ತಮಿಳುನಾಡು: ತಮಿಳು ಚಿತ್ರರಂಗದ ಸ್ಟಾರ್ ನಟ ಧನುಷ್ ಅಭಿನಯಿಸುತ್ತಿರುವ ಬಹುನಿರೀಕ್ಷಿತ ‘ಡಿ 51’ ಚಿತ್ರ ಇದೀಗ ಕಾಲಿವುಡ್ ಅಂಗಳದಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಶೇಖರ್ ಕಮ್ಮುಲ ನಿರ್ದೇಶನದ ಈ ಚಿತ್ರಕ್ಕೆ ‘ಡಿ 51’ ಎಂಬ ತಾತ್ಕಾಲಿಕ ಟೈಟಲ್ ಘೋಷಣೆ ಮಾಡಲಾಗಿದ್ದು, ಸಿನಿಮಾದಲ್ಲಿ ವಿಶೇಷ ಪಾತ್ರದಲ್ಲಿ ನಟಿಸಲು ಖ್ಯಾತ ನಟರೊಬ್ಬರು ಎಂಟ್ರಿ ದೃಢವಾಗಿದೆ.
ಇದನ್ನೂ ಓದಿ: ಅಪರೂಪದ ದುಬಾರಿ ಬೆಲೆಯ ಚೈನೀಸ್ ಪಿಂಗಾಣಿ; ಚಿಕ್ಕದಾಗಿ ಕಾಣುತ್ತೆ.. ಆದರೆ ಬೆಲೆ ಗೊತ್ತಾದ್ರೆ ಶಾಕ್ ಆಗುತ್ತೆ..!
‘ಸರ್’ ಚಿತ್ರದ ಯಶಸ್ಸಿನ ಬೆನ್ನಲ್ಲೇ ಧನುಷ್ ಇದೀಗ ನಿರ್ದೇಶಕ ಶೇಖರ್ ಕಮ್ಮುಲ ಅವರೊಂದಿಗೆ ‘ಡಿ 51’ ಚಿತ್ರದ ಮುಖೇನ ಮತ್ತೊಮ್ಮೆ ತೆರೆ ಮೇಲೆ ಕಮಾಲ್ ಮಾಡಲು ಸಜ್ಜಾಗಿದ್ದಾರೆ. ಸದ್ಯ ಚಿತ್ರದ ಬಗ್ಗೆ ಧನುಷ್ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ವ್ಯಕ್ತವಾಗಿದ್ದು, ಸಿನಿಮಾದ ಪ್ರಮುಖ ಪಾತ್ರದಲ್ಲಿ ಟಾಲಿವುಡ್ನ ಕಿಂಗ್ ನಾಗಾರ್ಜುನ್ ನಟಿಸಲಿದ್ದಾರೆ ಎಂದು ಚಿತ್ರತಂಡ ಅಧಿಕೃತವಾಗಿ ತಿಳಿಸಿದೆ.
ಇದನ್ನೂ ಓದಿ: ಬಿಜೆಪಿ ಮುಖಂಡ ಮಣಿಕಂಠ ರಾಠೋಡ ಜೈಲಿನಿಂದ ಬಿಡುಗಡೆ : ಭರ್ಜರಿ ಸ್ವಾಗತ
ಈ ಸಂಗತಿಯನ್ನು ಚಿತ್ರತಂಡ ನಾಗಾರ್ಜುನ್ ಅವರ ಜನ್ಮದಿನಕ್ಕೆ ಶುಭಕೋರುವ ಮುಖೇನ ಅಭಿಮಾನಿಗಳ ಮುಂದೆ ಅಧಿಕೃತವಾಗಿ ತಿಳಿಸಿದೆ. ಪ್ಯಾನ್ ಇಂಡಿಯಾ ಎಂದು ಹೇಳಲಾದ ‘ಡಿ 51’ ಚಿತ್ರದಲ್ಲಿ ಧನುಷ್ಗೆ ನಾಯಕಿಯಾಗಿ ನಟಿ ರಶ್ಮಿಕಾ ಮಂದಣ್ಣ ಅಭಿನಯಿಸಲಿದ್ದಾರೆ. ಸಾಯಿ ಪಲ್ಲವಿ, ಪ್ರಿಯಾಂಶು ಚಟರ್ಜಿ ಸೇರಿದಂತೆ ಮುಂತಾದ ಕಲಾವಿದರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ,(ಏಜೆನ್ಸೀಸ್).