ಬೆಂಗಳೂರು: ಟೆಕ್ನಾಲಜಿ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಟೆಕ್ನಾಲಜೆ ನಮ್ಮ ಜೀವನವನದನು ಸುಲಭಗೊಳ್ಳಿಸುತ್ತದೆ. ಅದರಿಂದ ಸಮಯ ಉಳಿತಾಯವಾಗುತ್ತದೆ. ಚಿಕ್ಕ ಚಿಕ್ಕ ವಿಷಯಗಳಿಗೂ ಮೊಬೈಲ್ ಅಥವಾ ಕಂಪ್ಯೂಟರ್ ಸಹಾಯ ಪಡೆದುಕೊಳ್ಳುತ್ತೇವೆ. ಆದರೆ ಅದರಿಂದ ಗೊಂದಲ ಕೂಡ ಆಗುತ್ತದೆ. ಅಂತಹ ಪರಿಸ್ಥಿತಿಯನ್ನು ಹೇಗೆ ನಿಭಾಯಿಸಬೇಕೆಂಬ ಗೊಂದಲ ಉಂಟಾಗುವುದು ಸಹಜ. ಅಂತಹ ದಿನನಿತ್ಯದ ಕೆಲವು ಟೆಕ್ ಸಮಸ್ಯೆಗಳಿಗೆ ಇಲ್ಲವೆ ಸುಲಭ ಉಪಾಯಗಳು.
1. ಎಲ್ಲೋ ಇಟ್ಟಿರುವ ಫೋನ್ ಅನ್ನು ಸುಲಭವಾಗಿ ಪತ್ತೆ ಹಚ್ಚಬಹುದು
ಫೊನ್ ಅನ್ನು ಎಲ್ಲಂದರಲ್ಲಿ ಬಿಸಾಡುತ್ತೇವೆ. ಬೇಕಾದಾಗ ಸಿಗುವುದೇ ಇಲ್ಲ. ಕರೆ ಮಾಡಿದರೂ ಕೂಡ ರಿಂಗ್ ಆಗುವುದು ಕೇಳಿಸುವುದಿಲ್ಲ. ಏಕೆಂದರೆ ಸೈಲೆಂಟ್ ಮೂಡ್ನಲ್ಲಿ ಇರುತ್ತದೆ. ಎಲ್ಲಿ ಕಳೆದು ಹೋಯಿತೆಂದು ಗಾಬರಿಯಿಂದ ಹುಡಕಾಡುತ್ತೇವೆ. ಇಂತಹ ಪರಿಸ್ಥಿತಿಯನ್ನು ನಾವೆಲ್ಲರೂ ಅನುಭವಿಸಿಯೇ ಇರುತ್ತೇವೆ. ಇದನ್ನು ತಪ್ಪಿಸಲು ಇಲ್ಲಿದೆ ಒಂದು ಉಪಾಯ. ಡಿವೈಸ್ ಮ್ಯಾನೇಜರ್ ಆ್ಯಪ್ನ ಮೂಲಕ ಈ ಸಮಸ್ಯೆಯಿಂದ ಪಾರಾಗಬಹುದು. ಫೋನ್ನಲ್ಲಿ ಈ ಆ್ಯಪ್ ಅನ್ನು ಇನ್ಸ್ಟಾಲ್ ಮಾಡಿ ಗೂಗಲ್ ಖಾತೆಯಿಂದ ಲಾಗ್ ಇನ್ ಆಗಬೇಕು. ಇದರ ಮುಖಾಂತರ ಫೊನ್ ರಿಂಗ್ ಮಾಡಬಹುದು ಮತ್ತು ಫೋನ್ ಕಳೆದು ಹೋಗಿದ್ದರೆ ಎಲ್ಲ ಡೇಟಾವನ್ನು ಡಿಲೀಟ್ ಮಾಡಬಹುದು.
2. ಸುಲಭವಾಗಿ ಪ್ರೂಫ್ರೀಡ್ ಮಾಡಬಹುದು
ಗೂಗಲ್ ಟ್ರಾನ್ಸ್ಲೇಟ್ನಲ್ಲಿ ಲೇಖನವನ್ನು ಹಾಕಿಬೇಕು. ನಂತರ ನಿಮ್ಮ ಲೇಖನದ ಕೆಳ ಭಾಗದಲ್ಲಿ ಒಂದು ಸ್ಪೀಕರ್ ಚಿಹ್ನೆ ಒತ್ತಿದರೆ ಲೇಖನವನ್ನು ಗೂಗಲ್ ಓದಲು ಪ್ರಾರಂಭಿಸುತ್ತದೆ. ಇದರ ಮುಖಾಂತರ ಲೇಖನವನ್ನು ಕೇಳಿಸಿಕೊಂಡು ತಪ್ಪುಗಳನ್ನು ಸರಿಪಡಿಸಿಕೊಳ್ಳಬಹುದು.
