ಬೆಂಗಳೂರು: ಸ್ಯಾಂಡಲ್ವುಡ್ ನಟಿ ಅದಿತಿ ಪ್ರಭುದೇವ ಕೈಯಲ್ಲಿ ಬರೋಬ್ಬರಿ ಹತ್ತು ಪ್ಲಸ್ ಸಿನಿಮಾಗಳಿವೆ. ಅದರಲ್ಲಿ ಕೆಲವು ಶೂಟಿಂಗ್ ಮುಗಿದರೆ, ಮತ್ತೆ ಕೆಲವು ಬಿಡುಗಡೆಗೆ ಸಿದ್ಧವಾಗಿವೆ. ಇನ್ನು ಕೆಲವು ಶೂಟಿಂಗ್ಗೆ ಸಿದ್ಧತೆ ಮಾಡಿಕೊಳ್ಳುತ್ತಿವೆ. ಹೀಗಿರುವಾಗಲೇ ಸುದೀರ್ಘ ಎರಡು ತಿಂಗಳ ಲಾಕ್ಡೌನ್ ಬಳಿಕ ಶೂಟಿಂಗ್ಗೆ ಮರಳಲು ಸಜ್ಜಾಗಿದ್ದಾರೆ. ‘5ಡಿ’ ಸಿನಿಮಾ ಮೂಲಕ ಮತ್ತೆ ಕ್ಯಾಮರಾ ಎದುರಿಸಲಿದ್ದಾರೆ.
ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ, ಇಷ್ಟೊತ್ತಿಗಾಗಲೇ ಚಿತ್ರದ ಬಹುತೇಕ ಎಲ್ಲ ಕೆಲಸಗಳನ್ನು ನಿರ್ದೇಶಕ ಎಸ್. ನಾರಾಯಣ್ ಮುಗಿಸಿರುತ್ತಿದ್ದರು. ಆದರೆ ಕೋವಿಡ್ ಲಾಕ್ಡೌನ್ ಹಿನ್ನೆಲೆಯಲ್ಲಿ ಅದು ಸಾಧ್ಯವಾಗಲಿಲ್ಲ. ಇದೀಗ ಜುಲೈ 11ಕ್ಕೆ ಫಸ್ಟ್ ಲುಕ್ ಬಿಡುಗಡೆಯಾಗಲಿದೆ. 12ರಿಂದ ಮತ್ತೆ ಕೆಲಸ ಆರಂಭವಾಗಲಿದ್ದು, ಶೂಟಿಂಗ್ನಲ್ಲಿ ಪಾಲ್ಗೊಳ್ಳಲು ಅದಿತಿ ಸಹ ಉತ್ಸುಕರಾಗಿದ್ದಾರೆ.
‘ಲಾಕ್ಡೌನ್ ಹಿನ್ನೆಲೆಯಲ್ಲಿ ಕಳೆದ ಎರಡು ತಿಂಗಳು ಮನೆಯಲ್ಲಿಯೇ ಕಾಲಕಳೆದಿದ್ದೇನೆ. ಇದೀಗ ಮತ್ತೆ ಕೆಲಸ ಆರಂಭವಾಗಿದೆ. ಲಾಕ್ಡೌನ್ ಬಳಿಕ ಶೂಟಿಂಗ್ ಆರಂಭಿಸಲಿರುವ ನನ್ನ ಮೊದಲ ಸಿನಿಮಾ ‘5ಡಿ’. ಈ ಮೊದಲು 10 ದಿನದ ಶೂಟಿಂಗ್ನಲ್ಲಿ ಭಾಗವಹಿಸಿದ್ದೇನೆ ’ ಎನ್ನುವ ಅದಿತಿ, ‘ಎಸ್. ನಾರಾಯಣ್ ಒಂದು ರೀತಿ ಯೂನಿವರ್ಸಿಟಿ ಇದ್ದಂತೆ. ಅವರಿಂದ ಸಾಕಷ್ಟು ಕಲಿಯಬಹುದು. ಇನ್ನೂ ಕಲಿಯುವುದಿದೆ. ಈ ಚಿತ್ರದ ಪಾತ್ರವೂ ಅಷ್ಟೇ ಸೊಗಸಾಗಿದೆ. ಸಸ್ಪೆನ್ಸ್ ಥ್ರಿಲ್ಲರ್ ಶೈಲಿಯ ಚಿತ್ರವಾದರೂ, ಹಾಸ್ಯದ ಅಂಶ ಸಿನಿಮಾದಲ್ಲಿದೆ. ಈಗಿನ ಕಾಲದ ಪ್ರಬುದ್ಧ ಯುವತಿಯ ಪಾತ್ರ ಸಿಕ್ಕಿದೆ’ ಎಂಬುದು ಅವರ ಮಾತು.
ಮನಿಮೈಂಡೆಡ್ ಜನಪ್ರತಿನಿಧಿಗಳಿಗೆ ಇದು ಶಾಕಿಂಗ್ ಸುದ್ದಿ: ಸಂಚಲನ ಮೂಡಿಸುವಂತಿದೆ ಆರ್ಬಿಐನ ಈ ಕ್ರಮ!
ತುಂಬು ಗರ್ಭಿಣಿಯೇ ಆಸ್ಪತ್ರೆಗೆ ದಾಖಲಾಗಿ ಮಗುವನ್ನು ಕದ್ದಳು!; ಕಾರಣ ಮೂರು ಮತ್ತೊಂದು..