಾ ತಿಂದರೆ ಪ್ರಶ್ನೆಯೇಕೆ ಎಂದ ಗಾಯಕ

ಈ ಪ್ರಕರಣದ ಕುತಿತಾಗಿ ಆ್ಯಪಲ್​ ಸಂಸ್ಥೆ ವಿಚಾರಣೆ ಆರಂಭಿಸಿದೆ. 'ನಾವು ಆ್ಯಪಲ್​ ತಂಡದ ಸದಸ್ಯರು ಮತ್ತು ಲೆಕ್ಕ ಪರಿಶೋಧಕರನ್ನು ಕೋಲಾರಕ್ಕೆ ಕಳುಹಿಸುತ್ತಿದ್ದೇವೆ. ನಮ್ಮ ತಂಡಗಳು ಸ್ಥಳೀಯ ಅಧಿಕಾರಿಗಳೊಂದಿಗೆ ನಿಕಟ ಸಂಪರ್ಕದಲ್ಲಿವೆ ಮತ್ತು ಪ್ರಕರಣದ ತನಿಖೆಗೆ ನಾವು ನಮ್ಮ ಸಂಪೂರ್ಣ ಬೆಂಬಲವನ್ನು ನೀಡುತ್ತಿದ್ದೇವೆ' ಎಂದು ಆ್ಯಪಲ್​ ಸಂಸ್ಥೆ ತಿಳಿಸಿದೆ. (ಏಜೆನ್ಸೀಸ್​)

https://www.vijayavani.net/private-part-was-cut-off-just-3-days-before-the-wedding/

https://www.vijayavani.net/zombie-angelina-jolie-sahar-tabar-has-been-jailed-for-10-years/