ಚಿತ್ರರಂಗಕ್ಕೆ ಕಾಲಿಟ್ಟ ಸಂದರ್ಭದಲ್ಲಿ ತಾಪ್ಸಿ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಯಿತಂತೆ. ಒಬ್ಬ ಹೀರೋ ಹೆಂಡತಿಗೆ ತಾನು ಇಷ್ಟವಾಗಲಿಲ್ಲ ಎಂಬ ಕಾರಣಕ್ಕೆ ಒಂದು ಚಿತ್ರದಿಂದ ಅವಕಾಶ ಕಳೆದುಕೊಳ್ಳಬೇಕಾಯಿತಂತೆ. ಇನ್ನೊಂದು ಚಿತ್ರದಲ್ಲಿ ಡಬ್ಬಿಂಗ್ ಮಾಡುವ ಸಂದರ್ಭದಲ್ಲಿ, ಆ ಚಿತ್ರದ ಹೀರೋಗೆ ಒಂದು ಸಂಭಾಷಣೆ ಸರಿಬರಲಿಲ್ಲ ಎಂಬ ಕಾರಣಕ್ಕೆ ಸಂಭಾಷಣೆಯನ್ನೇ ಬದಲಾಯಿಸುವುದಕ್ಕೆ ಸೂಚಿಸಲಾಯಿತಂತೆ. ತಾಪ್ಸಿ ಆ ಸಂಭಾಷಣೆ ಬೇರೆ ರೀತಿ ಹೇಳುವುದಕ್ಕೆ ಒಪ್ಪದಿದ್ದಾಗ, ಒಬ್ಬ ಡಬ್ಬಿಂಗ್ ಕಲಾವಿದೆಯಿಂದ ಬೇರೆ ಸಂಭಾಷಣೆಯನ್ನು ಹೇಳಿಸಲಾಯಿತಂತೆ. ಎಲ್ಲಕ್ಕಿಂತ ಹೆಚ್ಚಾಗಿ ಒಂದು ಚಿತ್ರದಲ್ಲಿ, ಹೀರೋನ ಪರಿಚಯದ ದೃಶ್ಯಕ್ಕಿಂತ ತನ್ನ ಪರಿಚಯದ ದೃಶ್ಯ ಬಹಳ ಚೆನ್ನಾಗಿದ್ದರಿಂದ ಆ ದೃಶ್ಯವನ್ನು ಪಟ್ಟುಹಿಡಿದು ಬದಲಾಯಿಸಲಾಯಿತಂತೆ.
