ಐಪಿಎಲ್ ಹರಾಜಿನಲ್ಲಿ ಫಾಫ್ ಡುಪ್ಲೆಸಿಸ್ ಉಳಿಸಿಕೊಳ್ಳಲ್ಲ RCB! ಅದಕ್ಕೆ ಈ ಮೂರು ಅಂಶಗಳೇ ಕಾರಣ

ನವದೆಹಲಿ: ಐಪಿಎಲ್ 2024ರ ಆವೃತ್ತಿಯ ಮೊದಲಾರ್ಧದಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ಕೊಟ್ಟು ಅಂಕಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದ್ದ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು, ದ್ವಿತೀಯಾರ್ಧದಲ್ಲಿ ಯಾರೂ ಊಹಿಸಲಾರದ ಪ್ರದರ್ಶನ ನೀಡಿ, ಸತತ ಆರು ಗೆಲುವುಗಳನ್ನು ದಾಖಲಿಸುವ ಮೂಲಕ ಪ್ಲೇಆಫ್​ಗೆ ರೋಚಕವಾಗಿ ಎಂಟ್ರಿ ಕೊಟ್ಟಿತು. ಇದು ಐಪಿಎಲ್ ಇತಿಹಾಸದಲ್ಲೇ ನೆನಪಿಟ್ಟುಕೊಳ್ಳುವಂತ ಶಾಕಿಂಗ್ ಕಮ್​ಬ್ಯಾಕ್ ಎಂದರೆ ತಪ್ಪಾಗಲಾರದು. ಸೌತ್ ಆಫ್ರಿಕನ್​ ಪ್ರತಿಭೆ ಫಾಫ್​ ಡುಪ್ಲೆಸಿಸ್​ ಕ್ಯಾಪ್ಟನ್ಸಿಯಲ್ಲಿ ಆಡಿದ ಆರ್​ಸಿಬಿ ತಂಡ ನಿರೀಕ್ಷೆಗೂ ಮೀರಿ ಒಂದೊಳ್ಳೆ ಇನ್ನಿಂಗ್ಸ್ ಕೊಟ್ಟಿದ್ದು ಬೆಂಗಳೂರು ಅಭಿಮಾನಿಗಳಿಗೆ ಮರೆಯಲಾಗದ ಕ್ಷಣಗಳು. ಅದರಲ್ಲೂ ಪ್ಲೇಆಫ್​ ಎಂಟ್ರಿಗಿದ್ದ ಒಂದೇ ಒಂದು ರೋಚಕ ಪಂದ್ಯದಲ್ಲಿ ಬಲಿಷ್ಠ ಸಿಎಸ್​ಕೆ ಪಡೆಯನ್ನು ಹೀನಾಯವಾಗಿ ಮಣಿಸಿದ್ದು ಇತಿಹಾಸ ಎಂದೇ ಫ್ಯಾನ್ಸ್ ಇಂದಿಗೂ ಭಾವಿಸುತ್ತಾರೆ.

ಇದನ್ನೂ ಓದಿ: ಅನ್ನ ತಿಂದರೆ ತೂಕ ಹೆಚ್ಚಾಗುತ್ತಾ? ಯಾವ ಸಮಯದಲ್ಲಿ ತಿನ್ನುವುದು ಉತ್ತಮ? ಇಲ್ಲಿದೆ ಉಪಯುಕ್ತ ಮಾಹಿತಿ…

