ಈಕೆ ಹೇಳುತ್ತಿರುವುದು ಸುಳ್ಳಿರಬಹುದು ಎಂದು ಮೊದಮೊದಲು ಭಾವಿಸಿದ್ದ ಸ್ಥಳೀಯರು ಪರೀಕ್ಷಿಸಲೆಂದೇ ರಾತ್ರಿಯಲ್ಲಿ ಈಕೆಯ ಜತೆ ಕಾಲಹರಣ ಮಾಡುತ್ತಿದ್ದರು. ಕಾರ್ಡ್ಸ್ ಇತ್ಯಾದಿ ಆಟದಲ್ಲಿ ಜನರು ಈಕೆಯನ್ನು ಪರೀಕ್ಷಿಸಲು ನೋಡಿ ತಾವೇ ನಿದ್ದೆ ಹೋಗಿದ್ದಿದೆ ಹೊರತು ಈಕೆ ನಿದ್ರಿಸಿದ್ದನ್ನು ಯಾರಿಗೂ ನೋಡಲು ಆಗಿಲ್ಲ. ಪಾಳಿಯ ಹಾಗೆ ಜನರು ಈಕೆಯೊಂದಿಗೆ ರಾತ್ರಿಯ ಸಮಯ ಕಳೆದರೂ ಈಕೆ ನಿದ್ರಿಸಿದ್ದನ್ನು ಮಾತ್ರ ನೋಡಲು ಆಗಿಲ್ಲ. ನನ್ನ ಹೆಂಡತಿ ನಿದ್ರೆ ಮಾಡಿದ್ದನ್ನು ನಾನೂ ನೋಡಿಲ್ಲ, ನಿದ್ರೆ ಮಾತ್ರೆಗಳನ್ನು ತಂದುಕೊಟ್ಟಿದ್ದರೂ ಪ್ರಯೋಜನವಾಗಿಲ್ಲ ಎಂದು ಈಕೆಯ ಪತಿ ಕೂಡ ಹೇಳಿಕೊಂಡಿದ್ದಾನೆ. ರಾತ್ರಿ ನಿದ್ರೆ ಬರದಿದ್ದಾಗ ಪತ್ನಿ ಮನೆ ಸ್ವಚ್ಛಗೊಳಿಸುತ್ತಿರುತ್ತಾಳೆ ಎಂದು ಆತ ಹೇಳಿದ್ದಾನೆ.
