ತಮನ್ನಾ, ವಿಜಯ್​ ಸೇತುಪತಿ ಜತೆಯಾಗಿದ್ದು ಯಾಕೆ? ಇಲ್ಲಿದೆ ಡೀಟೇಲ್ಸ್​ ...

ಬೆಂಗಳೂರು: 'ಮಿಲ್ಕಿ ಬ್ಯೂಟಿ' ಎಂದೇ ಜನಪ್ರಿಯರಾಗಿರುವ ತಮನ್ನಾ ಭಾಟಿಯಾ ಮತ್ತು ವಿಜಯ್​ ಸೇತುಪತಿ ಇಬ್ಬರೂ ಇತ್ತೀಚೆಗೆ ಜತೆಯಾಗಿ ನಿಂತು ಫೋಟೋ ತೆಗೆಸಿಕೊಂಡಿದ್ದಾರೆ. ಈ ಫೋಟೋಗಳು ವೈರಲ್​ ಆಗಿದ್ದು, ಅವರಿಬ್ಬರೂ ಯಾವುದಾದರೂ ಸಿನಿಮಾದಲ್ಲಿ ಜತೆಯಾಗಿ ನಟಿಸುತ್ತಿದ್ದಾರಾ? ಎಂಬ ಪ್ರಶ್ನೆ ಅವರಿಬ್ಬರ ಅಭಿಮಾನಿಗಳಲ್ಲಿ ಮೂಡಿದೆ.

ಇದನ್ನೂ ಓದಿ: ಮುದುಕನಾದರೂ ಕ್ಯೂಟ್​ ಹುಡುಗನ ಪಾತ್ರ ಮಾಡಿದರೆ ಯಾರು ನೋಡ್ತಾರೆ? ಕೆಆರ್​ಕೆ ಪ್ರಶ್ನೆ

ವಿಜಯ್​ ಸೇತುಪತಿ ಮತ್ತು ತಮನ್ನಾ ಭಾಟಿಯಾ ಇಬ್ಬರೂ ಜತೆಯಾಗಿ ನಟಿಸುತ್ತಿರುವುದು ಹೊಸದೇನಲ್ಲ. ಈಗಾಗಲೇ, ಕೆಲವು ವರ್ಷಗಳ ಹಿಂದೆ ಬಿಡುಗಡೆಯಾದ 'ಧರ್ಮ ದುರೈ' ಎಂಬ ಚಿತ್ರದಲ್ಲಿ ಜತೆಯಾಗಿ ನಟಿಸಿದ್ದಾರೆ. ಈಗ ಅವರಿಬ್ಬರು ಜತೆಯಾಗಿ ಕಾಣಿಸಿಕೊಂಡಿದ್ದು, 'ಮಾಸ್ಟರ್​ ಚೆಫ್​' ಕಾರ್ಯಕ್ರಮದ ಪ್ರೋಮೋ ಶೂಟಿಂಗ್​ನಲ್ಲಿ.

ವಿದೇಶದಲ್ಲಿ ಬಹಳ ಜನಪ್ರಿಯವಾಗಿರುವ 'ಮಾಸ್ಟರ್​ ಚೆಫ್​' ಕಾರ್ಯಕ್ರಮವು, ಈಗ ಭಾರತದಲ್ಲೂ 'ಮಾಸ್ಟರ್​ ಚೆಫ್​ ಇಂಡಿಯಾ' ಹೆಸರಿನಲ್ಲಿ ಪ್ರಸಾರವಾಗಲಿದೆ. ಈ ಪೈಕಿ, ಜೆಮಿನಿ ಟಿವಿಯಲ್ಲಿ ಪ್ರಸಾರವಾಗುವ ತೆಲುಗು ಅವತರಣಿಕೆಯನ್ನು ತಮನ್ನಾ ನಡೆಸಿಕೊಟ್ಟರೆ, ಸನ್​ ಟಿವಿಯಲ್ಲಿ ನಡೆಸಿಕೊಡುವ ತಮಿಳು ಅವತರಣಿಕೆಯನ್ನು ವಿಜಯ್​ ಸೇತುಪತಿ ನಡೆಸಿಕೊಡುತ್ತಿದ್ದಾರೆ. ಇತ್ತೀಚೆಗೆ, ಬೆಂಗಳೂರಿನಲ್ಲಿ ಈ ಕಾರ್ಯಕ್ರಮದ ಪ್ರೋಮೋ ಶೂಟ್​ ಆಗಿದ್ದು, ಈ ವೇಳೆ ತಮನ್ನಾ ಹಾಗೂ ವಿಜಯ್​ ಸೇತುಪತಿ ಜತೆಯಾಗಿ ನಿಂತು ಫೋಟೋ ತೆಗೆಸಿಕೊಂಡಿದ್ದಾರೆ.

ಇದನ್ನೂ ಓದಿ: ಅದಿತಿ ಆಗಮನ…; 5ಡಿ ಮೂಲಕ ಶೂಟಿಂಗ್​ಗೆ ಎಂಟ್ರಿ

ಈ ಕಾರ್ಯಕ್ರಮವು ಕನ್ನಡ ಹಾಗೂ ಮಲಯಾಳಂನಲ್ಲೂ ಪ್ರಸಾರವಾಗಲಿದ್ದು, ಕನ್ನಡ ಅವತರಣಿಕೆಯನ್ನು ಸುದೀಪ್​ ನಡೆಸಿಕೊಟ್ಟರೆ, ಮಲಯಾಳಂ ಅವತರಣಿಕೆಯ ನಿರೂಪಣೆಯ ಜವಾಬ್ದಾರಿಯನ್ನು ಪೃಥ್ವಿರಾಜ್​ ಸುಕುಮಾರನ್​ ಹೊತ್ತಿದ್ದಾರೆ. ಈ ಕಾರ್ಯಕ್ರಮದಲ್ಲಿ 15 ಸ್ಪರ್ಧಿಗಳಿದ್ದು, ಮೂವರು ಚೆಫ್​ಗಳು ತೀರ್ಪುಗಾರರಾಗಿರಲಿದ್ದು, ಈ ಕಾರ್ಯಾಕ್ರಮವು ವಾರಾಂತ್ಯಗಳಲ್ಲಿ ಪ್ರಸಾರವಾಗಲಿದೆ.

https://www.vijayavani.net/gangubai-kathiawadi-shooting-completed/