ನವದೆಹಲಿ: ಪಾಕೆಟ್ ಸ್ನೇಹಿ ಹಾಗೂ ತುಂಬಾ ಅಗ್ಗವಾಗಿ ಬಾಯಲ್ಲಿ ನೀರೂರಿಸುವಂತಹ ರುಚಿಕರ ಆಹಾರವನ್ನು ಸವಿಯುತ್ತಿದ್ದ ಕಾಲ ಎಂದೋ ಮುಗಿಯಿತು. ಇಂದು ಎಲ್ಲವು ದುಬಾರಿಯಾಗಿದೆ. ಏನಾದರೂ ತಿನ್ನಬೇಕು ಅನಿಸಿದರೂ ಮೊದಲು ಪಾಕೆಟ್ ಚೆಕ್ ಮಾಡಿಕೊಳ್ಳಬೇಕು. ಏಕೆಂದರೆ ಎಲ್ಲ ಬೆಲೆಗಳು ಜೇಬು ಸುಡುವಂತಿದೆ. ಅದರಲ್ಲೂ ಜಿಎಸ್ಟಿ ಮತ್ತು ಸಿಜಿಎಸ್ಟಿ ತೆರಿಗೆಯಿಂದಾಗಿ ತಿಂಡಿ, ತಿನಿಸು ಸೇರಿದಂತೆ ಎಲ್ಲ ವಸ್ತುಗಳ ಬೆಲೆ ಗಗನಮುಖಿಯಾಗಿವೆ. ಅಂದಿನಿಂದ ಇಂದಿನವರೆಗೂ ಆಗಿರುವ ಬದಲಾವಣೆಯ ಬಗ್ಗೆ ಈ ಹಿಂದಿನ ಜನರಿಗೆ ತುಂಬಾ ಅರಿವಿದೆ.
ಕೀಪ್ಯಾಡ್ ಮೊಬೈಲ್ ಫೋನ್ಗಳಿಂದ ಸ್ಮಾರ್ಟ್ ಫೋನ್ವರೆಗೆ ಮತ್ತು ಸಿಆರ್ಟಿ ಟಿವಿಯಿಂದಿಡಿದು ಸ್ಮಾರ್ಟ್ ಟಿವಿಯವರೆಗೂ ಆದ ಎಲ್ಲ ಬದಲಾವಣೆಗಳನ್ನು ಹಿಂದಿನ ಕಾಲದ ಮಕ್ಕಳಿಗೆ ತುಂಬಾ ಚೆನ್ನಾಗಿ ಗೊತ್ತಿದೆ. ಇದೀಗ 1965ನೇ ಇಸವಿಯ ಹೋಟೆಲ್ ಒಂದರ ತಿಂಡಿ-ತಿನಿಸುಗಳ ದರ ಪಟ್ಟಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಆಂಧ್ರ ಪ್ರದೇಶದ ರೆಪಲ್ಲೆ ಪಟ್ಟಣದ ಹೋಟೆಲ್ ಒಂದರ ದರ ಪಟ್ಟಿ ಇದಾಗಿದೆ. ದರಪಟ್ಟಿಯಲ್ಲಿ 1965, ನವೆಂಬರ್ 1 ಎಂದು ನಮೂದಿಸಲಾಗಿದೆ. ದರಪಟ್ಟಿಯಲ್ಲಿ ಇಡ್ಲಿ, ವಡೆ ಬೆಲೆ ನೋಡಿ ನೆಟ್ಟಿಗರು ಬೆರಗಾಗಿದ್ದಾರೆ.
