ಅಂಬಾನಿ, ಟಾಟಾ ಕಂಪನಿಗಳಿಗೆ ಠಕ್ಕರ್​: ಶೀಘ್ರದಲ್ಲಿಯೇ ಬರಲಿದೆ ದೊಡ್ಡ ಕಂಪನಿಯ ಐಪಿಒ

ಮುಂಬೈ: ಇನ್ನೊಂದು ದೊಡ್ಡ ಕಂಪನಿಯ ಐಪಿಒ ಅತಿ ಶೀಘ್ರದಲ್ಲಿ ಷೇರು ಮಾರುಕಟ್ಟೆಗೆ ಲಗ್ಗೆ ಇಡಬಹುದಾಗಿದೆ. ವಾಸ್ತವವಾಗಿ, ಸರಣಿ ಸೂಪರ್​ ರ್ಮಾರ್ಕೆಟ್​ಗಲನ್ನು ಹೊಂದಿರುವ ವಿಶಾಲ್ ಮೆಗಾ ಮಾರ್ಟ್ ಐಪಿಒಗೆ ತಯಾರಿ ನಡೆಯುತ್ತಿದೆ ಎಂಬ ಸುದ್ದಿ ಇದೆ.

ಈ ಐಪಿಒ ಷೇರು ಮೌಲ್ಯವು 1 ಶತಕೋಟಿ ಡಾಲರ್ ಆಗಿರಬಹುದಾಗಿದೆ. ಸ್ವಿಜರ್​ಲೆಂಡ್​ನ ಪಾರ್ಟನರ್ಸ್​ ಗ್ರೂಪ್​ಮತ್ತು ಭಾರತದ ಕೇದಾರ ಕ್ಯಾಪಿಟಲ್ ಐಪಿಒ ಮೂಲಕ ಷೇರುಗಳನ್ನು ಮಾರಾಟ ಮಾಡುತ್ತವೆ. ವಿಶಾಲ್ ಮೆಗಾ ಮಾರ್ಟ್‌ನಲ್ಲಿ ಈ ಸಂಸ್ಥೆಗಳು ಹೆಚ್ಚಿನ ಪಾಲನ್ನು ಹೊಂದಿದ್ದಾರೆ ಎಂದು ಮೂಲಗಳನ್ನು ಉಲ್ಲೇಖಿಸಿ ರಾಯಿಟರ್ಸ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ವಿಶಾಲ್ ಮೆಗಾ ಮಾರ್ಟ್‌ನಲ್ಲಿ ಈ ಎರಡು ಖಾಸಗಿ ಈಕ್ವಿಟಿ ಸಂಸ್ಥೆಗಳು ಎಷ್ಟು ಪಾಲನ್ನು ಹೊಂದಿವೆ? ಮತ್ತು ಅವರು ಎಷ್ಟು ಮಾರಾಟ ಮಾಡುತ್ತಾರೆ? ಎಷ್ಟು ಪಾಲನ್ನು ಉಳಿಸಿಕೊಳ್ಳುತ್ತಾರೆ ಎಂಬ ಈ ಬಗ್ಗೆ ಸದ್ಯಕ್ಕೆ ಯಾವುದೇ ವಿವರವಾದ ಮಾಹಿತಿ ಲಭ್ಯವಿಲ್ಲ. ವಿಶಾಲ್ ಮೆಗಾ ಮಾರ್ಟ್‌ನಿಂದಲೂ ಇನ್ನೂ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

ಮೂಲಗಳ ಪ್ರಕಾರ, ಈ ವಾರದ ಐಪಿಒಗಾಗಿ ಹೂಡಿಕೆ ಬ್ಯಾಂಕ್‌ಗಳನ್ನು ಆಹ್ವಾನಿಸಲಾಗಿದೆ ಮತ್ತು ಈ ವರ್ಷದ ಕೊನೆಯಲ್ಲಿ ಆಫರ್ ಆಗುವ ಸಾಧ್ಯತೆಯಿದೆ. ಭಾರತೀಯ ಷೇರು ಮಾರುಕಟ್ಟೆಗಳು ದಾಖಲೆಯ ಗರಿಷ್ಠ ಮಟ್ಟದಲ್ಲಿ ವಹಿವಾಟು ನಡೆಸುತ್ತಿರುವ ಸಮಯದಲ್ಲಿ ಈ ಯೋಜನೆ ಬಂದಿದೆ. ಕಳೆದ ಆರು ತಿಂಗಳಲ್ಲಿ ಬೆಂಚ್‌ಮಾರ್ಕ್ ನಿಫ್ಟಿ ಸೂಚ್ಯಂಕವು 12% ಏರಿಕೆಯಾಗಿದೆ.

