ಚೆನ್ನೈ: ಈ ದೀಪಾವಳಿಗೆ ವಿಜಯ್ ಅಭಿನಯದ ‘ಮಾಸ್ಟರ್’ ಚಿತ್ರ ಬಿಡುಗಡೆಯಾಗುತ್ತದೆ ಎಂದು ಕಾದಿದ್ದ ವಿಜಯ್ ಅಭಿಮಾನಿಗಳು ಕಾದಿದ್ದಷ್ಟೇ ಬಂತು. ಆದರೆ, ಚಿತ್ರ ಬಿಡುಗಡೆಯಾಗಲಿಲ್ಲ. ಬಹುಶಃ ಮುಂದಿನ ವರ್ಷದ ಸಂಕ್ರಾಂತಿಗೆ ಬಿಡುಗಡೆಯಾಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಚಿತ್ರರಂಗದಲ್ಲಿ 40 ವರ್ಷ ಮುಗಿಸಿದ ಜಗ್ಗೇಶ್
ದೀಪಾವಳಿಗೆ ಚಿತ್ರ ಬಿಡುಗಡೆಯಾಗದಿದ್ದರೂ, ಚಿತ್ರದ ಟೀಸರ್ ಬಿಡುಗಡೆಯಾಗಿ ವಿಜಯ್ ಅಭಿಮಾನಿಗಳು ಸ್ವಲ್ಪ ಖುಷಿ ತಂದಿದೆ. 91 ಸೆಕೆಂಡ್ನ ಈ ಟೀಸರ್ನಲ್ಲಿ ವಿಜಯ್ ಅವರನ್ನು ಪ್ರೊಫೆಸರ್ ಜೆಡಿ ಎಂದು ಪರಿಚಯಿಸಲಾಗಿದೆ ಮತ್ತು ಈ ಸಿನಿಮಾದಲ್ಲಿ ವಿಜಯ್, ವಿಜಯ್ ಸೇತುಪತಿ ವಿರುದ್ಧ ಹೋರಾಡುವುದನ್ನು ನೋಡಬಹುದಾಗಿದೆ.
ವಿಶೇಷವೆಂದರೆ, ಈ ಟೀಸರ್ ಬಿಡುಗಡೆಯಾದ ಎರಡೇ ದಿನಗಳಲ್ಲಿ ಯೂಟ್ಯೂಬ್ನ ಹಲವು ದಾಖಲೆಗಳನ್ನು ಮುರಿದಿದೆ. ಪ್ರಮುಖವಾಗಿ ಎರಡು ದಿನಗಳಲ್ಲಿ 23 ಮಿಲಿಯನ್ಗೂ ಹೆಚ್ಚು ವೀಕ್ಷಣೆಗೆ ಈ ಟೀಸರ್ ಒಳಗಾಗಿದೆ. ಇನ್ನು ವಿಜಯ್ ಅಭಿನಯದ ‘ಬಿಜಿಲ್’ ಚಿತ್ರದ ಟ್ರೇಟಲರ್ ಬಿಡುಗಡೆಯಾದ ಒಂದು ಗಂಟೆ 18 ನಿಮಿಷಗಳಲ್ಲಿ 9.3 ಮಿಲಿಯನ್ ವ್ಯೂಸ್ ದಾಖಲಿಸಿತ್ತು. ಈ ದಾಖಲೆಯನ್ನು ‘ಮಾಸ್ಟರ್’ ಮುರಿಯಬಹುದು ಎಂಬ ಅಂದಾಜಿತ್ತಾದರೂ ಅದು ಸಾಧ್ಯವಾಗಿಲ್ಲ. ಅತೀ ಕಡಿಮೆ ಸಮಯದಲ್ಲಿ ಒಂದು ಮಿಲಿಯನ್ ಹಿಟ್ಸ್ ಪಡೆದ ಹೆಗ್ಗಳಿಕೆ ಇನ್ನು ‘ಬಿಜಿಲ್’ ಹೆಸರಿನಲ್ಲಿದೆ.
ಇದನ್ನೂ ಓದಿ: ನಾನು ದೇವದೂತನಲ್ಲ; ನಟ ಸೋನು ಸೂದ್
‘ಮಾಸ್ಟರ್’ ಚಿತ್ರದಲ್ಲಿ ವಿಜಯ್ ಮತ್ತು ವಿಜಯ್ ಸೇತುಪತಿ ಜತೆಗೆ ಮಾಳವಿಕಾ ಮೋಹನನ್, ಅರ್ಜುನ್ ದಾಸ್, ಆಂಡ್ರಿಯಾ ಜೆರೆಮಿಯಾ, ಶಂತನು ಭಾಗ್ಯರಾಜ್, ನಾಸರ್ ಮುಂತಾದವರು ನಟಿಸಿದ್ದು, ಲೋಕೇಶ್ ಕನಕರಾಜ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರಕ್ಕೆ ಅನಿರುದ್ಧ್ ಸಂಗೀತ ಸಂಯೋಜಿಸಿದ್ದಾರೆ.