ಅಚ್ಚರಿಯೇನೆಂದರೆ ವೈರಲ್ ಆಗಿರುವ ದರ ಪಟ್ಟಿಯು ಆಗಿನ ಕಾಲದಲ್ಲಿ ಬೆಲೆ ಏರಿಕೆ ನಂತರ ಪ್ರಕಟಿಸಿದ ದರ ಪಟ್ಟಿಯಾಗಿದೆ. ಹೋಟೆಲ್ಗೆ ಬರುವವರಿಗೆ ದರ ಏರಿಕೆಯ ಬಗ್ಗೆ ಅರಿವು ಮೂಲಕ ಅಳವಡಿಸಲಾಗಿತ್ತು. ಆ ಕಾಲದಲ್ಲಿ ಎರಡು ಇಡ್ಲಿಯ ಬೆಲೆ ಕೇವಲ 15 ಪೈಸೆಯಾಗಿತ್ತು. ಉಪ್ಪಿಟ್ಟು ಕೂಡ 15 ರೂಪಾಯಿ. ಮಸಾಲೆದೋಸೆ ಬೆಲೆಯಂತೂ ಕೇವಲ 20 ಪೈಸೆಯಾಗಿತ್ತು.
ಕಾಫಿ ಮತ್ತು ಟೀ ಬೆಲೆ 15 ರೂಪಾಯಿ. ಅರ್ಧ ಕಪ್ ಟೀ, ಕಾಫಿ ಬೆಲೆ 12 ಪೈಸೆಯಾಗಿತ್ತು. ಇದೀಗ ನೆಟ್ಟಿಗರು ಈ ಬೆಲೆ ಪಟ್ಟಿಯನ್ನು ನೋಡಿ ಹುಬ್ಬೇರಿಸಿದ್ದಾರೆ. ಅಗತ್ಯ ವಸ್ತುಗಳ ಬೆಲೆ ಈಗ ಹೇಗೆ ಹೆಚ್ಚುತ್ತಿದೆ ಎಂಬುದನ್ನು ವಿಶೇಷವಾಗಿ ಹೇಳಬೇಕಾಗಿಲ್ಲ. ಮೇಲಾಗಿ ಈಗಿರುವ ಹೊಟೇಲ್, ರೆಸ್ಟೊರೆಂಟ್ಗಳಲ್ಲಿ ಆಹಾರ ಹೇಳಿಕೊಳ್ಳುವಷ್ಟು ಆರೋಗ್ಯಯುತವಾಗಿಯೂ ಇಲ್ಲ. ಅವು ಕೂಡ ದಿನದಿಂದ ದಿನಕ್ಕೆ ಕಲುಷಿತಗೊಳ್ಳುತ್ತಿವೆ. ಹೀಗಾಗಿಯೇ ಹೋಟೆಲ್ನಲ್ಲಿ ಊಟ ಮಾಡಬೇಡಿ ಎಂದು ಹಿರಿಯರು ಹೇಳುವುದನ್ನು ನೀವು ಕೇಳಿರುತ್ತೀರಿ.
ಆದರೂ ಜನರಿಂದು ಹೊರಗಡೆ ತಿನ್ನುವ ಚಟಕ್ಕೆ ಬಿದ್ದಿದ್ದಾರೆ. ಕೆಲವರಿಗೆ ಇದೇ ದಿನಚರಿಯಾಗಿಬಿಟ್ಟಿದೆ. ಇದರೊಂದಿಗೆ ಸೋಷಿಯಲ್ ಮೀಡಿಯಾದಲ್ಲಿ 1965ರ ಟಿಫಿನ್ ದರ ನೋಡಿ ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ. ಅಲ್ಲದೆ, ಈ ವಿಷಯದ ಬಗ್ಗೆ ನಿಮ್ಮ ಅಭಿಪ್ರಾಯಗಳನ್ನು ಕಾಮೆಂಟ್ಗಳ ರೂಪದಲ್ಲಿ ನಮ್ಮೊಂದಿಗೆ ಹಂಚಿಕೊಳ್ಳಬಹುದು. (ಏಜೆನ್ಸೀಸ್)‘
ಏಳು ತಿಂಗಳ ಗರ್ಭಿಣಿ ಮಾಡೋ ಕೆಲಸನಾ ಇದು? ನಟಿ ಅಮಲಾ ಪೌಲ್ಗೆ ನೆಟ್ಟಿಗರ ತರಾಟೆ
ಮಹೇಶ್ ಬಾಬು ಮುಂದೆಯೇ ವಿಜಯ್ಗೆ ಅವಮಾನ ಮಾಡಿದ ಸಮಂತಾ? ಅಭಿಮಾನಿಗಳ ಆಕ್ರೋಶ