ಇದನ್ನೂ ಓದಿ: ವಾಹನದ ಮೈಲೇಜ್ ಹೆಚ್ಚಿಸಬೇಕಾ? ಇಲ್ಲಿವೆ 7 ಟಿಪ್ಸ್…!
3. ಕಂಪ್ಯೂಟರ್ ಅಲ್ಲಿ ಸುಲಭವಾಗಿ ಸ್ಕ್ರೀನ್ಶಾರ್ಟ್ ತೆಗೆಯಬಹುದು
ವಿಂಡೋಸ್ ಕಂಪ್ಯೂಟರ್ ಅಲ್ಲಿ ಶಿಫ್ಟ್ + ವಿಂಡೋಸ್ + S ಕೀಯನ್ನು ಒತ್ತಿದರೆ ಸ್ನಿಪಿಂಗ್ ಟೂಲ್ ಎಂಬ ಅಪ್ಲಿಕೇಶನ್ ಓಪನ್ ಆಗುತ್ತದೆ. ಈ ಆಯ್ಕೆ ವಿಂಡೋಸ್ 10 ಮತ್ತು 11ರಲ್ಲಿ ಲಭ್ಯವಿದೆ. ಉಳಿದ ವರ್ಷ್ನ್ನಲ್ಲಿ ಶಾರ್ಟ್ಕಟ್ ಕೆಲಸಕ್ಕೆ ಬರುವುದಿಲ್ಲ. ಮ್ಯಾನ್ಯುಯಲ್ ಆಗಿ ಅಪ್ಲಿಕೇಶನ್ ಅನ್ನು ತೆರೆಯಬಹುದು. ಸ್ನಿಪಿಂಗ್ ಟೂಲ್ನ ಮುಖಾಂತರ ಫುಲ್ ಸ್ಕ್ರೀನ್ ಅಥವಾ ಬೇಕಾದ ಜಾಗವನ್ನು ಸ್ಕ್ರೀನ್ ಶಾರ್ಟ್ ಪಡೆಯಬಹುದು. ಇದು ಬಹಳ ಪ್ರಯೋಜನಕಾರಿ ಟೂಲ್ ಆಗಿದೆ.
4. ವೈಫೈ ಪಾಸ್ವರ್ಡ್
ಮನೆಗೆ ಅತಿಥಿಗಳು ಬಂದಾಗ ವೈಫೈ ಪಾಸ್ವರ್ಡ್ ಕೇಳುವುದು ಸಹಜ. ಬೇರೆಯವರಿಗೆ ಪಾಸ್ವರ್ಡ್ ನೀಡಲು ಮುಜುಗರವಾಗುತ್ತದೆ. ಆದರೆ ಪಾಸ್ವರ್ಡ್ ಹೇಳದೆ ವೈಫೈ ಕನೆಕ್ಷನ್ ನೀಡಬಹುದು. ಕ್ಯೂಆರ್ ಕೋಡ್ನ ಮುಖಾಂತರ ಇದು ಸಾಧ್ಯ. ಬೇಕದವರಿಗೆ ಕೋಡ್ ಸ್ಕ್ಯಾನ್ ಮಾಡಿಸಿ ವೈಫೈ ಕನೆಕ್ಷನ್ ಅನ್ನು ನೀಡಬಹುದು.
5. ಗುನುಗುತ್ತಿರುವ ಹಾಡನ್ನು ಸುಲಭವಾಗಿ ಕಂಡುಹಿಡಿಯಬಹುದು
ಒಂದು ಹಾಡಿನ ಟ್ಯೂನ್ ಅನ್ನು ಗುನುಗುತ್ತಿರುತ್ತವೆ. ಆದರೆ ಹಾಡು ಯಾವುದೆಂದು ತಿಳಿಯದೆ ಒದ್ದಾಡುತ್ತೀವಿ. ಇದಕ್ಕೊಂದು ಉಪಾಯವಿದೆ. ‘ಮೈಡೋಮಿ’ಯ ಮುಖಾಂತರ ಇದು ಸಾಧ್ಯ. ಇದರಲ್ಲಿ ಗುನುಗುತ್ತಿರುವ ಹಾಡು ಯಾವುದೆಂದು ಕಂಡುಹಿಡಿಯಬಹುದು. ಒಂದು ಅಥವಾ ಎರಡು ಸಾಲನ್ನು ಹಾಡಿದರೆ ಇನ್ನು ಬೇಗನೆ ಹಾಡನ್ನು ಪತ್ತೆ ಹಚ್ಚಬಹುದು. (ಏಜೆನ್ಸೀಸ್)
68ನೇ ವಯಸ್ಸಿನಲ್ಲಿ ಮದ್ವೆ ಆಸೆಗೆ ಬಿದ್ದ ವೃದ್ಧನಿಗೆ ಶಾಕ್! ತನಿಖೆ ವೇಳೆ ಕಿಲಾಡಿ ಲೇಡಿಯ ಕರಾಳತೆ ಬಯಲು