ತೆಲಂಗಾಣ ಸಾರಿಗೆ ಸಂಸ್ಥೆ ಸರ್ಕಾರದೊಂದಿಗೆ ವಿಲೀನ; ನೌಕರರ ಪ್ರತಿಭಟನೆ ಬೆನ್ನಿಗೇ ಮಸೂದೆಗೆ ರಾಜ್ಯಪಾಲರ ಅಂಕಿತ

ತೆಲಂಗಾಣ: ತೆಲಂಗಾಣ ರಾಜ್ಯ ರಸ್ತೆ ಸಾರಿಗೆ ನಿಗಮ (ಟಿಎಸ್​ಆರ್​ಟಿಸಿ) ನೌಕರರು ಪ್ರತಿಭಟನೆ ನಡೆದ ಬೆನ್ನಿಗೇ ಮಹತ್ವದ ಮಸೂದೆಯೊಂದಕ್ಕೆ ಅಂಗೀಕಾರ ಸಿಕ್ಕಿದೆ. ಈ ಮೂಲಕ ಅಲ್ಲಿನ ಸಾರಿಗೆ ಸಂಸ್ಥೆ ಸರ್ಕಾರದೊಂದಿಗೆ ವಿಲೀನಗೊಂಡಂತಾಗಿದೆ.

ತೆಲಂಗಾಣ ರಾಜ್ಯ ರಸ್ತೆ ಸಾರಿಗೆ ನಿಗಮ (ಸರ್ಕಾರಿ ಸೇವೆಗೆ ನೌಕರರನ್ನು ವಿಲೀನಗೊಳಿಸುವುದು) ಮಸೂದೆ 2023 ಇದಕ್ಕೆ ತೆಲಂಗಾಣ ರಾಜ್ಯ ವಿಧಾನಸಭಾ ಅಧಿವೇಶನದಲ್ಲಿ ಅನುಮೋದನೆ ಸಿಕ್ಕಿದೆ ಎಂಬುದಾಗಿ ಇಂದು ಅಲ್ಲಿನ ರಾಜ್ಯಪಾಲೆ ತಮಿಳ್​ಸಾಯಿ ಸೌಂದರರಾಜನ್ ತಿಳಿಸಿದ್ದಾರೆ. ಈ ಮಸೂದೆಯನ್ನು ತಾವು ಅಂಗೀಕರಿಸಿದ್ದಾಗಿ ಆಕೆ ತಿಳಿಸಿದ್ದಾರೆ.

ಮಸೂದೆಯನ್ನು ಜಾರಿಗೊಳಿಸಲು ಅನುಮೋದನೆ ನೀಡುವಂತೆ ಟಿಎಸ್​ಆರ್​ಟಿಸಿ ನೌಕರರು ರಾಜಭವನಕ್ಕೆ ತೆರಳಿ ಆಗ್ರಹ ವ್ಯಕ್ತಪಡಿಸಿದ್ದ ಒಂದು ದಿನದಲ್ಲೇ ಈ ಬೆಳವಣಿಗೆ ನಡೆದಿದೆ.

ತೆಲಂಗಾಣ ಸಂಪುಟ ಇದಕ್ಕೆ ಸೋಮವಾರವೇ ಅನುಮೋದನೆ ನೀಡಿದ್ದು, ಇದೀಗ ರಾಜ್ಯಪಾಲರ ಅಂಕಿತವೂ ಸಿಕ್ಕಂತಾಗಿದೆ. ಪರಿಣಾಮವಾಗಿ ಟಿಎಸ್​​ಆರ್​ಟಿಸಿ ತೆಲಂಗಾಣ ರಾಜ್ಯ ಸರ್ಕಾರದೊಂದಿಗೆ ವಿಲೀನಗೊಳ್ಳಲಿದ್ದು, ಅದರ 43 ಸಾವಿರ ನೌಕರರು ಸರ್ಕಾರಿ ನೌಕರಿ ವ್ಯಾಪ್ತಿಗೆ ಬರಲಿದ್ದಾರೆ. -ಏಜೆನ್ಸೀಸ್

https://www.vijayavani.net/why-rajgirs-crows-disappear-mysteriously-during-july-aug-malmas

https://www.vijayavani.net/ai-powered-sex-robots-will-eliminate-need-for-human-partner-in-bed-ex-google-exec