ವಿಶಾಲ್​ ಮೆಗಾ ಮಾರ್ಟ್​ ಕಂಪನಿಯು ಮುಖ್ಯವಾಗಿ ಸಣ್ಣ ಪಟ್ಟಣಗಳಲ್ಲಿ ಬಟ್ಟೆ ಮತ್ತು ದಿನಸಿಗಳನ್ನು ಮಾರಾಟ ಮಾಡುತ್ತದೆ. ಇದರ ಸ್ಪರ್ಧೆಯು ಭಾರತೀಯ ಉದ್ಯಮಿ ಮುಖೇಶ್ ಅಂಬಾನಿಯವರ ರಿಲಯನ್ಸ್, ಟಾಟಾ ಗ್ರೂಪ್​ನ ಟ್ರೆಂಟ್ ಮತ್ತು ಕಿರಾಣಿ ಚಿಲ್ಲರೆ ವ್ಯಾಪಾರಿ ಸಂಸ್ಥೆಯಾದ ಅವೆನ್ಯೂ ಸೂಪರ್​ಮಾರ್ಟ್​ ಜತೆ ಇದೆ. ಈ ಕಂಪನಿಯು ದೇಶಾದ್ಯಂತ ಅಂದಾಜು 560 ಮಳಿಗೆಗಳನ್ನು ಹೊಂದಿದೆ. ಬೋಸ್ಟನ್ ಕನ್ಸಲ್ಟಿಂಗ್ ಗ್ರೂಪ್‌ ಅಂದಾಜಿನ ಪ್ರಕಾರ, ಭಾರತದ ಚಿಲ್ಲರೆ ಮಾರುಕಟ್ಟೆಯು 2033 ರ ವೇಳೆಗೆ 2 ಟ್ರಿಲಿಯನ್ ಡಾಲರ್​ ಮೌಲ್ಯದ್ದಾಗಿರಬಹುದು, ಆದರೆ ಪ್ರಸ್ತುತ ಇದು ಅಂದಾಜು 840 ಬಿಲಿಯನ್ ಡಾಲರ್​ ಆಗಿದೆ.

ಫಿಚ್​ ಮಾಲೀಕತ್ವದ ಇಂಡಿಯಾ ರೇಟಿಂಗ್ಸ್‌ನ ವರದಿಯ ಪ್ರಕಾರ, ವಿಶಾಲ್ ಮೆಗಾ ಮಾರ್ಟ್‌ನ ಆದಾಯವು ಮಾರ್ಚ್ 2023 ಕ್ಕೆ ಕೊನೆಗೊಳ್ಳುವ ಹಣಕಾಸು ವರ್ಷದಲ್ಲಿ 36% ರಷ್ಟು ಏರಿಕೆಯಾಗಿ 75.9 ಶತಕೋಟಿ ರೂಪಾಯಿ (917 ದಶಲಕ್ಷ ಡಾಲರ್​) ತಲುಪಿದೆ. ನಿವ್ವಳ ಲಾಭವು 60% ರಷ್ಟು ಏರಿಕೆಯಾಗಿ 3.2 ಶತಕೋಟಿ ರೂಪಾಯಿಗೆ ತಲುಪಿದೆ.

https://www.vijayavani.net/jio-shares-hit-all-time-high-35-rise-in-a-single-month-experts-say-it-will-increase-even-more

https://www.vijayavani.net/aditya-birla-companies-merger-share-price-rises-6-in-one-day-expected-to-rise-further

https://www.vijayavani.net/new-chief-minister-for-haryana-swearing-in-at-5-pm-who-is-naib-singh-saini-who-is-becoming-cm-despite-being-an-mp