ಇನ್ನು ಐಪಿಎಲ್​ನ ಎಲಿಮಿನೇಟರ್​ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ವಿರುದ್ಧ ಸೋತ ಆರ್​ಸಿಬಿ, ಅಭಿಮಾನಿಗಳ ಕಪ್ ಕನಸನ್ನು ಈ ಬಾರಿಯೂ ಕನಸಾಗಿಯೇ ಉಳಿಸಿತು. ಇದು ಅಪಾರ ಸಂಖ್ಯೆಯ ಅಭಿಮಾನಿಗಳಲ್ಲಿ ಅತೀವ ನೋವುಂಟುಮಾಡಿತು. ಈ ವಿಷಯವನ್ನು ಮುಂದಿಟ್ಟು ಮಾತನಾಡಿದ ಮಾಜಿ ಕ್ರಿಕೆಟಿಗರು, ಆರ್​ಸಿಬಿ ಆಟಗಾರರನ್ನು ಮತ್ತು ಫ್ರಾಂಚೈಸಿಯನ್ನು ವ್ಯಂಗ್ಯವಾಡಿದ್ದರು. ಇದೀಗ ಕ್ರಿಕೆಟ್​ ಪ್ರೇಮಿಗಳ ಚಿತ್ತ 2025ರ ಐಪಿಎಲ್​ನತ್ತ ಮೂಡಿದ್ದು, ಶೀಘ್ರವೇ ನಡೆಯಲಿರುವ ಆಕ್ಷನ್ ಪ್ರಕ್ರಿಯೆಯಲ್ಲಿ ಯಾರನ್ನು ತಂಡದಿಂದ ಕೈಬಿಡಲಾಗುವುದು, ಉಳಿಸಿಕೊಳ್ಳಲಾಗುವುದು ಎಂಬ ಪ್ರಶ್ನೆ ಸದ್ಯ ಭಾರೀ ಚರ್ಚೆಯಾಗುತ್ತಿದೆ.

ಸದ್ಯ ಆರ್​ಸಿಬಿ ತಂಡಕ್ಕೆ ನಾಯಕನಾಗಿರುವ ಫಾಫ್​ ಡುಪ್ಲೆಸಿಸ್​ 17ನೇ ಆವೃತ್ತಿಯಲ್ಲಿ ಅಂತಹ ನಾಯಕತ್ವ ತೋರಲಿಲ್ಲ. ಟೀಮ್ ಪರ ಅಲ್ಲಲ್ಲಿ ಒಂದಷ್ಟು ಉತ್ತಮ ಇನ್ನಿಂಗ್ಸ್​ ನೀಡಿದ್ದು ಬಿಟ್ಟರೆ ಇನ್ನುಳಿದ ಪಂದ್ಯಗಳಲ್ಲಿ ಆರಂಭಿಕ ಬ್ಯಾಟರ್​ ಆಗಿ ಕಣಕ್ಕಿಳಿದು, ವಿರಾಟ್​ ಕೊಹ್ಲಿಯನ್ನು ಏಕಾಂಗಿ ಹೋರಾಟ ನಡೆಸುವಂತೆ ಬಿಟ್ಟೋಗುತ್ತಿದ್ದರು. ಇದು ಚಾಲೆಂಜರ್ಸ್​ ಅಭಿಮಾನಿಗಳಲ್ಲಿ ಆ ಕ್ಷಣಕ್ಕೆ ತೀವ್ರ ಅಸಮಾಧಾನಕ್ಕೆ ದೂಡುತ್ತಿತ್ತು. ಕೇವಲ ಬ್ಯಾಟಿಂಗ್​ ಪ್ರದರ್ಶನ ಮಾತ್ರವಲ್ಲದೇ ನಾಯಕತ್ವ ಜವಾಬ್ದಾರಿಯಲ್ಲಿಯೂ ಹಿನ್ನಡೆ ಅನುಭವಿಸಿದ ಫಾಫ್​ರನ್ನು ಈ ಬಾರಿ ನಡೆಯಲಿರುವ ಐಪಿಎಲ್ ಆಕ್ಷನ್​ನಲ್ಲಿ ಉಳಿಸಿಕೊಳ್ಳುವುದು ಬಹುತೇಕ ಡೌಟ್ ಎಂದೇ ಹೇಳಲಾಗುತ್ತಿದೆ.

