Team India ಆಲ್ರೌಂಡ್ ಪ್ರದರ್ಶನಕ್ಕೆ ಆಂಗ್ಲರು ಕ್ಲೀನ್ ಬೌಲ್ಡ್​; ಸರಣಿ ಕ್ಲೀನ್​ಸ್ವೀಪ್ ಮಾಡಿದ ಆತಿಥೇಯರು

ಅಹಮದಾಬಾದ್​: ವಿಶ್ವದ ಅತಿದೊಡ್ಡ ಸ್ಟೇಡಿಯಂ ಎಂದೇ ಖ್ಯಾತಿ ಪಡೆದಿರುವ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಭಾರತ (Team India) ಹಾಗೂ ಇಂಗ್ಲೆಂಡ್​ (England) ವಿರುದ್ಧ ಏಕದಿನ ಸರಣಿಯ ಮೂರನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಆತಿಥೇಯರು 142 ರನ್​ಗಳ ಭರ್ಜರಿ ಜಯ ಸಾಧಿಸಿದ್ದು, ಸರಣಿಯಲ್ಲಿ ಕ್ಲೀನ್​ಸ್ವೀಪ್ ಸಾಧಿಸುವ ಮೂಲಕ ಮುಂದಬರುವ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಭಾರೀ ಹುಮ್ಮಸ್ಸಿನಲ್ಲಿ ಕಣಕ್ಕಿಳಿಯಲಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಟೀಮ್ ಇಂಡಿಯಾ (Team India) ಶುಭಮನ್ ಗಿಲ್ (112 ರನ್, 102 ಎಸೆತ, 14 ಬೌಂಡರಿ, 3 ಸಿಕ್ಸರ್​), ವಿರಾಟ್ ಕೊಹ್ಲಿ (52 ರನ್, 55 ಎಸೆತ, 7 ಬೌಂಡರಿ, 1 ಸಿಕ್ಸರ್)​ ಹಾಗೂ ಶ್ರೇಯಸ್ ಅಯ್ಯರ್​ (78 ರನ್, 64 ಎಸೆತ, 8 ಬೌಂಡರಿ, 2 ಸಿಕ್ಸರ್) ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನದ ಫಲವಾಗಿ 50 ಒವರ್​ಗಳಲ್ಲಿ 7 ವಿಕೆಟ್​ ನಷ್ಟಕ್ಕೆ 356 ರನ್​ ಗಳಿಸಿತು. ಇಂಗ್ಲೆಂಡ್ ಪರ ಸಾಕಿಬ್​ ಮಹಮೂದ್​ (10-0-68-1), ಆದಿಲ್ ರಶೀದ್ (10-0-64-4), ಮಾರ್ಕ್​ ವುಡ್​ (9-1-45-2), ಗಸ್​ ಆ್ಯಟ್​​ಕಿನ್​ಸನ್​ (8-0-74-1), ಲಿಯಾಮ್ ಲಿವಿಂಗ್​ಸ್ಟನ್​ (8-0-57-0), ಜೋ ರೂಟ್​ (5-0-47-1) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.

ಸವಾಲಿನ ಮೊತ್ತ ಬೆನ್ನತ್ತಿದ್ದ ಇಂಗ್ಲೆಂಡ್​ ತಂಡಕ್ಕೆ ಉತ್ತಮ ಆರಂಭ ಪಡೆದುಕೊಂಡಿತಾದರೂ ಟೀಮ್​ ಇಂಡಿಯಾದ (Team India) ಬೌಲರ್​ಗಳು ಆಂಗ್ಲರಿಗೆ ಡಗೌಟ್​ ತೋರುವಲ್ಲಿ ಯಶಸ್ವಿಯಾದರು. ಟೀಮ್​ ಇಂಡಿಯಾದ ಆಲ್ರೌಂಡ್ ಪ್ರದರ್ಶನಕ್ಕೆ ನಲುಗಿದ ಪ್ರವಾಸಿ ತಂಡವು ಅಂತಿಮವಾಗಿ 34.2 ಒವರ್​ನಲ್ಲಿ 214 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ ಸೋಲೊಪ್ಪಿಕೊಂಡಿತ್ತು.

ಟೀಮ್ ಇಂಡಿಯಾ ಪರ ಕುಲ್​ದೀಪ್ ಯಾದವ್ (8-0-38-1), ಅಕ್ಷರ್ ಪಟೇಲ್​ (6.2-1-22-2), ಹರ್ಷಿತ್ ರಾಣಾ (5-1-31-2), ಅರ್ಷ್​​ದೀಪ್ ಸಿಂಗ್ (5-0-33-2), ವಾಷಿಂಗ್ಟನ್ ಸುಂದರ್ (5-0-43-1), ಹಾರ್ದಿಕ್​ ಪಾಂಡ್ಯ (5-0-38-2) ರನ್ ನೀಡಿ ವಿಕೆಟ್ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.

https://www.vijayavani.net/woman-gets-railway-job-leaves-husband-he-exposes-rs-15-lakh-proxy-scam-cbi-probe-underway

https://www.vijayavani.net/school-principal-slaps-teacher-18-times-viral-video-says-it-all