ಬಾಲಿವುಡ್ ನಟ ರಣಬೀರ್ ಕಪೂರ್ ಅವರನ್ನೇ ಹೋಲುವ ವ್ಯಕ್ತಿಯೊಬ್ಬ ಇಂಟರ್ನೆಟ್ನಲ್ಲಿ ಸೆನ್ಸೆಷನ್ ಸೃಷ್ಟಿಸಿದ್ದರು. ರಣಬೀರ್ ಅವರಂತೆ ಫೋಟೋಶೂಟ್ ಮಾಡಿಸಿ, ಅವರಂತೆ ಬಾಡಿ ಮ್ಯಾನರಿಸಂನಿಂದಲೇ ಗುರುತಿಸಿಕೊಂಡಿದ್ದರು. ಹೌದು, ಕಾಶ್ಮೀರ ಮೂಲದ ಜುನೇದ್ ಶಾ, ಥೇಟ್ ನೋಡಲು ರಣಬೀರ್ ಕಪೂರ್ ಅವರನ್ನೇ ಹೊಲುತ್ತಿದ್ದರು. ಆದರೆ, ಇದೀಗ ಅದೇ ವ್ಯಕ್ತಿ ಸಾವನ್ನಪ್ಪಿದ್ದಾನೆ.
ಶ್ರೀನಗರದ ಇಲಾಹಿ ಭಾಗ್ನಲ್ಲಿ ಶುಕ್ರವಾರ ಕಾರ್ಡಿಯಾಕ್ ಅರೆಸ್ಟ್ (ಹೃದಯ ಸ್ತಂಭನ)ನಿಂದಾಗಿ ಜುನೈದ್ ಕೊನೆಯುಸಿರೆಳೆದಿದ್ದಾರೆ.
ಇದನ್ನೂ ಓದಿ: ಟೈಗರ್ ಶ್ರಾಫ್ ತಂಗಿ ಕರೊನಾ ಹಾವಳಿ ಮಧ್ಯೆ ಸಿಡ್ನಿಗೆ ಹಾರಿದ್ದು ಏಕೆ?
ಅಂದಹಾಗೆ, ಜುನೈದ್ ಶಾ ಸೋಷಿಯಲ್ ಮೀಡಿಯಾದಲ್ಲಿ ಜೂನಿಯರ್ ರಣಬೀರ್ ಎಂದೇ ಹೆಸರು ಮಾಡಿದ್ದರು. ಜುನೈದ್ ಫೋಟೋ ನೋಡಿದ್ದ ರಿಷಿ ಕಪೂರ್, ಟ್ವಿಟರ್ನಲ್ಲಿ ಮಗ ರಣಬೀರ್ ಮತ್ತು ಜುನೈದ್ ಅವರ ಫೋಟೋ ಶೇರ್ ಮಾಡಿಕೊಂಡು, ‘ಅರೇ ನನ್ನ ಮಗನಂತೆ ಇಲ್ಲೊಬ್ಬ ಇದ್ದಾನೆ. ನಂಬಲು ಆಗುತ್ತಿಲ್ಲ’ ಎಂದು ಟ್ವಿಟ್ ಮಾಡಿಕೊಂಡಿದ್ದರು.
ಇದನ್ನೂ ಓದಿ: PHOTO: ಭಜರಂಗಿ ಭಾಯಿಜಾನ್ ಚಿತ್ರಕ್ಕೆ ಐದು ವರ್ಷ; ಆ ಚಿತ್ರದ ಮುನ್ನಿ ಈಗ ಹೇಗಿದ್ದಾಳೆ ಗೊತ್ತಾ?
ಇನ್ನು ಮಾಡೆಲಿಂಗ್ ಮತ್ತು ಸಿನಿಮಾ ಕಲಿಕೆಯಲ್ಲಿ ತೊಡಗಿಸಿಕೊಂಡು ಕಳೆದ ಕೆಲ ವರ್ಷಗಳಿಂದ ಮುಂಬೈನಲ್ಲಿಯೇ ವಾಸವಾಗಿದ್ದ ಜುನೈದ್, ಇತ್ತೀಚೆಗಷ್ಟೇ ಶ್ರೀನಗರಕ್ಕೆ ಆಗಮಿಸಿದ್ದರು. ಆದರೆ, ಇದೀಗ ಕಾರ್ಡಿಯಾಕ್ ಅರೆಸ್ಟ್ ನಿಂದಾಗಿ ಸಾವನ್ನಪ್ಪಿದ್ದಾರೆ. ಅವರ ಸಾವಿಗೆ ಅವರ ಅಭಿಮಾನಿ ಬಳಗ ಮತ್ತು ಕುಟುಂಬಸ್ಥರು ಕಂಬನಿ ಮಿಡಿದಿದ್ದಾರೆ. (ಏಜೆನ್ಸೀಸ್)
ಸುಶಾಂತ್ ಆತ್ಮಹತ್ಯೆ ಪ್ರಕರಣ; ಸಿಬಿಐ ಬೇಡ್ವೇ ಬೇಡ, ಮುಂಬೈ ಪೊಲೀಸರೇ ಸಾಕು!