ಇದನ್ನೂ ಓದಿ: ಶಿವಾಜಿ ಪ್ರತಿಮೆ ಕುಸಿತ ಪ್ರಕರಣ: ಮಹಾರಾಷ್ಟ್ರದ ಸ್ಟ್ರಕ್ಚರಲ್ ಕನ್ಸಲ್ಟೆಂಟ್ ಚೇತನ್ ಬಂಧನ

ಆರ್​ಸಿಬಿ ತಂಡಕ್ಕೆ ಬರುವ ಮುನ್ನ ಅಂದು ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದಲ್ಲಿದ್ದ ಫಾಫ್​ ಅತ್ಯುತ್ತಮ ಓಪನರ್​ ಆಗಿ ಟೀಮ್​ನಲ್ಲಿ ಗುರುತಿಸಿಕೊಂಡಿದ್ದರು. ಅತ್ಯದ್ಭುತ ಕ್ಯಾಚ್​, ಫೀಲ್ಡಿಂಗ್​ನಿಂದ ಹಿಡಿದು ಅತೀ ಹೆಚ್ಚು ರನ್​ ಗಳಿಸುವ ಸ್ಟಾರ್​ ಪ್ಲೇಯರ್​ ಆಗಿ ಮಿಂಚಿದ್ದ ಡುಪ್ಲೆಸಿಸ್​ ನಂತರ ಆರ್​ಸಿಬಿಯಲ್ಲಿ ತಮ್ಮ ಅಮೋಘ ಬ್ಯಾಟಿಂಗ್ ವೈಖರಿ ಮುಂದುವರೆಸಿದ್ದರು. ಆದ್ರೆ, ರಾಯಲ್ಸ್​ ಟೀಮ್​ನಲ್ಲಿ ನಾಯಕನಾಗಿ ಫಾಫ್​ರ ಅಬ್ಬರ ಕಾಣದೇ ಹೋಯಿತಲ್ಲ ಎಂಬುದೇ ಅನೇಕರ ಬೇಸರ. ಇದು ಫ್ರಾಂಚೈಸಿಯ ನೋವು ಕೂಡ. ಸದ್ಯ ಕೆಳಗೆ ನೀಡಿರುವ ಮೂರು ವಿಷಯಗಳು ಅವರನ್ನು ಈ ಬಾರಿಯ ಆಕ್ಷನ್​ನಿಂದ ಕೈಬಿಡಲು ಬಲವಾದ ಕಾರಣವಾಗಬಹುದು ಎಂದು ನಿರೀಕ್ಷಿಸಲಾಗಿದೆ.

1. ನಾಯಕತ್ವ ಹಿನ್ನಡೆ

2. ಪ್ರದರ್ಶನ ಮತ್ತು ಕಳಪೆ ಫಾರ್ಮ್​

3. ಹಣಕಾಸಿನ ಪ್ಲ್ಯಾನ್​ ಮತ್ತು ತಂಡ ಕಟ್ಟುವಿಕೆ

ಇದನ್ನೂ ಓದಿ: ರೈತರು ಕೃಷಿ ಭಾಗ್ಯ ಯೋಜನೆ ಸೌಲಭ್ಯ ಸದುಪಯೋಗ ಪಡೆದುಕೊಳ್ಳಿ

ಈ ಮೂರು ಕಾರಣಗಳು ಸದ್ಯ ಆರ್​ಸಿಬಿ ಫ್ರಾಂಚೈಸಿಗೆ ಬಲವಾಗಿದ್ದು, ಪ್ರಾಯಶಃ ಮುಂದಿನ ದಿನಗಳಲ್ಲಿ ನಡೆಯಲಿರುವ ಐಪಿಎಲ್ ಆಕ್ಷನ್​ನಿಂದ ಫಾಫ್​ ಡುಪ್ಲೆಸಿಸ್​ಯನ್ನು ತಂಡದಲ್ಲಿ ಉಳಿಸಿಕೊಳ್ಳದೆ ಕೈಬಿಡುವ ಎಲ್ಲಾ ಸಾಧ್ಯತೆಗಳು ಹೆಚ್ಚಿವೆ ಎಂದೇ ಹೇಳಬಹುದು,(ಏಜೆನ್ಸೀಸ್).

https://www.vijayavani.net/mh370-is-hiding-in-a-perfect-place-says-scientist