ಈ ಮಿಲ್ಕಿ ಬ್ಯೂಟಿಗೆ ಕಾಜಲ್​ ತರಹ ಆಗೋ ಆಸೆಯಂತೆ!

ಟಾಲಿವುಡ್​ನ ಜನಪ್ರಿಯ ಹೀರೋಗಳ ಜತೆಯಲ್ಲಾ ನಟಿಸಿರುವ ತಮನ್ನಾ ಭಾಟಿಯಾ, ಇದೀಗ ಸತ್ಯದೇವ್​ ಎಂಬ ಅಷ್ಟೇನೂ ದೊಡ್ಡ ಹೀರೋ ಜತೆಯಲ್ಲಿ ನಟಿಸುವುದಕ್ಕೆ ಸಜ್ಜಾಗಿದ್ದಾರೆ. ಈ ಚಿತ್ರ ಕರೊನಾ ಹಾವಳಿ ಕೊಂಚ ಕಡಿಮೆಯಾದ ನಂತರ ಪ್ರಾರಂಭವಾಗಲಿದೆ.

ಒಂದು ಕಾಲದಲ್ಲಿ ದೊಡ್ಡ ಸ್ಟಾರ್​ಗಳ ಜತೆಗೆ ನಟಿಸುತ್ತಿದ್ದ ತಮನ್ನಾ, ಈಗ ಈ ತರಹ ಅಷ್ಟೇನೂ ಜನಪ್ರಿಯರಲ್ಲದ ಹೀರೋ ಜತೆಗೆ ಕೆಲಸ ಮಾಡುತ್ತಿರುವುದಕ್ಕೆ ಕಾರಣವೇನು? ಅವರಿಗೆ ಅವಕಾಶಗಳು ಕಡಿಮೆಯಾಗುತ್ತಿವೆಯಾ ಅಥವಾ ಹೊಸಬರ ಚಿತ್ರದಲ್ಲಿ ಸಂಭಾವನೆ ಜಾಸ್ತಿ ಸಿಗುತ್ತದಾ ಎಂಬಂತಹ ಪ್ರಶ್ನೆಗಳು ಬರಬಹುದು.

ಇದನ್ನೂ ಓದಿ: ಸುಶಾಂತ್​ ದಿನಾ ಪಿಕಪ್​ ಮಾಡುತ್ತಿದ್ದ … ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ರಿಚಾ

ಹಾಗೇನಿಲ್ಲ, ತಮನ್ನಾ ಇದೀಗ ಕಾಜಲ್​ ಅಗರವಾಲ್​ ದಾರಿಯಲ್ಲಿ ನಡೆಯುವುದಕ್ಕೆ ತೀರ್ಮಾನಿಸಿದ್ದಾರಂತೆ. ಹಾಗಾಗಿಯೇ ಅವರು ಸತ್ಯದೇವ್​ ಎನ್ನುವ ನಾನ್​ ಕಮರ್ಷಿಯಲ್​ ಹೀರೋ ಜತೆಗೆ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಈ ಕಾಜಲ್​ ನಡೆದ ದಾರಿ ಏನು ಎಂಬ ಪ್ರಶ್ನೆ ಬರುವುದು ಸಹಜ.

ಕಾಜಲ್​, ಚಿತ್ರರಂಗಕ್ಕೆ ಬಂದು 15 ವರ್ಷಗಳಾಗಿವೆ. ಈ 15 ವರ್ಷಗಳಲ್ಲಿ ಅವರು ಹಿರಿ-ಕಿರಿಯರು, ಹಳಬರು-ಹೊಸಬರು ಎನ್ನದೆ ಎಲ್ಲರ ಜತೆಗೂ ನಟನೆ ಮಾಡಿದ್ದಾರೆ. ಆ ಕಡೆ ಚಿರಂಜೀವಿ ಜತೆಗೂ ಚಿತ್ರ ಮಾಡುತ್ತಾರೆ. ಈ ಕಡೆ ಅವರ ಮಗ ರಾಮ್​ಚರಣ್​ ತೇಜ ಜತೆಗೂ ಚಿತ್ರ ಮಾಡುತ್ತಾರೆ. ಅಲ್ಲು ಅರ್ಜುನ್​, ಜ್ಯೂನಿಯರ್​ ಎನ್​.ಟಿ.ಆರ್​, ಅಜಯ್​ ದೇವಗನ್​, ವಿಜಯ್​ರಂತ ಸ್ಟಾರ್​ಗಳ ಜತೆಗೆ ಬೆಲ್ಲಮಕೊಂಡ ಶ್ರೀನಿವಾಸ್​, ಮಂಚು ವಿಷ್ಣುರಂತಹ ಅಷ್ಟೇನೂ ದೊಡ್ಡ ಸ್ಟಾರ್​ಗಳ ಜತೆಗೂ ಅಭಿನಯಿಸಿದ್ದಾರೆ.

ಹೀಗೆ ಎಲ್ಲರ ಜತೆಗೆ ಅಭಿನಯಿಸುತ್ತಿರುವುದರಿಂದಲೇ, ಅವರ ಬೇಡಿಕೆ ಹೆಚ್ಚುತ್ತಿದೆ ಮತ್ತು 35 ವರ್ಷಗಳಾದರೂ, ಅವರು ಚಿತ್ರರಂಗದಲ್ಲಿ ಬೇಡಿಕೆಯ ನಟಿಯಾಗಿ ಉಳಿದುಕೊಂಡಿದ್ದಾರೆ ಎಂಬ ನಂಬಿಕೆ ಟಾಲಿವುಡ್​ನಲ್ಲಿ ಎಲ್ಲರಲ್ಲೂ ಇದೆ.

ಇದನ್ನೂ ಓದಿ: ಜೂನಿಯರ್ ರಣಬೀರ್​ ಕಪೂರ್​ ಸಾವು; ಕಾರಣ ಏನಿರಬಹುದು?

ಈಗ ತಮನ್ನಾಗೆ 30 ವರ್ಷ. ಈಗಾಗಲೇ ಅವರು ತೆಲುಗು ಚಿತ್ರರಂಗದಲ್ಲಿ ಎಲ್ಲಾ ದೊಡ್ಡ ನಟರೊಂದಿಗೂ ನಟಿಸುತ್ತಿದ್ದು, ಅವಕಾಶಗಳು ಕಡಿಮೆಯಾಗುತ್ತಿವೆ. ಇನ್ನೂ ದೊಡ್ಡ ಹೀರೋಗಳು ಅಂತ ನಂಬಿಕೊಂಡು ಕುಳಿತರೆ, ಕೆರಿಯರ್​ ಮುಗಿದು ಹೋಗುತ್ತದೆ ಎಂಬ ಭಯ ತಮನ್ನಾ ಅವರದ್ದು. ಅದೇ ಕಾರಣಕ್ಕೆ, ಹಿರಿ-ಕಿರಯ, ಹಳಬರು-ಹೊಸಬರು ಎನ್ನದೆ ಇನ್ನು ಮುಂದೆ ಎಲ್ಲರ ಜತೆಗೂ ನಟಿಸುವುದಕ್ಕೆ ತಮನ್ನಾ ಯೋಚಿಸಿದ್ದಾರಂತೆ. ಇದಕ್ಕೆ ಮುನ್ನುಡಿಯಾಗಿ ಅವರು ಸತ್ಯದೇವ್​ ಜತೆಗೆ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

https://www.vijayavani.net/krishna-shroff-flies-to-sydney-to-meet-boyfriend/