ಟಿಸಿಎಸ್​​ ಮಹಿಳಾ ಉದ್ಯೋಗಿಗಳ ಸಂಖ್ಯೆಯಲ್ಲಿ ಭಾರಿ ಕುಸಿತ; ಕಾರಣ ಇದೇನಾ?

ನವದೆಹಲಿ: ಮಹಿಳೆಯರನ್ನು ಉದ್ಯೋಗಕ್ಕೆ ನೇಮಿಸಿಕೊಳ್ಳುವಲ್ಲಿ ಮುಂಚೂಣಿಯಲ್ಲಿರುವ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸ್ (ಟಿಸಿಎಸ್​) ಸಂಸ್ಥೆಯಲ್ಲೇ ಮಹಿಳಾ ಉದ್ಯೋಗಿಗಳ ಸಂಖ್ಯೆಯಲ್ಲಿ ಭಾರಿ ಕುಸಿತವಾಗಿರುವುದು ಕಂಡುಬಂದಿದೆ.

ಅದರಲ್ಲೂ ಸಂಸ್ಥೆ ವರ್ಕ್​ ಫ್ರಮ್​ ಹೋಮ್​ ವ್ಯವಸ್ಥೆ ಸ್ಥಗಿತಗೊಳಿಸಿದ ಬಳಿಕ ಮಹಿಳಾ ಉದ್ಯೋಗಿಗಳ ರಾಜೀನಾಮೆಯಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ. ಉದ್ಯೋಗ ತೊರೆಯುವಲ್ಲಿ ಮಹಿಳೆಯರು ಪುರುಷರಿಗೆ ಸಮಾನವಾಗಿದ್ದಾರೆ. ವರ್ಕ್​ ಫ್ರಮ್​ ಹೋಮ್​ ಸ್ಥಗಿತಗೊಳಿಸಿದ್ದೂ ಇದಕ್ಕೆ ಕಾರಣವಿರಬಹುದು ಎಂದು ಟಿಸಿಎಸ್​ ಸಂಸ್ಥೆ ಹೇಳಿಕೊಂಡಿದೆ.

ಸುಮಾರು ಆರು ಲಕ್ಷದಷ್ಟಿರುವ ಉದ್ಯೋಗಿಗಳ ಪೈಕಿ ಮಹಿಳೆಯರೇ ಶೇ. 35ರಷ್ಟಿದ್ದರೂ ಉದ್ಯೋಗ ತೊರೆಯುತ್ತಿರುವ ಮಹಿಳೆಯರ ಪ್ರಮಾಣ ಪುರುಷರಿಗೆ ಸಮನಾಗಿರುವುದು ಅಸಹಜ ಬೆಳವಣಿಗೆ ಎಂದು ಸಂಸ್ಥೆಯ ಮುಖ್ಯ ಮಾನವಸಂಪನ್ಮೂಲ ಅಧಿಕಾರಿ ಮಿಲಿಂದ್ ಲಕ್ಕಡ್​ ಅಭಿಪ್ರಾಯ ಪಟ್ಟಿದ್ದಾರೆ.

ಇದನ್ನೂ ಓದಿ: 32 ವರ್ಷಗಳ ಬಳಿಕ ಮತ್ತೆ ಒಂದಾದ ರಜನಿಕಾಂತ್​-ಅಮಿತಾಭ್​ ಬಚ್ಚನ್​; ಲೈಕಾ ಪ್ರೊಡಕ್ಷನ್ಸ್​ ನಿರ್ಮಾಣದಲ್ಲಿ ತಲೈವಾ 170ನೇ ಸಿನಿಮಾ

ಕರೊನಾ ಸಾಂಕ್ರಾಮಿಕದ ಸಮಯದಲ್ಲಿ ಮನೆಯಿಂದ ಕೆಲಸ ಮಾಡುವ ವ್ಯವಸ್ಥೆ ಕಲ್ಪಿಸಲಾಗಿದ್ದು, ಬಹಳಷ್ಟು ಮಹಿಳೆಯರು ಅದಕ್ಕೆ ಒಗ್ಗಿ ಹೋದಂತಿದೆ. ಪರಿಸ್ಥಿತಿ ಎಲ್ಲೆಡೆ ಸಹಜಸ್ಥಿತಿಗೆ ಬಂದ ಬಳಿಕ ವರ್ಕ್​ ಫ್ರಮ್ ಹೋಮ್​ ವ್ಯವಸ್ಥೆ ಸ್ಥಗಿತಗೊಳಿಸಿದ್ದು, ಮಹಿಳೆಯರು ಕಚೇರಿಗೆ ಮರಳಲು ಆಸಕ್ತಿ ತೋರುತ್ತಿಲ್ಲ ಎಂಬುದನ್ನು ಅವರು ಕಂಪನಿಯ ವಾರ್ಷಿಕ ವರದಿಯಲ್ಲಿ ಪ್ರಕಟವಾದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಮಾಲೀಕನನ್ನು ಚಿರತೆ ದಾಳಿಯಿಂದ ಕಾಪಾಡಿದ ಹಸು!; ತೋಟದಲ್ಲಿ ದನ ಮೇಯಿಸುತ್ತಿದ್ದಾಗ ನಡೆದ ಘಟನೆ

ಕೆಲಸದಿಂದ ಹೊರಗುಳಿಯುತ್ತಿರುವ ಮಹಿಳೆಯರ ಪ್ರಮಾಣದ ಕುರಿತು ವಾರ್ಷಿಕ ವರದಿಯಲ್ಲಿ ನಿಖರವಾಗಿ ಉಲ್ಲೇಖಿಸದಿದ್ದರೂ ಒಟ್ಟಾರೆ ಹೊರಗುಳಿಯುವಿಕೆಯು ಕಳೆದ ಹಣಕಾಸು ವರ್ಷದ ಮಧ್ಯದಲ್ಲಿ ಉತ್ತುಂಗಕ್ಕೇರಿತ್ತು ಮತ್ತು ಮಾರ್ಚ್ ಅಂತ್ಯದ ವೇಳೆಗೆ ಶೇ.20ಕ್ಕಿಂತ ಕಡಿಮೆಯಾಗಿದೆ ಎಂಬುದು ಕಂಡುಬಂದಿದೆ. - ಏಜೆನ್ಸೀಸ್

https://www.vijayavani.net/9-month-old-child-died-after-swallowing-mentho-plus-balm

https://www.vijayavani.net/mother-killed-her-own-child-and-later-attempted-to-suicide